Yelemiya 3:13 - Amazwi Yakwe Leza 2013

¹³ Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 3:13 ပူးပေါင်းရင်းမြစ်များ

Neemiya 9:2

Fwandi yao atuntuka uku cikolwe cakwe Izlaeli yaipaatula aisikulu ku inamasi. Yimilila siki apakuti yaivwangile aineco apa maifyo yao nu utalami wao, nga ni nkota zya vikolwe vyao.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Ezaya 57:5

Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 14:20

Ala swemo lyene twailongwela amaifyo itu, twazumila nu ufi wa vikolwe vitu kwene. Umu cumi swemo twakwifya.

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 2:25

Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

Yelemiya 3:2

Tala tumpula amanso apa twamba utusanzuke, ucelecensye wenga. Uzye pali incende imwi pali zizyo zino walola pano utatala wacitilapo uzelele? Mwayateyamilanga umu mbali ya nzila, ungati avino aina Alabya yakateyamila antu mu lwanga. Mu cumi watukowezya impanga ku uzelele nu ukakasi wako.

Yelemiya 3:25

Katuletulambalale sile pansi pamulandu ni nsonyi. Ukuzewana kwitu kakule kutucitepo cimwi. Swemo kumwi ni vikolwe vitu twaifya kuli Yawe, ukutandikila sile uku wance witu, ukwizafika nu wanda wilelo. Twakana nu kuvwa ukwi zwi lyakwe Yawe, Leza witu.”

Yelemiya 3:6

Umu manda ya utesi wa mwene Yosiya, Yawe wanenyile ne Yelemiya ati, “Uzye watulola ivyativicita umutalami Izlaeli? Vino akakwela apa mwamba utali uuli onsi. Aya nu mwisika lya cimuti icilembe cili consi nu kucita uzelele.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Ezekelo 16:15

“Lelo wemo wayuvwanga apa kuyemba kwako, waleka nu lulumbi lwako lwakutwala uku ulalelale. Waipelesyanga kuli ucizelele uku mupita nzila ali wensi.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Malango 12:2

Muce monone incende zyonsi pyu, zino imitundu ino mwazana mwenemo ikapepelapo tuleza twao. Incende zyonsi izya pa myamba apapeela, izya pa twamba kumwi ni zya mwisika ya vimiti vya matesi ali yonsi.