Yelemiya 39:9 - Amazwi Yakwe Leza 2013

⁹ Alino Nebuzaladani umukalamba wakwe yakalinda ya mwene asenda antu ku uzya ku Babiloni, yayo asile mu musumba, kumwi na yayo aile kunoli, nga na antu asyala.

Yelemiya 39:9 ပူးပေါင်းရင်းမြစ်များ

Utandiko 37:36

Insita iyo, mu Eguputo aina Midyani yalanga yakazya Yosefu kuli Potifa, wenga wamuli yacilolo yakwe Falao. Potifa wali intunguluzi yakwe yakalolela ya kwisano kwakwe Falao.

2 Yamwene 20:18

Nanti sile amu mupanda wako, ukufuma mu ana yano waivyalila, yalayasenda nu kuyatungula nga yalatumikila umwene waku Babiloni umwi sano lyakwe.”

2 Yamwene 25:11

Alino Nebuzaladani, musika mukulu uwa vita wilya, asenda antu yonsi asiile, ayatwala uku Babiloni, kumwi na yamfundi yonsi asiile, nga na yayo yonsi yano walanga yapuukila mpiti ku ina Babiloni.

2 Yamwene 25:20

Nebuzaladani, musika mukulu uwa vita wilya, ayasenda yonsi pyu nu kuyatwala uku mwene waku Babiloni, wino apa nsita iyo wali uku musumba wa Libula.

Ezaya 5:13

Uli mulandu kwene uno mwasya musendwe uku uzya. Intunguluzi zinu zilafwa uku vipowe, na antu yauze yalafwa uku nzala.

Yelemiya 10:18

Yawe Leza wasya amuvwintile kutali ni mpanga ii.

Yelemiya 16:13

Ali cino namamusumbila kunzi ya mpanga ino itamanyika kunomuli na kuli yaso. Ali kuno mulaombela tuleza tuze, usiku nu musanya. Ntalamukwatila uluse awe.”

Yelemiya 24:8

Yawe walanda wati, “Zedekiya umwene waku Yuda, yacilolo yakwe ni nsyazi zyamu Yelusalemu na antu yano yaya yikala mu Eguputo, nene ne Yawe ndayacita wa masamvu aipe cakuti kusi angayalya.

Yelemiya 38:19

Umwene Zedekiya nawe ali pakunena Yelemiya ati, “Nkoopa aina Yuda yano yaikumika ku lusansa lwa ina Babiloni. Pano ungazana ukuti napelwa mu makasa yao, yancuzya.”

Yelemiya 40:1

Yawe avwanga kuli ne Yelemiya apacisila ca nsita ino Nebuzaladani, umukalamba wakwe yakalinda ya mwene wamusapwile uku Lama, kuko kuno yamwisile wenga, ala watanyepwa mu minyololo, apali pamwi na antu yauze amu Yelusalemu nga na amu mpanga ya Yuda yano yasenzile ku Babiloni ku uzya.

Yelemiya 40:7

Akalamba ya vita yano yasalanganile umu mpanga na antu yao lino yuvwa ukuti mwene waku Babiloni watasonta Gedaliya, mwana Aiikamu ukuya mulasi wa mpanga nu kuya umwi uwakulolekesya apa antu yonsi, ya mama, ance na alanda amu mpanga, yano yatasenzilwe uzya uku Babiloni,

Yelemiya 52:26

Nebuzaladani, umukalamba wakwe yakalinda ya mwene waku Babiloni, wayasenda nu kuyatwala ku mwene waku Babiloni uku Libula.

Yelemiya 52:27

Nu mwene waku Babiloni ayakoma kuku kwene ku Libula umu mpanga ya Hamati. Avino Ayuda yasenzilwe ku mpanga yakutali ukufuma ku mpanga yakumwao.

Danieli 2:14

Lyene Danieli aya kuli Alioki, musika mukalamba wakwe yakalinda ya mwene, wiyo uwapilwe ilamulo lyakukoma antu yamano yonsi mu Babiloni. Nga Danieli atekela apakulandana na aliwe.

Aina Levi 26:33

Ndalenga inkondo ukuya panomuli kuti musalangane mu mpanga zya inamasi. Mpanga inu ilasyala iyaulamo antu, nupya imisumba inu ilasyala matongwa.

Malango 4:27

Yawe alamusalanganyizizya mu nko zyuze, kuko kuno yanono sile amunomuli yalapusuka.