Yelemiya 4:30 - Amazwi Yakwe Leza 2013

³⁰ Alino nawe we Yelusalemu, ulazanzwa! Uzye pacani cino ukazwala insalu ziyenzulukile? Uzye pacani cino ukazwala iviyembelo vyakwe zaabu, nu kuipentola apa vipa vyako? Ala ukuicuzya sile apakuiyemvya! Yayo akutemilwe mpiti yatiyakusuula, yene yakulonda kukukoma.

Yelemiya 4:30 ပူးပေါင်းရင်းမြစ်များ

2 Yamwene 9:30

Lino Yeu wafika ku Yezileele, Yezebele auvwa ukuti watafika nga apenta ivipa, aluka ni vikuti nga asungamila ukunzi apa nzota.

Mapinda 6:25

Utakumbwa ukuyemba kwakwe, utaleka akuleme pakukuzyongwela manso.

Mapinda 7:10

awe mukwai umwanaci wilya aiza ku kumukomenkanya, ala azwite ungati acizelele, ala watavimba ni citambala uku manso.

Ezaya 10:3

Uzye mulacita cani uwanda uno ndiza umu kumukalipila, lino uzanzo ulafuma ukutali nu kwiza muponela?

Ezaya 20:6

Mu wanda ulya antu aikala mu nkumba yakwe yemba yalavwanga yati, ‘Silolini vino caya ku antu yayo yano twasintililemo. Swemo twatailanga ukuti ayano yalatwazwilizya nu kutukulula ku mwene waku Asilya! Owe mwe! Uzye lyene swemo tulapusuka uli?’”

Ezaya 33:14

Aikazi yamu Zioni yati yoofiwa, antu atamanya Leza yakuizakazila uku ntete. Yakulanda yati, “Mipingwile yakwe Leza yaya wa moto usita ukoca. Uzye aweni pali sweswe angapusuka ku moto wamusango ndi uo?

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 22:23

Wemuno wakwata icifulo cako uku Lebanoni, ni cinsanzo cako umu miti mikelide, iyee mwe lyene vino ulateta lino amacuzi yalakuponela, kwati ucuzi wa mwanaci wino ali pipi nu kulela.

Yelemiya 30:14

Yacuza yako yonsi yakwilila, kusi nu wakusakamala foo. Pano nakuumile amatukizyanda. Nakukalipile cipyu cipyu apamulandu wakuti uyi wako wakulisye na maifyo yako nayo yavulisye.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Nyimbo zya ndosya 1:19

“Nalaizye kuli yacuza yane, lelo yene yakanyile ukungazwa. Yasimapepo yane ni ntunguluzi yafwilile mu miseo ya musumba, muno yalondelezyanga vyakulya pakuti yatwalilile ukuya nu umi.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Nyimbo zya ndosya 4:17

Ukulunda pali cico, amanso itu yasusile yatonta. Twatwalilile ukulolela ukwazwiliziwa ukufuma ku luko luno lutange lututuule.

Ezekelo 28:13

Wikalanga mu Edeni, mu calo cakwe Leza, wazwalanga tumawe tukankala twa misango yonsi. Utuli wakwe lubi, topazi, emalodi, belulo, onikisi, yaspele, safilo, na daimondi. Tuto tonsi awewe twapangilwe uwanda uno waumvilwe.

Ezekelo 28:9

Uzye lyene ulasya uvwange ukuti wewe kaleza apa manso yakwe yayo alakukoma? Awe, wemo ulaloleka wa muntu, lino ulaya mu makasa yakwe yayo alakukoma, lelo asi wakwe kaleza foo.

Obadiya 1:7

Antu yano mulemenkine nayo, ayano yakumutumpoka nu kumuzinga umu mpanga inu. Antu akumwazwilizya mu ulwi ali yano yalamucimvya. Yacuza inu apa mwenzo yalamuteya. Yene yalavwanga yati, ‘Uzye ukucenjela kwao kuli kwi?’

Ayebulai 2:3

Uzye lyene tungatuulwa uli ndi tusyakwika mano ku ufyusi wakula musango uu? Mwene umwisikulu uwatandike kulanda pa ufyusi uu, na yao auvwileko mazwi yaa yasininkizye kunotuli ukuti avino cili.

Umbwilo 17:13

Yakateeka ikumi yonsi yakwata ilango lyonga, nupya yakapela maka ni nsambu zyao ku cilyanyi.

Umbwilo 17:2

Yakateeka amu nsi yacitanga uzelele nawe, nga na antu amu nsi wayakolesizye waini wa uzelele wakwe.”

Umbwilo 17:4

Mwanaci wazwite nsalu ziyenzulukile zyamutengo, nupya wazwite tuyembelo twakwe zaabu, mawe yamutengo ayengese, nga ni mbela. Mwi kasa lyakwe walemile lwako lwakwe zaabu ulwazilemo ivya uwelewele vino vyafumile mu uzelele wakwe.