Yelemiya 5:6 - Amazwi Yakwe Leza 2013

⁶ Ali cino na cisama ukufuma mu mpanga aliza ayakome, nu mumbulu uwamu lwanga uliza uyalepole mu tumpilinsya. Inangu nazyo zilateyamila apipi ni misumba yao kuti zisanyole wiyo wensi alalonda ukufuma. Pasi pano uyi wao watiupitilila, na ucisanguka wao nao pasi pakuvula.

Yelemiya 5:6 ပူးပေါင်းရင်းမြစ်များ

2 Milandu 36:14

Alino akalamba yonsi yasimapepo kumwi na antu kwene yalunduluka ukuntaya acumi, yala yakulondela imisango iipe ya mitundu yuze iyazingulwike. Umu mipepele ya tuluwi, iyasuka yakowezya ni Ng'anda ikulu yakwe Yawe ino Yawe umweneco wacisile ukuya iyamuzilo.

Ezila 10:10

Lyene simapepo Ezila akatuka, nu kunena antu ati, “Musi acumi apakutwala anaci ainamasi. Fwandi mwalunda penepo apa uyi wa ina Izlaeli.

Ezila 9:6

Alino mpepa inti, “We Leza wane, insonyi nu ulanda vyandesya ukusanzula amanso kunuli, Leza wane, pamulandu wakuti amaifyo itu yavulisya cuze ukuluta imitwe itu. Icumi kwene uyi witu wavulisya wakwe cimwi ukufika nu kwiyulu.

Yobo 10:16

Nanti ningati nkanjitwale apankolelo, wemo ale umandunga kwati avino cisama akalunga. Nupya apakuncuzya ukaswilizyapo ukucita ivipezyamano.

Masamu 104:20

Imfinzi awewe ukaileta nga kuya usiku, ni nyama zya mpanga nazyo izitandika ukukatuka.

Masamu 80:13

Na yakapoli yakuupwazola, ni nyama zya mpanga nazyo zikulya kweneko.

Ezaya 1:23

Intunguluzi zyako zyatizitalama, iziya a yacuza ya ivi. Lyene yakazumilizya utwawila na mafukakanwa. Yatangeyezye lyene ukuvwangila ana yasyale mu cilye nanti ukuvwa ku ntazi zyakwe yamukamfwilwa.

Ezaya 59:12

We Yawe, ala vino twaluvyanya kunuli ivivule. Uyi witu ali uno ukutusinila naswe kwene twatituvisininkizya.

Yelemiya 14:7

Antu yane yakundilila, yati, “Nanti angala amaifyo itu yakutusinila, we Yawe ule utwazwilizye sile ndi muno walavile. Twifya wakwe cimwi kunuli, na ucisanguka witu wapitilila.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 25:38

Cisama watakatuka mu cifulo cakwe ni mpanga yao yatisanguka ulwanga pano ulupanga lwa ononyi lwatiluyakoma ni cipyu cikali cakwe Yawe caticiyaponela.”

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 30:15

“Pacani fwandi cino ukuilizyanyizizya pa cilonda cako? Ukucula kwako kutalasila. Nakucitila vyonsi vii pano uyi wako wakulisya na maifyo yako yakulisya.

Yelemiya 30:24

Icipyu cakwe Yawe icikali citalatala cizuke foo, suka sile ace atale afikilizye amapange yamu mwenzo wakwe. Antu yakwe yaluvwa muno ciile mu manda aliza ku nkolelo.

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 49:19

Ndiza njapumikizye nu kuyazingila kutali, wakwe vino cisama akacita ukufuma mu matesi yakwe Yodani nu kutumbela mu nyika ya mulemvwe. Alino lyene ndiika mwenemo yano ntemilwe nemweneco. Aweni waya wakwe nene? Wino angandolwela aweni? Na kacema wino angimilila pa cinso cane aweni?

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Yelemiya 8:7

Nanti sile amazela mu lwelele yakamanya insita iyapimwa. Ivipeele, utumimbi ni ngoli, navyo kwene vikasunga insita izili nu kwiza. Lelo antu yane yaa yatamanya vino ne Yawe napingula.

Nyimbo zya ndosya 1:5

Anisi yano yapokolola umusumba lyene asangwike aeneco ya musumba. Umwene uwatamuletela ucuzi uwo pamulandu wa maifyo yakwe avule. Ana yakwe yalemwa nu kusendwa uku uzya.

Ezekelo 16:25

Nanti angala wayemba, lelo kwene wewe mukowele. Pasi pano umwili wako ukautwala uku muntu ali wensi wino wiza kunuli, icakuti lyene na ucizelele wako wati usuka ukulilako.

Ezekelo 22:27

Akalamba ya uteko nayo kwene yaya wa mimbulu ino ikutakanya inyama ino yatilema. Yene yakakoma antu pakuti yalonkelemo icuma.

Ezekelo 23:19

Awe lyene alino cilusyamo kunoli ukucita uzelele uno wene watandike mu Eguputo lino wene wali umukazyana.

Danieli 7:4

Cakwe conga calolike wakwe cisama, lelo cakweti amaapa wakwe cipungu. Lino ncili lolekesya, amaapa yakweco yanyunsulwa. Alino cinyama cici yacikatusya apakuti cimilile wa muntu, nga yacipela nu mwenzo wa muntu.

Danieli 7:6

Pacisila cakwe vii, lino ncili lolekesya, indola icinyama cuze. Cene calolike wa nangu, lelo apa nsizi yakweco pali amaapa yani, yano yakoline na maapa ya cunyi, nga cakweti ni mitwe ini nupya capilwe amaka ya kuteeka.

Oseya 5:14

Ndazanza antu yakwe Efulemu wakwe vino cisama akazanza, ndayalepola mu tumpimfya ndi vino cisama wamaka akacita. Nemwisikulu ndayasantola nu kuyasya. Lino ndayakululula, kusi nanti umwi alaya na maka akuyatuula.

Habakuku 1:8

“Imfwalasi zyao zyalwilo ukuluta inangu, nupya yakalipisya ukuluta imimbulu ili ni nzala. Akwezilepo a yanyela ku malunga nanti kungatalimpa uli. Yene yakapapukila kwati inkwazi ino ikasi kulema cakuti ingalya.

Zefaniya 3:3

Yacilolo yako yakung'anza wakwe yacisama, ni ntunguluzi zyako zikoline wa mimbulu, ino isyasya nanti cimwi kuti cifike nu mukatondo.

Mpendwa 32:14

Mwalola lyene mwe ntalanganyi mwe! Mwapyanikizya pali yaso. Mwalundapo na pa cipyu cakwe Yawe cino wakwatile aina Izlaeli lili.

Umbwilo 13:2

Cilyanyi calolike wa nangu, ni ngazo zyakweco wakwe zyakwe ciuli, nu mulomo wali wa mulomo wakwe cisama. Cizoka cipela maka ni cilimba ca wene nu utesi ku cilyanyi.