Yelemiya 4:20 - Amazwi Yakwe Leza 2013

²⁰ Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Yelemiya 4:20 ပူးပေါင်းရင်းမြစ်များ

Masamu 42:7

Amaziya yakwe yayemba yakulaizyanga, ni vipoma vya manzi vyakwe Leza vikupooma! Vili wa mayimbi ya malanda ati yasambezya umwenzo wane.

Masamu 72:19

Mwamulumbanya pee pano wacindamisya nu ucindami wakwe, kawalukulimba impanga yonsi! Endita kaciye vivyo kwene! Endita kaciye vivyo kwene!

Kufuma 33:5

Kuli kuti Yawe ala watapeela ilamulo kuli Mose ati, “Nena aina Izlaeli uti, ‘Mwemwe antu akome myenzo. Nemo ndi napisile pamwi namwe, nanti pa kasita kanono sile, ningamonona kayala ng'anda. Ndakai zulini viyembelo vinu, nupya namaelenganya vyakucita namwe.’ ”

Ezaya 13:6

Pongomokini pano uwanda wakwe Yawe uli umupipi. Uwanda uo uliza wa ononesi ukufuma kuli wiyo Wamaka yonsi.

Ezaya 15:5

Awe icumi umwenzo wane ukulilila aina Moabu! Antu yatiyasaamila ku musumba wa Zoali, ukufika nu ku Egilati Syelisyiya. Yamwi yatiyatumbela umuseo wa Luiti, ala yafumile yakulila muno yaile. Yamwi yatiyutukila uku Holonaimu, ala yakupongomoka wakwe cimwi!

Ezaya 33:20

Sitala lolekesyini Zioni, umusumba wa vyakuzevya vitu vyaupefi. Amanso inu yalalola Yelusalemu, wikalo wa longo, itaalu lisitenta, lisisimpulwa impopo, ni myando ino wakwata iyamuntaputulwa nanti lyonga.

Ezaya 47:9

Amasyamo yaa yoili kwene uliukila sile kuno yakuponela, nupya apa wanda uli onga kwene. Nanti wemo ungapanda amalele uli, nu kukwatisya ivizimba, awe cumi ulafwilwa ana, nu kusyala mukamfwilwa.

Ezaya 54:2

Vungulula incende yi taalu lyako muno ukaikala. Konzolola insalu zi taalu kutali, utalimfye ni myando yako. Pampamila ni mpopo zyako ningo.

Yelemiya 12:11

Yatiyaisangula wa lwanga, lino nani nkuilolela. Impanga yonsi yatisanguka wa lwanga nu wakuti aisakamale kusi.

Yelemiya 17:18

Yano yakancuzya kayazewane, lelo utaleka kuti nemo nzewane. Si leka ingofyo ziyaponele, lelo nemo utangofya. Uyaletele uononesi nu kuyavungola.

Yelemiya 4:21

Uzye ukufika lilaci lino ndalola imendela ya nkondo, nu kuvwa ukulila kwa ntandala?

Yelemiya 4:27

Pano avino Yawe watavwanga ati, “Impanga yonsi ilononwa, lelo ntalayonona pyu.

Yelemiya 4:6

Tumpulini cimanyililo cakulanga ukuya ku Zioni. Simulini muipususye, ukwaula kuzingota! Pano nasya ndete uzanzo ukufuma ku kayeya, nu uononyi uwipe wakwe cimwi.

Yelemiya 9:18

Antu nayo ali pakuvwanga yati, “Lekini yize zuwa yatwimbile ulwimbo lwa ndosya, mpaka ivipa vitu vizuule aminsozi, ni nkopyo zitu zitipate na minsozi apa kulosya.”

Nyimbo zya ndosya 3:47

Icoopo ni vyakutufwanta pansi vyativitutangalila, pamwi nu ononesi ni lovyo kwene.

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Yowelo 1:15

Iye mwe! Uwanda wakwe Yawe watiupalama, uwanda wakwe Yawe ukwiza nu ononesi uno ukufuma kuli wiyo Uwamaka yonsi.

Aina Levi 26:18

“Nanti pacisila cakwe vii vyonsi, ndi mutakunjela, ndungilizya uvunuko winu maila cinimbali pamulandu wa kuntayela kwinu.

Aina Levi 26:21

“Ndi mwatwalilila kunkana nupya mwakana ukunjela, ndungilizya nupya uvunuko winu maila cinimbali.

Aina Levi 26:24

Lyene indi nu kwalukila panomuli nu kumuvunuka cuze, maila cinimbali ukuluta pa kuvunuka kwankolelo.

Aina Levi 26:28

lyene mu ukali wane ndamwalukila nu kumuvunuka cuze maila cinimbali ukuluta kuvunuka kwankolelo.

Habakuku 3:7

Naweni aina Kusyani yali mu ntazi na ina Midyani ala yatiyavulungana.

Mpendwa 16:21

“Funtukini ku antu yaa pakuti njonone yonsi kwene lilyo kwene.”

Mpendwa 16:45

“Funtuka ku antu yaa kuti njonone yonsi pyu likwene!” Nga yonsi yoili yafukama pansi yafupime.

Mateo 10:28

Mutaoopa yano akakoma umwili, lelo yatangakoma mupasi. Lelo mwaoopa Leza, wino ali na maka akonona umwili nga nu mupasi kwene mu Gehena.

2 Tesalonika 1:9

Uvunuko wao ulaya ulovyo umalilike, uwa kupatululwa ku Mwene nu ku maka yakwe alulumbi.