Yelemiya 5:13 - Amazwi Yakwe Leza 2013

¹³ Yene yavwanga ukuti yakasema imiza sile nupya yatakweti amazwi yakwe Yawe.

Yelemiya 5:13 ပူးပေါင်းရင်းမြစ်များ

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Yobo 6:26

Uzye mwemo mukulola kwati nkulanda ivyacilandelande? Nu kuleka amazwi ya muntu uwapelembekelwa yuluke wakwe nkungulupya.

Yobo 8:2

“Uzye we Yobo ulata lilaci ukuvwanga icili cimwi kwene? Amazwi yako yaa yakupita ungati cipunga.

Mapinda 25:14

Wiyo akalaya ivilayo vyampomvu ukwaula kufikilizya, waya wa makumbi nu muza usileta imvula.

Ezaya 41:29

Endi, tuleza tuluwi tonsi utuwelewele. Twene tutangetucitepo icintu nanti cimwi. Ivinkolanya vyonsi vii, ivikacita antu ivya uwelewele. Vyene ivinyukuntike, na maka yakucita cimwi, yavilye.

Yelemiya 14:13

Lelo nani naasuka inti, “We Yawe Simwandalali, umanyile ukuti yakasema yakunena antu yati umu mpanga mutalapona inkondo nanti cipowe, pamulandu wakuti wayalaya ukuti mulaya sile icituku.”

Yelemiya 14:15

“Nemo nkukunena we Yelemiya vino nemo nasya ncite ku antu yayo yakasema yano nemo ntatala natuma, yayo akalanda vino nemo ntayanenyile. Yene yakalanda ukuti kutalapona inkondo nanti icipowe umu mpanga ii. Ala nemo ndayakoma uku lupanga nu ku cipowe.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 22:22

Umuza umaululula intunguluzi zinu zyonsi. Yano mwalemana nayo yalayasenda ku uzya. Alino lyene mwemo insonyi zilamulema, mulapupana pamulandu wa uyi uno mwacita.

Yelemiya 28:3

Pasikupita imyaka iili ale nawezezya iviya ku ncende ii, vyamu ng'anda ikulu ya mapepo vino Nebukadineza umwene waku Babiloni wafumizye mu ng'anda ii nu kutwala ku Babiloni.

Yelemiya 43:2

Azaliya umwana umonsi wakwe Hosyasya na Yoanani umwana umonsi wakwe Kaleya, na antu yonsi aminteleu nu utalami, yanena Yelemiya yati, “Ukusomba sile ufi Yawe atakutumile ukuti tutaya ku Eguputo ku kwikala.

Oseya 9:7

Insita ya kuvunukwa yatiyiza, amanda ya kulipilwa yatiyafika. Lyene yalamanya ukuti ivintu kwene vii vyacumi. Ndakai yakuvwanga yati, “Kasema wii wapena, umuntu uwa mano yakwe Leza iciwelewele!” Pamulandu wakuti ukwifya kwao ukukulu, yene yampata wakwe cimwi.