Yelemiya 39:4 - Amazwi Yakwe Leza 2013

⁴ Zedekiya umwene waku Yuda pamwi ni vita vyakwe apakulola vyonsi vivyo yalutonkola, yapuuka nu kufuma mu musumba usiku. Yapita umu nzila ino yapita mu calo ca mwene nu mu mpongolo ya pakasi ka malinga yaili nga yalungama ku Alaba.

Yelemiya 39:4 ပူးပေါင်းရင်းမြစ်များ

2 Milandu 32:5

Umwene Hezekiya akomelezya ni uvi lyakwe ukuti yapinde ningo nu kulungisya ilinga lya ciumba nu kupanga ulupungu apapela ni ciumba na cuze ica kunzi. Ukulunda penepo alungisya ni cimpinda kuno caongolwike mpiti ku musumba wakwe Davidi. Alino apangila penepo ivyanzo navyuze ivili wa masumo ni visyangu.

Ezaya 22:11

Lwa mukasi, ali muno mwemo mwimvile icifula, icakufumyamo amanzi umu cifula campiti. Lelo mutasumvile amano kuli Cinda winu uwa cipanzile, nu kuti mulole cino wamuteyanyizizye cico ukufuma nu ku katalili.

Ezaya 22:3

Intunguluzi zyako zyonsi zyatizipuuka, nupya zyatizilemwa ukwaula ukuomvya uluceto nanti longa. Mwensi pyu mwemuno mwalemilwe mwasenzilwe ku kunyepwa, apacisila cakupuuka anisi lino yacili ukutali.

Ezaya 29:2

Ale lyene Leza wiza ku konona umusumba wa Alyeli, umulaya impoma nu kulukusya minsozi, alino nu musumba kwene ulasenuka iciimbili cakocelapo impolelwa.

Yelemiya 32:4

Ulunda nu kuti Zedekiya nawe kwene umwene waku Yuda atalapusuka mu maka ya ina Babiloni. Wene alasumbwa sile mu makasa ya mwene waku Babiloni. Alalanda nawe amanso na manso.

Yelemiya 32:5

Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Ezekelo 12:12

Kateeka wao alasenda cifunda cakwe apa ciye lino kakuku katola. Wene alakatuka nu kufumila pa cipongo cino antu yalatulula mu lung'umba. Alavimba pa manso pakuti atalola pansi pano akupita.

Ezekelo 12:4

Lino ucili umusanya, unyepe icifunda cako cakusenda ku uzya, ala yene yakukulola. Lyene amanguzi, lino yakukulola, ufume mu musumba winu, ungati umuntu wino akuya ku uzya.

Aina Levi 26:17

Nkaamufutatila pakuti anisi inu yamucimvye. Nupya yano amupata yakaamuteeka. Muli nu kuya ni ntete cakuti mukaautuka nalino kusi umwi akumuzinganya.

Aina Levi 26:36

“Ndalenga mwemuno mulaya mukikale mu mpanga zya anisi inu ukuya ni ntete cakuti ndi muvwa muza uulula inswaswa cilamulenga kuti muutuke. Mulautuka kwati yakumuzinga mu nkondo. Nupya mulapona pansi lino pasi mwanisi pipi na panomuli.

Amosi 2:14

Uwa lwilo atalapuuka awe, nu waulamba atalaya na maka. Ni cita citalaituula awe.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.