Yelemiya 48:12 - Amazwi Yakwe Leza 2013

¹² Lelo Yawe wavwanga wati, “Cenjelini, amanda yaliza lino ndamutumila antu yakitulula, akumwitulula. Yalapakulula iviya vyakwe nu kutamola inkolo zyakwe.

Yelemiya 48:12 ပူးပေါင်းရင်းမြစ်များ

Masamu 2:9

Ulayavyengola ni ntuwa ya cela, nu kuyatamola wakwe vino yakatamola inyungu.’ ”

Ezaya 16:2

Lyene yalolele apa vituntu vya luzi lwa Alinoni, nu kupitana wa vyunyi vino iyasambulwila ivinsanzo.

Ezaya 30:14

Mulafwamfwantika sile wa nyungu ya mbulo, icakuti patalasyala icinga icikulu nanti conga, cino yangapalila penepo nanti umoto, nanti ukutapwila penepo utumanzi mu cifula.”

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 19:10

Lyene nupya Yawe avwanga kunondi ati, “Tamola musazi apa manso ya antu yano tupisile nayo.

Yelemiya 25:34

“Ale fwandi mwe yakacema pongomokini impooma. Kunkulukini pansi mwe ntunguluzi zya ufyo. Pano amanda inu akukomwa yatiyamuzana. Yamamufyula wakwe yasuuku.

Yelemiya 25:9

indi nu kwama imitundu yaku kayeya, namaama umuomvi wane Nebukadineza umwene waku Babiloni, namaama antu yano yakaikala ku mpanga ilya apakuti yize yamuvwangatile, yavwangatile kumwi ni mitundu ino yamuzinguluka. Namamulovya mwensi pyu pakuti antu yauze ndi yalolekesya yatandika sile kuizakazila pamulandu ni ntete. Ivyalanda Yawe.

Yelemiya 48:11

Yawe wavwanga wati, “Moabu ukutandikila sile ku wance wakwe wikalanga ku matwi cele. Atatazile asendwepo ku uzya. Impanga ya Moabu yaya wakwe waini, umwikalilile, wino yatatala yitulwila umu nkolo zyuze. Fwandi nu kununkila kwakwe kutatala kusila. Kwaya sile mumu kwene muno kwayela.”

Yelemiya 48:13

Alino lyene Moabu insonyi zilamulema pali Kemosyi, ndi vino zyalemile ang'anda yakwe Izlaeli lilyo lino yataile muli Betele, kaleza kaluzi.

Yelemiya 48:15

Ala nkumunena ukuti umononyi wakwe Moabu ni misumba yayamo wataiza ku kulwisya. Alumendo yaya kwene asopoloke aku Moabu yatiyatelemukila uku kukomwa.” Ivyalanda ne Yawe, Leza Wamaka yonsi.

Yelemiya 48:38

Apa mapaala ya mang'anda yonsi aku Moabu nu mu miseo kwene muli mpooma zitupu, pamulandu wakuti natintamola Moabu wa nsembo ino yonsi yasuula. Ivyalanda ne Yawe.

Yelemiya 48:8

Umononyi wilya aliza ku konona umusumba uli onsi, nga kusi umusumba nanti onga uno alapanya. Icifoloma cilononwa kumwi ni mpanga itambalale, pano Yawe uwatavwanga.

Naumi 2:2

Yawe ali pipi nu kuwezezya ululumbi ku mpanga ya Izlaeli, wakwe lulu luno yakweti lino anisi yatali kuti yaizanze.