Yelemiya 4:2 - Amazwi Yakwe Leza 2013

² Ndi cakuti mwalapa umu cumi, mu ufumaluke nu mu ulungami umwi zina lyane ne Leza waumi, ale lyene antu amu mitundu yonsi yasyala yalapolelelwa ukufuma kunondi. Nupya ukupitila munondi ali muno yalalumbanya izina lyane.”

Yelemiya 4:2 ပူးပေါင်းရင်းမြစ်များ

Utandiko 22:18

Na antu amu nko zyonsi zya muno nsi yalanguzya kuti nayo njapolelele wakwe vino natinkupolelela na ana yako pamulandu wa kunjela.”

1 Yamwene 3:6

Solomoni aasuka ati, “We Yawe wakwatile tata nupya umuomvi wako Davidi uluse ulukulu, pamulandu wakuti wene wacitanga ivisuma pa manso yako nupya kacita wa vyawololoke nupya uwacisinka. Nupya watutwalilila ukumulanga uluse lwako ulukulu nu kumupeela umwana umonsi kuti aikale pa cilimba cakwe ica wene apilelo.

Masamu 72:17

Antu yangala yateezya yamwilila, nu lulumbi lwakwe lwalu kuyelelela wi lanzi. Antu ya mitundu nayo kayalumba umwene wa mpanga yao, yapapata na Leza ukuti ayapolelele, ndi vino wapolelile umwene wa mpanga yao.

Masamu 99:4

Mwene uwamaka, awewe watemwa ukulungika, waletela aina Izlaeli ulungi. Wayaletela iviziipe ni vyacumi.

Ezaya 45:23

Nkulapa nemwisikulu umwi zina lyane, akanwa kane kakavwanga amazwi ampomvu, yano yatangeyasenulwe, akuti, ‘Ikokola lyonsi lilamfukamila, na antu yonsi yalalapa umwi zina lyane.’

Ezaya 45:25

Lelo muli Yawe amuno yonsi amu mupanda wakwe Yakobo yalacimvya nga yamulumbanye.’ ”

Ezaya 65:16

Umuntu wensi muno nsi wino alalenga intembo, nene kwene ne Yawe muntafutuka ndamumila ulutembo. Wiyo wensi alalapa, wene alalapa mwi zina lyakwe Leza Muntafutuka, ivinkunka vyonsi vyampiti vilapita nu kuviilila ndaviilila.”

Yelemiya 10:10

Lelo wemo Yawe, wewe uli Leza wacumi. Wewe uli Leza waumi, nupya Mwene wa pee. Lino wasoka, insi ikatenta. Antu amu nko zyuze yatangazizimizya ukali wako.

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Yelemiya 12:16

Antu yayo ndi cakuti yaca yapokelela upefi wa antu yane, nu kulapa yalapa umulapo yati, ‘Leza andye, yata nu kupepa Baali ndi vino yasambilizye antu yane ukulapa mwi zina lyakwe Baali, ale lyene nayo kwene yalaya pamwi na antu yane.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 3:17

Umu manda yaya, Yelusalemu alaamwa ukuti icilimba cakwe Yawe ni mitundu yonsi akuno iloomokela umwi zina lyakwe Yawe. Yatalalondelela nupya ivintu vya utalami, nanti ivintu vyuze iviipe vino imyenzo yao ilayanena.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Yelemiya 5:2

Nanti angala yene yakavwanga yati, ‘Tukapepa Yawe,’ yene yasicita vino yakalanda.

Yelemiya 7:5

“‘Mucumi ndi cakuti mwasenula imiyele inu ya wikazi nga ni vicitwa vinu vino mukucita, nu kusakamala ukukana fyengana,

Yelemiya 9:24

Ndi umwi akasi kuyuvwa, alinzile wayuvwa apakumanya nene nu kwiluka vino naya, pamulandu wakuti nene indi Yawe wino akacita uluse. Nupya nkacita vyaulungami ni vyaololoke umu nsi, pano vii vili vintu vino vikanzanzya. Ivyalanda ne Yawe.”

Oseya 2:19

We Izlaeli ndakutaisya kuti uce uye umuci wane mpaka umuyayaya. Ndakutaisya mu ulungami, mu wololoke, nu mu lukundo nga nu luse.

Yowelo 2:12

Lelo Yawe wavwanga wati, “Nanti cili vivyo, welini kunondi nu mwenzo winu onsi, ale mwatimufunga ukulya nu kuponya aminsozi, nga nu kuililila ulanda ulanda.

Zakaliya 8:8

Ndayawezya kuti yakize yakikale nu mu Yelusalemu. Yalaya antu yane, nani ndaya Leza wao. Ndayateeka ningo nu ulungami.

Malaki 1:11

Antu aikala amasi yonsi yalancindika. Konsi kwene antu yalaoca ubani nu kupeela amawila aswefiwe mwi zina lyane. Pasi pano antu amu nko zizyo yalancindika.

1 Kolinto 1:31

Caleka, cili ndi vino calembwa mu malembelo cati, “Wino akailumba ailumbe mu Mwene.”

2 Kolinto 10:17

Calembwa mu malembelo cati, “Wino wensi akulonda kuitumika, aitumika pali vino Mwene wacita.”

Galatiya 3:8

Malembelo yasowile ukuti Leza alacita Akulukuwa kuya aololoke pa manso yakwe umwisikulu kupitila mu utailo wao. Acino Leza wanenyile Abulaamu Ilandwe Lisuma lyakuti antu amu nko zyonsi yalapolelelwa pamulandu na aliwe.

Malango 10:20

Mwaoopa Yawe Leza winu nu kumutumikila. Muye akutailwa kunoli nu kucita amalayo inu mwi zina lyakwe aliwe wenga sile.

Malango 4:30

Lino mulaya mu ucuzi nga na lino ivintu vii vyonsi vilamucitikila, lyene ali lino mulaseleukila kuli Yawe Leza winu nu kumuyela.

Malango 6:13

“Mwaoopa Yawe Leza winu. Mwamupepa aliwe wenga sile nu kucita ivilayo umwi zina lyakwe mpo.

Filipi 3:3

Swemo tusi wakwe alio, pano twasilamulwa mucumi, tukapepa Leza kupitila mu maka yakwe Mupasi Wamuzilo nga nu kuitumika muli Klistu Yesu. Swemo tusyataila vino yakacita ku mili.

Luti 3:13

Walutenzi kuno nu usiku kwene, nga akatondo umuntu wiyo ndi akasi angiza azumile ku kuzifya, ale cazipa. Lelo kwene ndi cakuti wiza wakana, nemo nalapa mwi zina lyakwe Yawe ukuti nene kwene indi nu kucita cico. Acino wemo lala sile ukufika akatondo.”

1 Samueli 20:3

Lelo Davidi pali pakumunena nu mulapo ati, “So wamanya ningo sana ukuti wemo wantemwa, acili cino fwandi atangatemwa ukuti wewe we Yonatani umanye umulandu uo. Pasi pano ndi wamanya umwenzo wako ungakuwaya sana. Acili cino fwandi nkulapa kunuli umwi zina lyakwe Yawe uwa umi nupya lino wemo ucili nu umi, ukuti kwasyala panono sile kuti nemo imfwe.”