Yelemiya 37:2 - Amazwi Yakwe Leza 2013

² Lelo nalyo kwene, umweneco kwene pamwi na aomvi na antu yakwe yatasakamile ukuvwa amazwi yano Yawe walanzile ku kanwa kakwe kasema Yelemiya.

Yelemiya 37:2 ပူးပေါင်းရင်းမြစ်များ

2 Samueli 10:2

Umwene Davidi avwanga ati, “Ndinzile ukulanga ucuza uwacumi kuli Hanuni, ndi vino Naasyi, isi wacisile kunondi.” Acino Davidi atuma inkombe zyakwe kuti zikalange ulanda ni cililizi cakwe. Lino yafisile ku mpanga ya ina Amoni,

2 Samueli 12:25

nga atuma kasema Natani kuti akamutemele izina ati a Yedidaya, pamulandu wakuti Yawe wamutemilwe.

1 Yamwene 14:18

Aina Izlaeli yamuzika, nga yamulosya wakwe muno Yawe wavwangile kupitila muli kasema Aiya.

1 Yamwene 16:7

Ukulunda pali vivyo, Yawe anena kasema Yeu umwana umonsi wakwe Hanani kuti akanenole Baasya pamwi na amu ng'anda yakwe ukuti, pamulandu wa viipe vyonsi vino wene wacita pa manso yakwe Yawe. Wene walenzile Yawe ukusoka pakucita vivyo, ndi vino ang'anda yakwe Yeloboamu yacisile, na pamulandu wakuti wene ononyile ang'anda yakwe Yeloboamu yonsi.

2 Milandu 36:11

Zedekiya wali ni myaka yakuvyalwa amakumi yaili na onga apa nsita ino watandike ukuteeka mu Yuda, nga wateesile mu Yelusalemu imyaka ikumi na onga.

Kufuma 4:13

Lelo Mose aasuka ati, “Awe Yawe, napapata tuma umuntu muze.”

Mapinda 26:6

Wiyo akatuma inkombe iyaula amano, aliwe kwene akaifyenga sile umweneco, nu kuilengesya insonyi.

Mapinda 29:12

Ndi cakuti kateeka wakutika uku mazwi ya ntumpu, ala na aomvi yakwe yonsi nayo kwene yakasanguka yaya aipe.

Yelemiya 34:2

“Yawe Leza wa ina Izlaeli wavwanga wati! Pitanga ukanene Zedekiya umwene wa ina Yuda ukuti Yawe wavwanga ukuti wasya apeele umusumba uu umu makasa ya mwene waku Babiloni, wiyo wino alawooca mpaka uce ulokotele na pansi.

Ezekelo 21:25

“Lelo nawe we kateeka wa mpanga yakwe Izlaeli, we nkakasi ya muntu we ciwelewele we, nawe kwene lyene uwanda umakufikila uwakukufulwilapo.

Oseya 12:10

Navwanzile kuli yakasema, njapela ni vilolwa ivingi nu kuyanena imilumbe kupitila muno vili.

Aina Levi 8:36

Caleka Aaloni na ana yakwe aonsi iyacita vintu vyonsi vino Yawe wapeezile ilamulo kupitila muli Mose.

1 Tesalonika 4:8

Caleka wino wensi uwakana usambilizyo uu ala wene asyakukana umuntu, lelo akukana Leza, wino akamupeela Mupasi wakwe Wamuzilo.