Yelemiya 4:4 - Amazwi Yakwe Leza 2013

⁴ Sungini upangano uno ne Yawe napangine namwe. Mutuule imyenzo inu kunondi mwe antu amu Yuda na amu Yelusalemu. Ndi cakuti mwakana ukucita cico, ale lyene ukali wane ulalunkuma wa moto pamulandu wa vintu viipe vino mwacita. Wene ulalunkuma wa moto, nupya kusi nanti umwi alauzimya.”

Yelemiya 4:4 ပူးပေါင်းရင်းမြစ်များ

2 Milandu 34:25

Nemo yansangukila, yatandika nu kocela tuleza tuze ubani. Yene yansosya umwenzo pali vyonsi vino yacita. Nani ne Yawe nasokela aina Yelusalemu nupya ntalezya nu kuwezya umwenzo.

Ezaya 10:17

Leza ulukozyo lwamu Izlaeli, aliwe alasanguka umoto. Leza, Wamuzilo wilya wakwe Izlaeli, alasanguka icimbilimbili ica koca yonsi pyu, apa nsita yonga mpo, imyunga na yankololwe vilapiliila kumwi.

Ezaya 30:33

Ala ampiti sana lino yateyinye icilinkwa ca moto umwakocela umwene wa ina Asilya. Ciwina icizike nupya icikulu, muno inkwi zyazulamo tupu, Yawe umweneco aliwe amaiza auvwiile nu mupu wakwe nu moto wize utumuke kwati amaluti akupya.”

Ezaya 51:17

Zyuka we Yelusalemu, vwandamuka! Uvwile ukali lino Yawe watazile akupamola cipyu cipyu. Wene wakuumile cakuti wapempenuka, nu kupempezyoka kwati awino watakoleka!

Yelemiya 15:14

Ndaleka kuti yaye azya ya anisi yao mu mpanga ino yatamanya, pamulandu wakuti ukali wane ukoline wa moto, nupya ulafuluma amanda pe.”

Yelemiya 21:12

Mwe amu mupanda wakwe Davidi. Mwacita vya ulungi cila katondo. Mwatuula wino yafyenga, wiyo wino yiila mu ucenjezi. Ndi mutangacita cico, ale lyene iviipe vino mukucita vilalenga ukuti ukali wane ukatuke nu kulunkuma wa moto uno kusi nanti wenga angauzimya.

Yelemiya 21:5

Nene nemweneco namaya kalwisya wa anisi yinu namaka yane yonsi, icipyu cane nu ukali wane onsi.

Yelemiya 23:19

Icipunga ca ukali wakwe Yawe caticikatuka, na nkungulupya kwene watakatuka wiyo wino alaponela pa mitwe ya antu aipe.

Yelemiya 36:7

Limwi yangasuka yapapate kuli Yawe yate ni misango yao iipe. Pano kwene Yawe wayapangila wakwe cimwi, ukuyacitila cimwi cikali nupya cipyu cipyu.”

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Yelemiya 9:25

Yawe nupya avwanga ati, “Insita imwi iliiza lino nemo ndavunuka antu yonsi, yano yasilamulwa sile uku mwili. Antu yaa yonsi yasilamulwa, lelo ukwaula kusunga upangano uno cimililanga.

Yelemiya 9:26

Antu yayo ali ina Eguputo, na ina Yuda, na ina Edomu, na ina Amoni, na ina Moabu nga na yonsi aikala mu lwanga, yano yakapela inkuuzu lwa pa mausyu yao. Kusi nanti wenga pa antu yaa nanti umwina Izlaeli kwene wino wasunga upangano wane.”

Nyimbo zya ndosya 4:11

Umwene watafusya ukali wakwe. Wene wakozizye umoto umu Zioni uno wosile Zioni nu mu mifula kwene.

Ezekelo 16:38

Nupya ndakupezya ivikapeziwa yamangu yano atemwa ukulongozya nu kuzwisya uwazi. Ndakuvunuka nu lucu nu uzuwa.

Ezekelo 18:31

Tiini iviipe vyonsi vyampiti. Senulini amano inu ni myenzo inu. Uzye icani cino mwe ina Izlaeli mungalondela ukufwila?

Ezekelo 20:33

Nupya Yawe wavwanzile ati, “Nkulapa ne Leza wa umi, nemo ndamuteeka ku maka yane yonsi uluku uluku.

Ezekelo 21:17

Nga nani kwene namakomela inkufi ni cipyu cane cimasila. Ivyalanda ne Yawe Simwandalali.”

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Ezekelo 24:8

Nani kwene ali pano naleka uye, pakuti waloleka, ali kuti icipyu cane cilandwilwepo ukali ukali.”

Ezekelo 44:7

Pasi pano lyene mwati muleka aenyi yano yatasilamulwa imipasi ni mili kumwi, yingile umu Ncende yamuzilo, nu kukowezya Ng'anda ikulu yakwe Leza, apa nsita ino mukutuula uwila wa vilyo na mafuta nu wazi, nu konona upangano wane uku micitile yinu iipisye yonsi.

Ezekelo 6:12

Akutali yalafwa ku mpungo, amupipi yalafwa ku nkondo. Asyalapo nayo yalafwa ku cipowe. Yalasininkizya vino icipyu cane cikapezya antu.

Ezekelo 8:18

Caleka yalalola apapelela icipyu cane. Ntalayapanya foo, nupya citalambaya foo. Yalezya uku mpapata wakwe cimwi, lelo nemo ntalayuvwa foo.”

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Aina Levi 26:41

nupya vino ivyalenzile kuti imvyalukile nu kuvisalanganya mu mpanga zya anisi yaviko. Ku mpelelekezyo, lino amu mupanda winu yalaicefya nu kulipila imilandu ya pa maifyo yao na pali ucisanguka wao,

Amosi 5:6

Mwemo muzye vino Yawe akulonda, pakuti muye nu umi. Ndi mutangacita vivyo, wene alakatukila amu mutundu wakwe Yosefu ndi vino umoto ukaoca, alino umoto uo ulakomola aina Betele yonsi pyu ukwaula nanti umwi uwakuuzimya.

Zefaniya 2:2

lino anisi inu yatali kuti yize yamusende ndi vino umuza ukaululula cungu, lino ukali wakwe Yawe utali umuponele, lino uwanda wa ukali wakwe utacili wize.

Loma 2:25

Wemo ndi ukayela Masunde yakwe Leza ale kusilamulwa kwako kungakuzipila. Lelo ndi usyayela Masunde, ale kusilamulwa kwako ukwasilesile.

Malango 10:16

Ali cino fwandi ukufuma ndakai cingazipa mwayela Yawe nupya mute kumutalamila.

Malango 30:6

Nga alino Yawe Leza winu alapeela kunomuli nu ku amu mupanda winu imyenzo iyacuvwilo, pakuti mwamutemwa ni myenzo inu yonsi nu umi winu onsi. Lyene mulikalilila mu mpanga iya manda pe.

Malango 32:22

Ukali wane ulalunkuma wa moto nu koca akali konsi akaya pano nsi. Wene ulafika na pisina lya nsi nu koca imisisi ya myamba.

Kolose 2:11

Muli aliwe mwaya kwati mwasilamulwa kusi kusilamulwa, kwa untu, lelo kuzula mikalile iipe kuli kusilamulwa kuno Klistu akacita.