Yelemiya 41:5 - Amazwi Yakwe Leza 2013

⁵ kwizile kweneko aonsi amakumi cinani ukufuma ku Syekemu, uku Syilo nu ku Samaliya. Ala yatiyapela ni vilezu, yatiyalepola insalu zyao nu kuicembola imiili monsi monsi. Yasenzile vyakutuula uwila ni vyakusukilizya ivyakutwala ku Ng'anda ikulu yakwe Leza.

Yelemiya 41:5 ပူးပေါင်းရင်းမြစ်များ

Utandiko 33:18

Yakobo pakuwela ukufuma ku Mesopotamya afika ulumi ku musumba wa Syekemu mu mpanga ya Kenani. Akuula insakwe yakwe kunzi ya musumba.

Utandiko 34:2

Lino Syekemu umwana wakwe Hamoli mwina Hivi, umukalamba uwamu muputule wa mpanga ilya wamulola, amulema ku maka nu kulongozya nawe.

Utandiko 37:12

Uwanda umwi aina yakwe Yosefu yatwala iviteekwa vyakwe isi ukuya cemelanga pipi nu ku Syekemu.

2 Samueli 10:4

Acino Hanuni alema inkombe zyakwe Davidi, alino azipela ivilezu lwa kwitama lyonga, nga azilepwila ivyakuzwala ukufika umu ntungu, pakasi pa matako. Alino azita kuti ziswilile.

1 Yamwene 12:1

Leoboamu aya ku Syekemu. Pasi pano aina Izlaeli yonsi yaile kweneko kuti yamuteke pa cilimba ca wene.

1 Yamwene 12:25

Lyene Yeloboamu akuula ilinga ku musumba wa Syekemu, mu mpanga ya myamba yakwe Efulemu, nga amuno watazile aikala. Lino wafumile mwenemo, watazile nupya aya akuula ilinga nalyuze ku musumba wa Peniwele.

1 Yamwene 16:24

Wene wakazile umulundu wa Samaliya kuli Syemeli pa mpiya zyakwe siluva ukulingana amakilogalamu 6,000. Alino akuula umusumba pa mulundu ulya nga autemela ni zina ati a Samaliya, apakwiusizya kweneko Syemeli uwali umweneco wa mulundu uwa uno wakazile.

1 Yamwene 16:29

Mu mwaka walenga amakumi yatatu na cinani uwa kuteeka kwakwe Asa umwene waku Yuda, Aabu umwana umonsi wakwe Omuli yamulasike uwene wa ina Izlaeli. Alino ateeka aina Izlaeli mu Samaliya imyaka amakumi yaili na iili.

2 Yamwene 25:9

Alino aoca Ng'anda ikulu yakwe Yawe, nga aoca ni sano kumwi na mang'anda ya antu yonsi acindame amu Yelusalemu.

1 Milandu 19:4

Acino Hanuni alema inkombe zizi zyakwe Davidi, azipela inyele, aputola ni vizwalo vyao lwamu ntungu, nga ayazinga.

Masamu 102:14

Pano aomvi yako yatemwisya Zioni, nanti angala yamuongolola. Yakamulila nanti angala wasyala ivitalang'anda.

Masamu 78:60

Ali pakusya ni cifulo cakwe ica ku Syilo, papo pano wikalanga ala ali apakasi ka antu.

Ezaya 15:2

Aina Diboni ali pakutumbela umulundu nu kuya ku ncende ya kupepelamo, akuno yalosezya. Pali pakulilila Nebo na Medina, imisumba yao. Pa nsita iyo ala yatiyapela inkuzu uku mitwe, ni vilezu pakulanga ulanda nu kulilizika.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Yelemiya 41:4

Uwanda uwalondelile penepo apa wanda wa kukoma Gedaliya, ala umulandu utacili umanyikwe,

Yelemiya 47:5

Antu aku Gaza yatiyapela inkuzu apakulosya. Umu Asyikeloni mwazuka. Nawe we Asyidodi, wemuno wasyala mu ina Anaki, uzye umaicembola mpaka lilaci?

Yelemiya 48:37

Cila muntu lyene watapela ulukuzu ku mutwe nga apeela ni vilezu. Iminwe yakwe ali wensi yaticembolwa. Yonsi yatiyapeteka ivyakuzwala vya ndosya mu misana.

Yelemiya 7:12

Pitini muye ku ncende imwi yaku Syilo, umusumba uno pakutandika wamanyikwe pamulandu wi zina lyane. Mumaya mukalole vino nacisile ku antu yane aina Izlaeli apamulandu wa uyi wao.

Yelemiya 7:14

Acino, ivintu vino nacitile Syilo avino ndacitila Ng'anda ikulu ii iyakwane, ino mwemo mwataila mwenemo, incende ino napiile ku vikolwe vinu.

Yowelo 2:13

Si imyenzo inu ilange ulanda kunondi, asi kulepula sile vizwalo vinu awe. “Swililini kuli Yawe Leza winu, pano wene wazipa umwenzo nupya uwa luse. Wene asisoka zuwa nga ukutemwa kwakwe kusifutuka. Insita zyonsi wene akaelela.

Malango 14:1

“Mwemwe antu yakwe Yawe Leza winu. Ali cino fwandi lino mukulosya, cisi cakwezya ukuicembola inkalo nanti ukupela ulukuzu.

Yoswa 18:1

Pacisila lino iuvi lyonsi lya ina Izlaeli lyapokolola impanga yonsi pyu, lyakongine ku Syilo kuko kuno lyasimfile ni Taalu lya Ukongano.

Yoswa 24:32

Amafupa yakwe Yosefu, yano aina Izlaeli yasenzile ukufuma ku Eguputo, iyayazika mu Syekemu mu katungu kano Yakobo wakazile ku ana yakwe Hamoli, isi wakwe Syekemu, pa mpiya zyakwe siluva ukulingana umwanda onga. Impanga ii yizile iya icaupyanyi ca amu mupanda wakwe Yosefu.

Yakapingula 18:31

Yatwalilile ukuomvya tuluwi tuno Mika wapanzile, pa nsita yonsi ino ing'anda yakwe Leza yali ku Syilo.

Yakapingula 9:1

Abimeleki umwana wakwe Gidyoni waile aikala mu musumba wa Syekemu ukwikalanga akazi kakwe nyina, nga

1 Samueli 1:7

Vili vino cayanga cila mwaka. Lyonsi lino yayanga ku kupepa Yawe, Penina wasinkolanga Hana cuze cakuti alila nga afwitoka ivyakulya.