Yelemiya 4:16 - Amazwi Yakwe Leza 2013

¹⁶ Izwi likuti muceule nu kunena aina Yuda, mulaizye nu mu Yelusalemu ukuti anisi yatiyiza ukufuma ku mpanga ya kutali. Yakutezela imisumba yakwe Yuda apa nkondo iyasya iize.

Yelemiya 4:16 ပူးပေါင်းရင်းမြစ်များ

Ezaya 34:1

Palamilini kuno mwe antu amitundu yonsi, kolonganini apakuti muvweko. Antu yonsi yano yikala pano nsi kaize yuvwe kunondi.

Ezaya 39:3

Alino kasema Ezaya aya uku mwene Hezekiya, atandika ukumuzya ati, “Uzye antu kwene yaa yafumile kwi, navino yakunenyile ivyani?” Hezekiya nawe aasuka ati, “Yafumile ukutali, uku mpanga yaku Babiloni.”

Yelemiya 1:15

Pano nasya mpunde imitundu yonsi ino ikateekwa kuli yamwene aku kayeya. Yaliza yonsi pyu. Nacila wenga aliza aike icilimba cakwe ca wene apa mpongolo zyakwe Yelusalemu, na pa malinga yonsi yano yauzinguluka. Alino nu kunzi ya misumba yonsi yakwe Yuda.

Yelemiya 16:6

Akama na apina yalafwa mu mpanga kwene ii, lelo kusi umwi alayazika nanti kuyalosya, nanti uwakuicemba nanti ukupela ulukuzu apamulandu wao.

Yelemiya 2:15

Antu ya mitundu yuze yakumung'anzila wakwe cisama? Yatiyasangula impanga inu ungati ulwanga. Imisumba inu yationgoloka, nga musi na antu akwikala mwenemo.

Yelemiya 31:10

“Mwe mitundu yonsi, uvwini amazwi yakwe Yawe. Mulandile na antu yonsi aikala ku nkumba zyakwe yemba ukutali. Wino wasalanganyizizye aina Izlaeli, awino wayakolonganika nupya aliwe amayasunga ndi vino kacema akawaka ufyo wakwe.

Yelemiya 39:1

Mu mwaka walenga fundimbali mu mwezi walenga ikumi wa kuteeka kwakwe Zedekiya mu Yuda, Nebukadineza umwene waku Babiloni wizile ni vita vyakwe vyonsi ku kwiza lwisya umusumba wa Yelusalemu

Yelemiya 4:17

Yene yatiyazinguluka Yelusalemu, kwati a yakalinda ya calo, apa mulundu wakuti wene watalamila ne Yawe. Ivyalanda ne Yawe.

Yelemiya 5:15

Yawe walanda wati, “Ala mwine mwe ina Izlaeli, anene nemuno nkuleta antu ukufuma ku luko ulwa kutali kuti yize yamulwisye. Yene uluko lumwi ulukome, nupya mwemo mutamanya icilimi cao.

Yelemiya 5:6

Ali cino na cisama ukufuma mu mpanga aliza ayakome, nu mumbulu uwamu lwanga uliza uyalepole mu tumpilinsya. Inangu nazyo zilateyamila apipi ni misumba yao kuti zisanyole wiyo wensi alalonda ukufuma. Pasi pano uyi wao watiupitilila, na ucisanguka wao nao pasi pakuvula.

Yelemiya 50:2

“Umini imbila mu mitundu, mwimike ni mendela. Pundini mutafisa umulandu, muvwange muti, ‘Yatiyapoka Babiloni, Beli watalemwa ni nsonyi, Maliduki watatamoka. Utuluwi twakwe twatituzewana. Ivyawinyi vyakwe vyati viongoloka.’

Yelemiya 6:18

Si uvwini kuno mwe nko, mwe yakambone mumanye ivilacitikila antu yane.

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Yelemiya 6:22

Yawe wavwanga wati, “Lolini, impuka ya vita ilafuma ku katutu. Uluko lwamaka ukufuma ukutali lukuiteyanya ku kulwa inkondo.

Yelemiya 6:23

Yene yalasenda amalapwa na masumo mu minwe. Yene akalale nupya yasi nu luse. Yalaangula icongo kwati ukulunkuma kwakwe yemba mukalamba, lino yakupita pa mfwalasi. Yene yatiyaiteyanya ukukulwisya Yelusalemu.”

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezekelo 21:22

Mu minwe yakwe ya kwilunji, ukupendola kwakwe kwafikilizya ukuya ku Yelusalemu nu kwimika vyakuongolwela ilinga, ukupeela isunde lyakukomako antu nu kupunda impooma zya ulwi, pakuti yaike vyakuongolwelako pa mpongolo ni cakutuntumalika ciimbili nga ni cakwimba yamunyama.