Yelemiya 40:5 - Amazwi Yakwe Leza 2013

⁵ Ndi cakuti usikulonda ukupita, ungaswilila kuli Gedaliya umwana umonsi wakwe Aiikamu, nupya umwizikulu wakwe Syafani, wino umwene waku Babiloni walasika ukwikala pa cilimba ca wene ica kuteeka imisumba yaku Yuda. Mungikala nawe apakasi ka antu nanti uye konsi kuno watemwa.” Umukalamba wakwe yakalinda ya kwisano ali pa kumuteyanyizizya impao ni vya wila vyuze apakuti angatenuka.

Yelemiya 40:5 ပူးပေါင်းရင်းမြစ်များ

2 Yamwene 22:12

Alino apeela ilamulo kuli simapepo Hilikiya, na Aiikamu umwana wakwe Syafani, na Akiboli umwana umonsi wakwe Mikaya, na Syafani kalemba, na Asaiya kalinda wa mwene ati,

2 Yamwene 22:14

Alino simapepo Hilikiya pamwi na Aiikamu, Akiboli, Syafani na Asaiya iyaya yuzya Hulida, kasema wilya umwanaci, uwali umuci wakwe Syalumu umwana wakwe Tikiva, umwana umonsi wakwe Haliasi. Syalumu kwene wali ali kasunga wa vyakuzwala vyakwe yasimapepo ivyali umu Ng'anda ikulu yakwe Yawe. Antu yayo fwandi ali pakulandila Hulida umulandu. Umwanaci wi wikalanga umu Yelusalemu, mwi pamba lyakwe ciili.

2 Milandu 34:20

Alino apeela ilamulo kuli Hilikiya, Aiikamu umwana umonsi wakwe Syafani, Abadoni umwana umonsi wakwe Mika, na Syafani uwali a kalemba, alino na Asaiya cilolo mukalamba ati,

Ezila 7:27

Ezila avwanga ati, “Alumbanyiwe Yawe, Leza wa vikolwe vitu, wino wika ilango mu mwenzo wa mwene kuti mu musango ukwene wakuitemelwa amuno acindikile Ng'anda ikulu yakwe Yawe yamu Yelusalemu.

Ezila 7:6

Ezila wii atenuka ukufuma ku Babiloni. Wene wali akalemba, nupya inkonkotela yakwe yakasambilizya ya vyalembwa mu mpapulo zyakwe Mose vino Yawe Leza wa ina Izlaeli wayapezile. Kateeka Alitakisesi wamupile vyonsi vino wene walenzile, pano Yawe Leza wakwe wali nawe.

Neemiya 1:11

Lyene sungala uuvwikisye ipepo lya muomvi wako namapepo ya aomvi yako yonsi yano yatemwa ukucindika izina lyako. Napapata, ungaleka lyene umuomvi wako aye nu longo. Leka nu kuti umuntu wii, umwene Alitakisesi, aye nu luse kuno ndi.” Umu manda yalya ampiti anene kwene nalemelanga umwene ulwako lwakwe waini.

Yobo 22:29

Pasi pano Leza akapulumula antu ya mataki na acilumba. Lelo yayo akaicefya, yene akayapususya nu kuyapolelela.

Mapinda 16:7

Mikalile ya muntu ndi yazanzya Yawe, ala na anisi yakwe kwene yalamutemwa.

Mapinda 21:1

Yawe aliwe akatungulula imyenzo yakwe yakateeka, wakwe vino akatungulula uluzi nu kulutwala kuno atemilwe.

Yelemiya 15:11

Yawe, sileka ivitipu vyao vyonsi vimponele ndi cakuti nsikutumikila ningo, nu kupapatila anisi yane umu nsita ino intazi na malanda vyayaponile.

Yelemiya 26:24

Lelo pano nasyukile kavwangila, Aiikamu umwana wakwe Syefani, acino yatansumvile mu makasa ya antu pakuti yankome.

Yelemiya 39:14

Yene yatuma akuyasenda Yelemiya mu musolo wakwe yakalinda. Yamutwala kuli Gedaliya, umwana umonsi wakwe Aiikamu, umwana umonsi wakwe Syafani, kuti amuswilizye ku ng'anda ukwakwe. Caleka Yelemiya watenzi kuku na antu yakwe.

Yelemiya 40:4

Lelo wemo Yelemiya, ilelo namakusapula iminyololo uku makasa yako. Ndi cakuti ukulonda ukulondela uku Babiloni, tuye twapita nani ndakusunga sile ningo. Lelo ndi cakuti usikulonda ukulondela, usyale. Tala lola sile, impanga yonsi ili sile apa mulola wako, ungaya konsi kuno watemwa.

Yelemiya 41:1

Umu mwezi walenga cinimbali Isumeli umwana umonsi wakwe Netaniya, umwizikulu wakwe Elisyama uwamu luko lwa mwene, aiza na antu ikumi kuli Gedaliya umwana wakwe Aiikamu ku Mizipa. Lino yakulya pamwi ku Mizipa kwene,

Yelemiya 41:18

umu kupuuka aina Babiloni. Yayoopanga apamulandu uwa kwene uno Isumeli umwana wakwe Netaniya wakomile Gedaliya umwana wakwe Aiikamu, wino umwene waku Babiloni wacisile umulasi wa mpanga.

Yelemiya 41:2

Isumeli umwana wakwe Netaniya pamwi na antu yaya ikumi yano yali nawe yakatukila nu kukoma Gedaliya umwana wakwe Aiikamu umwizikulu wakwe Syafani, ku lupanga. Fwandi yakoma umuntu wilya wino umwene waku Babiloni walasike umu mpanga ilya.

Milimo 27:3

Pa wanda uwalondelela tufika mu Sidoni. Juliasi wali nu luse pali Paulo, amuta kuti aye akalole yacuza yakwe, pakuti yamupele vino akulonda.

Milimo 27:43

Lelo musika walondanga kutuula Paulo. Caleka ayalesya kucita cico. Lelo apeela ilamulo lyakuti antu yonsi yano angowa yafume mu wato inkolelo nu koowa ukuya ku mulundu.

Milimo 28:10

Yatupela mawila aingi, ni vikalondekwa pa ulendo, nga lino twapatama mu wato tufumako.

Ayebulai 13:6

Lyene lekini tuvwange nu kupama, tuti, “Mwene ali kazwa wane, ntaloopa cimwi. Uzye icani cino umuntu angancita?”