Yelemiya 48:7 - Amazwi Yakwe Leza 2013

⁷ Pamulandu wakuti mwemo mwataila mu vicitwa vinu nu mu vyuma vinu, namwe kwene mulasendwa mu uzya, nga na Kemosyi alasendwa mu uzya, kumwi na yasimapepo yakwe nga na makombe yakwe.

Yelemiya 48:7 ပူးပေါင်းရင်းမြစ်များ

2 Samueli 5:21

Lino aina Filisti yutwike nu kusya utuluwi twao papa kwene, Davidi na antu yakwe yatusenzile.

1 Yamwene 11:33

Ndacita vivyo pamulandu wakuti Solomoni wiyo wamfutatila, atatandika nu kupepa Asyitaloti, kaleza kanaci ka ina Sidoni, na Kemosyi, kaleza kanaci ka ina Moabu, alino na Moleki, kaleza ka ina Amoni, Solomoni wata ukuntontela. Wene akucita ivintu vya winyi nupya asikusunga amasunde yane ni vyeo vyane wakwe vino isi Davidi wacitanga.

1 Yamwene 11:7

Solomoni asuka akuula incende yakupepelapo papela ya mwamba lwaku ufumondaka wakwe Yelusalemu, apa kupepela Kemosyi, kaleza kaluwi ka ina Moabu. Alino na pakupepela Moleki, kaleza kaluwi ka ina Amoni.

Masamu 40:4

Walongo umuntu wino wataila muli Yawe, wiyo asitwala amano uku tuluwi nanti asilondelela yakapepa yakwe tuleza twaufi.

Masamu 52:7

“Uzye asi ali wiya uwakananga ukuzina kuli Leza? Wene wasumvile sile amano uku vyuma vyakwe nyanya, ali muno nu mwenzo wakwe onsi wasintilile!”

Yelemiya 13:25

Yawe walanda ukuti lilyo lili syamo ililamuponela. Vili vino wene wapingula ukumucita, pamulandu wakuti mwemo mwamufutatila nu kutaila mu tuluwi tuleza twaufi.

Yelemiya 43:12

Aloca amang'anda yano yakapepelamo tuleza twamu Eguputo. Alatoca nanti kutusenda mu mpanga ya inamasi. Alazifya impanga ya Eguputo wakwe vino kacema akasola inda mu vyakuzwala vyakwe. Nupya alafuma mwenemo ukwaula nanti umukwangu.

Yelemiya 48:13

Alino lyene Moabu insonyi zilamulema pali Kemosyi, ndi vino zyalemile ang'anda yakwe Izlaeli lilyo lino yataile muli Betele, kaleza kaluzi.

Yelemiya 48:46

Kalanda kunuli, we Moabu! Antu aku Kemosyi yononwa. Ana yako aonsi yasendwa ku uzya na ana yako anaci nayo yalemwa.

Yelemiya 49:3

“Mwe ina Hesyiboni, losyini! Ai wataononwa! Mwe anaci amu Laba, pundini muipombelekezye ivisamu mu misana. Losyini, mwalukuzeuluka kuu na kuu, mukasi ki liinga. Pasi pano lyene Milikomu akuya umu uzya, kumwi na yasimapepo ni ntunguluzi zyakwe.

Yelemiya 49:4

Icani cino ungaitakizya apa manyika yako, ukuitakizya pa manyika yako yao amuzano? Iyee mwe we kaciwe wakantu uwaula utailo, wataila apa vyuma vyako vino wakoozya, uti nu kuti, ‘Aweni angezya ukundwisya?’

Yelemiya 9:23

Yawe wavwanga wati, “Uwamano atayuvwa pa mano yakwe, nanti uwamaka atayuvwa pa maka yakwe, umukama nawe atayuvwa pa vyuma vyakwe.

Oseya 10:13

Lelo mwemo mwakomile ukakasi, nu kuzombola inkota. Mwalya iviseekwa ukufuma mu ntumpu zinu. Pamulandu wakuti mwasintilile mu maka inu, nu mu wingi wa vita vinu,

Mpendwa 21:29

Owe! Kalanda kunomuli mwe ina Moabu! Mwe muno mukapepa Kemosyi mononeka! Leza winu uwaleka antu inu yaye imbutusi, na anaci nayo yayasenda uzya kuli Siooni umwene wa ina Amoli.

1 Timoti 6:17

Uwanena akama mu vintu vyamu nsi kuti yataitumika, nupya yatapaalila mu vyuma vino vitakwata uyo, suka muli Leza. Wene kwaula lusoko akatupeela vintu vyonsi ivyakutuzanzya.

Umbwilo 18:7

Mucuzyini nu kuleka anyunguluka cuze kulingana nu lulumbi nu wikazi wapapela uno umwisikulu waipile. Pano wene akutwalilila kuinena ati, ‘Ntenzi pano, ne namwene! Nemo insi mukamfwilwa, ntalatala ndosye!’

Yakapingula 11:24

Uzye citange cikuzipile ukutoola cino Kemosyi leza wako wakupeela? Naswe kwene consi cino Yawe Leza witu watupela, cico kwene acino tumatola.