Yelemiya 48:8 - Amazwi Yakwe Leza 2013

⁸ Umononyi wilya aliza ku konona umusumba uli onsi, nga kusi umusumba nanti onga uno alapanya. Icifoloma cilononwa kumwi ni mpanga itambalale, pano Yawe uwatavwanga.

Yelemiya 48:8 ပူးပေါင်းရင်းမြစ်များ

Yelemiya 15:8

Yamukamfwilwa yao yatiyavulilako umu mpanga ilya, ukuluta umusensenga uwamu nkumba yakwe yemba. Nakomile ana inu alumendo apa vilumba vyao, nu kuleka kuti yanyina yacule. Umu kupumikizya nayaponyezizye kunyunguluka nga ni ngofyo.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 48:18

Ika papo apa cilimba cako caucindami, uivwenteke apa citumba, we mukazyana mwana Diboni, we muno watenzi lyonsi umu mutende. Pasi pano lyene umononyi wakwe Moabu wiza ku kulwisya. Wene wataonona na malinga yako.

Yelemiya 51:56

Yiza ku konona Babiloni. Ivita vyakwe vyalemwa na malapwa yao yakontolwa. Nene indi Leza akakalipila uyi, nupya ndacitila Babiloni ndi muno akalondela, ukulingana ni sunde.

Yelemiya 6:26

Yawe wavwanga ku antu yakwe ati, “Mwe antu yane zwalini vizwalo vya ndosya munyepe ni mipango mu mitwe. Losyini, pomolini impooma wakwe vino yakaloosya umwana umonsi uwavyalwa sile wenga mpo. Pano umononyi amaiza amwiukizye.

Ezekelo 25:9

cisuma nani fwandi ndaleka imisumba ikalinda yanande ya ina Moabu ikazanzwe, ukwikapo nu musumba wao uzipisye uwa Beti Yesyimoti, nu wa Baali Meoni nu wa Kilyataimu nayo kwene ikazanzilwe kumwi.

Yoswa 13:17

Nu ku ncende iya Hesyiboni ni misumba yonsi yakweyo iyaya pa tumpuke nupya apatambalale wakwe ii: Diboni, Bamoti Baali, Beti Baali Meoni,

Yoswa 13:21

ni misumba yonsi iyaya pa ncende itumpuke nupya itambalale nga nu wene onsi wakwe Siooni umwene wa ina Amoli, wino wateesile mu Hesyiboni. Mose wamucimvizye kumwi na Evi, Lekemu, Zuli, Huli na Leba, intunguluzi zyaku Midyani zino zyumine akapi na Siooni uwikalanga mu mpanga ilya.

Yoswa 13:9

Impanga iyo yatandikila ukufuma ku Aloeli lwa mu mbali ya Cifoloma ca Alinoni, kumwi nu musumba uwaya mu cifoloma ni mpanga yonsi itumpuke nupya itambalale, ukutandikila ku Medeba ukufika ku Diboni.