Yelemiya 3:9 - Amazwi Yakwe Leza 2013

⁹ Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 3:9 ပူးပေါင်းရင်းမြစ်များ

Ezaya 57:3

Lelo mwe ana ya alozi mwe! Izini kuno mwe luko lwa ukakasi mwe, yacilende mwe!

Ezaya 57:6

Mukatoola na mawe atelepe ayano mwafukamila. Mukaitulwila penepo amawengwa nu kutuula amawila ya vyakulya. Uzye mwemo mukati natemwa vivyo, vwile?

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Yelemiya 2:7

Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 3:2

Tala tumpula amanso apa twamba utusanzuke, ucelecensye wenga. Uzye pali incende imwi pali zizyo zino walola pano utatala wacitilapo uzelele? Mwayateyamilanga umu mbali ya nzila, ungati avino aina Alabya yakateyamila antu mu lwanga. Mu cumi watukowezya impanga ku uzelele nu ukakasi wako.

Ezekelo 16:17

Watolanga iviyembelo vino nakupile ivyakwe zaabu na siluva, apa kupangilamo ivinkolanya vya yantu, ivya kuomvya muli ucizelele wako.

Ezekelo 23:10

Nayo yamuzula nu kumusya tupu, yamupoka ana aonsi na anaci, umweneco nawe yamukoma ku lupanga. Awe nawe alumbuka pa anaci yonsi mpanga yonsi yamamulandapo pali vino yamupezizye.

Ezekelo 23:21

“We Ooliba, wemo ukasi kuti nupya wacita uzelele ndi vino wacitanga lino wali mukazyana mu Eguputo, muno aonsi yakutonyanga amayele nu kukufikina insoto.

Ezekelo 23:3

Lelo, ukufuma ku ukazyana wao, yene yacita uzelele na Eguputo. Wene uwayatonyanga amayele nu kufikina insota zya ukazyana wao.

Oseya 2:2

“Kalipila nyoko, si ule umukalipile, pano wene asi umuci wane, nga nani insi iya. Mu mupapate kuti ate uzelele, nga nu kuntatailwa.

Oseya 4:12

Antu yane yakalonda amano ku kaluwi akawaze ku cimuti, nga umuti iuyanena vino yakasi ukumanya. Mupasi wa ulenzyo ukayaponzya, caleka apakusya Leza wao, lyene yasi acumi kunoli.

Yowelo 1:19

Nkulilila kunuli we Yawe, pano umoto wationona umulemvwe, na makala ya moto yalovya imitengo yonsi.

Habakuku 2:19

Kalanda ku muntu wino akanena umuti ati, ‘Zyuka!’ Nanti iciliwe ati, ‘Katuka!’ Uzye akaluwi nako kangamunena icakucita? Nanti angala antu yangakapomela siluva na zaabu, lelo musi umi muno kali.

Mateo 5:32

Lelo namunena nati, wino wensi uwata umuci wakwe, suka sile pamulandu wa kumulemula, wene wamukulizya kuti alongozye ndi watwalwa nupya. Na wino wensi uwatwala umwanaci wino yata, nawe ala walongozya.