Yelemiya 32:5 - Amazwi Yakwe Leza 2013

⁵ Nupya alasenda Zedekiya ku Babiloni, ali kuno alasyala mpaka nkize nkamupempule, ivyalanda Yawe. Ndi cakuti mwalwisya aina Babiloni, pasi cino mulatumbula.

Yelemiya 32:5 ပူးပေါင်းရင်းမြစ်များ

2 Milandu 13:12

Swemo, a Yawe akatutungulula. Yasimapepo yakwe ali yano twaya nayo pano, yalemile ni ntandala nupya aiteyanye kuti yalizye apakuti tukatuke nu kwiza ukukumulwisya. Ali cino fwandi, mwe ina Izlaeli mutaezya ukulwisya Yawe Leza wa vikolwe vinu! Pano lyene ale mwaicuzya sile nu kucimvya mutangacimvya foo!”

2 Milandu 24:20

Alino Umupasi wakwe Leza wikila pali Zakaliya, umwana wakwe simapepo Yeoyada. Wene aimilila pakasi ka antu nga ayuzya ati, “Yawe wavwanga wati, ‘Uzye pacani cino musikuyela amalamulo yane? Mutalaya nu longo awe. Pamulandu wakuti mwemo mwamfutatila ne Yawe, mutalaya nu longo awe, nga nani kwene namamufutatila!’ ”

Mapinda 21:30

Amano, ukwiluka kwa vintu, nanti ukupandwa amano, vii vyonsi ivya ciwelewele sile ndi cakuti visikulola kuli vino Yawe akalonda.

Yelemiya 2:37

Nako kwene ku Eguputo mulaweluluka ale mwatimupanga na makasa pa mitwe. Pasi pano ne Yawe ninsuula nu kutazyela yano mwataila. Fwandi mwemo pasi nanti cimwi cino mulasyukila kunoyali.”

Yelemiya 27:22

“Vilasendwa uku Babiloni, ali kuno vilasyala mpaka nu wanda uno ndavitola mviwezye kuno.” Ivyalanda Yawe.

Yelemiya 32:24

“Mwalola lyene, vino yatiyatuntumalika umusili ukufika nu ku musumba, apakuti yaupoke. Inkondo, icipowe ni mpungo vimapela umusumba mu makasa ya ina Babiloni yano yakuuzanza. Cino wasowile cafikila nu kuilolela watuilolela wenga.

Yelemiya 32:6

Yelemiya nawe pali pakwasuka ati, “Yawe wavwanzile kunondi ati,

Yelemiya 33:5

‘Yakalwikanya ya antu na ina Babiloni, apa kuzuzya ivyala umu musumba, ndakomola antu yayo uku cipyu cane nu ku ukali wane, yano mfutatile apa uyi wao onsi.

Yelemiya 37:10

Nanti mungakomola ivita vya ina Babiloni, ivikumulilizya, suka kwasyala sile impondo zitupu tupu, zizyo kwene zingakatuka nupya nu kwiza oca umusumba uu.”

Yelemiya 39:4

Zedekiya umwene waku Yuda pamwi ni vita vyakwe apakulola vyonsi vivyo yalutonkola, yapuuka nu kufuma mu musumba usiku. Yapita umu nzila ino yapita mu calo ca mwene nu mu mpongolo ya pakasi ka malinga yaili nga yalungama ku Alaba.

Yelemiya 39:5

Lelo ivita vya ina Babiloni viyazinganya, ivizana Zedekiya mu manyika aku Yeliko. Alino vimulema nu kumutwala ku Libula mu mpanga ya Hamati kuli Nebukadineza, umwene waku Babiloni, nga nawe amupingwila umulandu.

Yelemiya 39:7

Lyene aleka yatonkola Zedekiya amanso nga yamunyepa mu minyololo ya mukuwa nu kumusenda ku Babiloni.

Nyimbo zya ndosya 1:14

“Amaifyo yitu wayamanya yonsi pyu nupya wene wayanyepa pamwi. Wene wayanyinyinzya mu nsingo yane, nga nane nanyomelwa. Ala Yawe wansumba mu makasa ya anisi yane yano ntange indwe nayo, awe.

Ezekelo 12:12

Kateeka wao alasenda cifunda cakwe apa ciye lino kakuku katola. Wene alakatuka nu kufumila pa cipongo cino antu yalatulula mu lung'umba. Alavimba pa manso pakuti atalola pansi pano akupita.

Ezekelo 12:13

Ndateya isumbo lyane kuti alemyemo, nga nawe alalemwa mu lukose lwane. Ndamuleta ku Babiloni, ku mpanga ya ina Kalideya, lelo wene atalailola, nga alafwila kuku kwene.

Ezekelo 17:15

Lelo umwene waku Yuda wene wasangukile umwene waku Babiloni, watumile inkombe uku Eguputo, apakuyalengako imfwalasi ni vita ivivule. Uzye umuntu wamusango ndi uo angasyuka? Uzye ndi wacita vivyo yatange yamucitepo cimwi? Uzye angonona upangano ukwaula kuti yamufulwilepo?’

Mpendwa 14:41

Lelo Mose avwanga ati, “Uzye pacani cino mukaniile ukuyela isunde lya mwene? Cico cene cisikuomba, mumaposiwa.