Yelemiya 47:1 - Amazwi Yakwe Leza 2013

¹ Yaa amazwi yano Yawe walanda kupitila muli kasema Yelemiya, yano yakumile aina Filisti, lino Falao atacili onona Gaza.

Yelemiya 47:1 ပူးပေါင်းရင်းမြစ်များ

Utandiko 10:19

cakuti umupaka wa ina Kenani wafisile ukufuma ku Sidoni ukuya ku Gelali nu ku Gaza kufika ku ufumondaka, ulunga na Sodoma na Gomola, Adima nu ku Zeboimu mpaka kufika na Lasya.

1 Yamwene 4:24

Pano wene wateekanga amawene yonsi ayela lwaku uwondaka wa luzi lwaku Yufulate, ukutandikila ku Tifisa mpaka ukufika ku Gaza, nupya mwali umutende mu mpanga yakwe ni mpanga zyonsi izyamuzingulwike.

Ezaya 14:29

Mwe ina Filisti mwensi mutazanga foo, pamulandu wakuti intuwa ino yamupolanga yatikontoka. Mumanye ukuti mu luko lwa nzoka, ndi yonga yafwa, mulatumbuka yuze ilusile iyo. Iyayi lya nzoka lingulola icizoka icikapapuka.

Yelemiya 25:20

alino na maumba yonsi aenyi yao, yamwene yonsi a mpanga ya Uzi, yamwene yonsi a mpanga ya Filisti, Asyikeloni, Gaza, Ekiloni na yano yasiile mu Asyidodi.

Ezekelo 25:15

Yawe Simwandalali wavwanga wati, “Pamulandu wakuti aina Filisti yailandula pa kucita cilanduzi ni myenzo iyazula umusaalula, pano yezya ukucita uononyi nu lupato, nani fwandi nkanjalovye.

Ezekelo 25:16

Caleka nani ne Yawe nayanenelapo ukuti ndayazanza nu kuyalovya ndayalovya. Ndalovya aina Filisti, na ina Keleti na yonsi pyu asyala mu nkumba yakwe yemba.

Yowelo 3:4

“Uzye mwemo mwe ina Tuli na ina Sidoni na mwensi mwe ikazi aku mpanga ya Filistia, mukupanga ukuncita cani? Uzye mukucita icilanduzi apa cintu cimwi cino nacita? Ndi cakuti mukulandula, ale lyene nani ntalalengela ukumuswilizizya ivicitwa vinu vyonsi apa mitwe inu zuwazuwa.