Yelemiya 40:3 - Amazwi Yakwe Leza 2013

³ nu kucita watacita cino wavwanzile ukuti alacita. Vyonsi vii vyativicitika pamulandu sile wakuti antu yako yaifya kuli Yawe, yakana nu kumuyela.

Yelemiya 40:3 ပူးပေါင်းရင်းမြစ်များ

Neemiya 9:28

Lelo akula sile cino yala yuma akamuza, ayayo nupya kwene iyifya. Lyene nupya kwene uyapeela umu makasa ya anisi yao yayacuzya. Nga lelo lino yazenzuka nu kukuuta kunuli kuti uyatuule, nawe ukwako kwiyulu uyuvwa, nga amaila na maila wemo wayatuulanga uku luse lwako ulukulu.

Neemiya 9:33

Wemo wacita icilungame pa kutuvunuka. Wewe wacumi muli vino wacita, nanti angala swemo twifya.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 22:8

“Alino nupya apacisila cakwe vivyo imitundu ivule iliza ipite mu musumba uo. Wensi alanena umuze ati, ‘Uzye pacani cino Yawe wacitila umusumba uu icamusango ndi uu?’

Yelemiya 39:16

“Yanga ukanene Ebedimeleki umwina Kusyi wilya uti Yawe Wamaka yonsi, Leza wa ina Izlaeli akuti, ‘Nasya mfikilizye vino navwanzile ivikumile musumba uu, nga ivintu vivyo iviipe, kusi ulongo awe. Apa nsita ilya ivintu vivyo vilafikiliziwa apa manso yako.

Yelemiya 44:23

Isyamo lii, lyamuponela mwemwe wakwe vikwene vii, vino cili ukufika na pilelo, apamulandu wakuti mwemo mwatulanga utuluwi tuleza tuze tuze sile. Mwaifyanga kuli Yawe, mwakananga nu kutontela amasunde yakwe pamwi ni vipope vyakwe.”

Yelemiya 50:7

Wensi wino wayakomenkanya ayatakanya. Na anisi yao ala yakuti, ‘Usi mulandu witu foo, nga vino yaifya kuli Yawe, ikola lyao lya mpomvu nu utailo wa vikolwe vyao.’

Nyimbo zya ndosya 2:17

Umwene lyene wasuka wacita vino walanga wapanga ukucita. Wene watatulovya ukwaula nu luse, ndi mumu kwene muno watunenyile mpiti. Wataleka ukuti anisi itu yatucimvye. Acino lyene nu kuyuvwa yakuyuvwa wakwe cimwi.

Loma 2:5

Lelo wakoma umwenzo, nupya usyalonda kuzenzuka. Caleka ukaitulikila sile ukali wakwe Leza uno alalanga pa Wanda wa upinguzi wakwe wa cumi.

Loma 3:19

Lelo swemo twamanya ukuti vyonsi ivyaya mu Masunde vyakuma antu kwene yao apilwe Masunde, pakuti kutaya umuntu nanti wenga uwakuipela insambu, nga na pakuti amu nsi yamanye vino Leza alayapingula.

Malango 29:25

“ino ukwasuka kulati, ‘Pamulandu wakuti antu yakwe Yawe yononyile upangano uno yacisile na aliwe, Leza wa vikolwe vyao, uwo uno yapangine na aliwe lino wayafumizye mu mpanga ya Eguputo.