Yelemiya 48:41 - Amazwi Yakwe Leza 2013

⁴¹ Umusumba wa Kelioti ulapokwa nga na malinga yalapokwa. Mu wanda ulya imyenzo ya vita vyaku Moabu ilaya wa mwenzo wa mwanaci wino ali pipi nu kulela.

Yelemiya 48:41 ပူးပေါင်းရင်းမြစ်များ

Ezaya 21:3

Apamulandu wa vintu vino nuvwile nu kuvilola mu cilolwa nkuuvwa intete nu ulanda, wa mwanaci wino ali pipi nu kupapa. Vino nuvwa vyativindetela izyungu. Vino nkulola vyampezya amano.

Ezaya 13:8

Intete zyati ziyalema, nu kucululuka nga na malanda vyati viyizila, kwati umwanaci wino insita yakwe yakulela yatimufikila. Akula yalolekesya iciyapezya amano, apamanso yao patipatuwalala.

Yelemiya 49:22

Silola! Wiyo wino akuwela nu kulelemba wakwe lyang'anda'anda. Akwanza amapa yakwe pali Bozila. Mu wanda ulya imyenzo ya vita vyamu Edomu ilaya wa mwenzo wa mwanaci ali pakulela.

Yelemiya 30:6

Tala tekelini, muzyeko! Uzye umonsi angavyala umwana? Uzye pacani fwandi nkulola kuno umonsi ali wensi watalema mu musana wa mwanaci wino ali pipi nu kulela? Uzye pacani cino amausyu yao yatiyasenukila vii nu kuswepuluka?

Yelemiya 6:24

Antu amu Yelusalemu yakuti, “Twatituvwa ilandwe lyapali alio, nga na makasa itu yatovoka. Intete nazyo zyatizitulema. Cikutunyongoloka kwati umwanaci wino ali pipi nu kulela.

1 Tesalonika 5:3

Lino antu yalelenganya ukuti vyonsi vili ningo nupya mu mutende, alino lyene ulovyo ulayaponela mu kupumikizya. Wene ulayaponela wa kunyunguluka kwa mwanaci wino ali mu umbuza. Nupya yene yatalutuka.

Yelemiya 51:30

Alino lyene ivita vyaku Babiloni vilata ukulwa, vilikala sile cele, umu maceleta yaviko. Amaka yaviko yalasila. Vilaya sile wa anaci. Amang'anda yakwe Babiloni yalatumuka umoto. Imikolongelo ya mpongolo zyakwe ilavunoka.

Yelemiya 50:43

Umwene waku Babiloni apakuvwa impwelo pali alio, atandika kuzakaza mu mimfyompo. Pasi pakuteza kwati umwanaci wino ali pipi nu kulela.

Yelemiya 49:24

Damasiko wataiteyanya ukuutuka, akuzakaza sile. Ulanda ni ntazi vyati vila vimuzana. Ali kwati umwanaci wino ali pipi nu kulela.

Yelemiya 4:31

Nuvwile inkuuta kwati izya mwanaci wino ali pipi nu kulela ukuilizyanya kwati a wiyo akwelepa umwana wiyeli. Kwali kuli kulila kwakwe Yelusalemu, wino akwasela sile wataanza na makasa ala akuti, Owe mwe! Nazanzwa! Yene yakwiza ku kunkoma!

Yelemiya 4:9

Yawe wavwanga wati, “Mu wanda ulya yamwene ni ntunguluzi yonsi kwene yalaputuka imisana. Yasimapepo cilayapezya amano, na yakasema yalazunguka.”

Yelemiya 48:24

uku Kelioti nu ku Bozila nga nu ku misumba yonsi yaku Moabu, iya kutali ni ya mupipi.

Yelemiya 50:37

Komolini imfwalasi zyao na maceleta yao kwene! Komini kumwi ni vita ivyenyi, ivyafuma ku mitundu yuze, vino yingizya incito uku ina Babiloni apakuti yayazwe. Yene icili conga sile wakwe yamangu. Ononini ni vyuma vyao kwene vino yasunga. Muvisampe visendwe nu kusendwa.

Amosi 2:2

Nemo ndaponyezya umoto pa mpanga ya ina Moabu, nga umoto uo uloca amalinga ya musumba wa Kelioti. Aina Moabu yonsi yalafwila umukasi ka congo ca nkondo, lino asilika yalapunda nu kulizya intandala.