Yelemiya 3:12 - Amazwi Yakwe Leza 2013

¹² Lyene pitanga uume ni mbila ulunga lwaku kayeya uti, ‘Wela we mutalami Izlaeli, cisanguka we! Ala anene ne Yawe nkuvwanga. Nemo nakwatisya uluse. Nemo ntakwiza mu kukulolekesya ukali ukali, awe. Nemo ntalakusokela lyonsi, awe.

Yelemiya 3:12 ပူးပေါင်းရင်းမြစ်များ

Utandiko 4:7

Ndu cita visuma ngani nakuzangila. Lelo pamulandu wakuti watucita iviipe, iifyo lyatilikuteyamila pa mulyango wako wa cilyanyi. Likukulondesya kuti likuteeke uzya, lelo ufwile kulicimvya.”

2 Yamwene 15:29

Mu manda yakwe Peka umwene waku Izlaeli, Tigilati Pilesa umwene wa ina Asilya, wizile apoka imisumba ya Iyoni, Abeli Beti Maaka, Yanowa, Kedesyi, na Hazoli. Apoka na Gileadi na Galile, ukwika penepo ni mpanga yonsi ya Nafutali. Nga azingila aikazi ya mwenemo ku mpanga ya Asilya.

2 Yamwene 17:23

Suka apakusyalikizya Yawe ayafuntusya uku cinso cakwe ndi muno walanga walandila ukupitila muli yakasema aomvi yakwe. Ali vino aina Izlaeli yasenzilwe ukunzi umu uzya uku Asilya kuno yacili yakaikala na ndakai kwene.

2 Yamwene 17:6

uo uwali ali mwaka uwalenga fundimbali uwa utesi wakwe Hosyea, umwene waku Asilya apoka Samaliya nu kusenda aina Izlaeli uku Asilya wa yanyepwe. Yamwi yayatwazile umu musumba wa Halaa, mu pipi nu ku luzi lwa Haboli mwi boma lyaku Gozani. Alino yamwi umu misumba yaku Medi.

2 Yamwene 18:1

Mu mwaka wakwe citatu uwa kuteeka kwakwe Hosyea umwana umonsi wakwe Elaa, Hezekiya umwana umonsi wakwe Aazi umwene waku Yuda watandike ukuteeka.

2 Milandu 29:10

“Lyene ndakai nemo nkwelenganya ukucita upangano na Yawe, Leza wa ina Izlaeli, apakuti ukali wakwe ukulu ufume pano tuli.

2 Milandu 30:9

Nga cakuti umucumi mwaweluluka kunoli, ale lyene alalenga kuti yayo alayasenda uku uzya yayele anyonko na ana inu alamulondela apa nsizi, uluse na mizu nu kuyawezezya kumwao. Yawe Leza winu uwa luse ni cikuku. Ndi mwawela kunoli, wene alamupokelela.”

Masamu 103:17

Lelo icikuuku cino Yawe wakwatila yao amucindika, awe cumi cene icakuyelelela pee, nu usuma wakwe nao usi wakusila umwapelela inkulo zyonsi.

Masamu 103:8

Ala Yawe uwaluse uwa cikuku, asisoka zuwa, wavulisya ulukundo.

Masamu 103:9

Wene ataya na kalandauzi, icipyu cakwe cisiyelelela foo.

Masamu 145:8

Yawe uwakutemwa nupya wazula amizu. Akalengela ukusoka nga wakwatisya amizu.

Masamu 79:5

We Yawe, uzye ukutusokela kwene kuu, kulasila lilaci? Si namanye ukwa muyayaya? Uzye cumi avino umalunkumanga wa moto vivyo kwene uku ukali?

Masamu 86:15

Nga lelo pano we Mwene wakwatisya uluse, nupya wewe Leza wakutemwa wino asisoka zuwa, lyonsi waya nu kutemwa ukwa muntaputuka, nupya wewe wakutailwa lyonsi.

Masamu 86:5

We Yawe, wemo wewe musuma, nupya ukayelela uluse, wakwatisya nu luse kuli yonsi akakupepa.

Mapinda 28:13

Wiyo akafisa amaifyo yakwe atalaya nu longo foo. Lelo wiyo akailongwela amaifyo nu kuzenzuka, akaelelwa uluse.

Ezaya 31:6

Nupya Leza wavwanzile ati, “Mwe ina Izlaeli icumi mwaifya wakwe cimwi kunondi, mwalunda penepo nu kuntalamila. Ali cino fwandi welini kunondi.

Ezaya 44:22

Nemo namuyela uluse apa maifyo inu. Nayo yapasika ndi vino ikumbi likapasika. Acino mwemo mungala muweluluke sile kunondi, pano nemo namukulula.”

Yelemiya 11:6

Lyene Yawe avwanga kunondi ati, “Yanga ku misumba yaku Yuda nu mu misolo yamu Yelusalemu. Kuume imbila yane kuku, unene antu yuvwe amazwi aupangano uu nu kuyalondela.

Yelemiya 12:15

Lelo alala lino nayafumyamo, ndayakwatila uluse, ndawezya na cila muntu uku mpanga yakumwao nu mu vifoloma vyao.

Yelemiya 23:8

Suka sile ukulapa mwi zina lyakwe Leza wa umi wino wafumizye aina Izlaeli umu mpanga yayela ku kayeya, mu mpanga zyuze muno wayasalanganyizizye. Alino lyene yalikala mu mpanga iyakwao.”

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 3:14

“Si welulukini, mwe antu aula utailo mwe, pano nene indi Yawe Leza winu. Umu misumba inu yonsi, onga onga ndatolamo umuntu wenga. Nu mu nko zinu kwene namo ndatola yaili nu kuleta mwemwe uku Zioni.

Yelemiya 3:18

Umu manda kwene yaya, ang'anda yakwe Yuda yalalemana nu kuuvwana na ang'anda yakwe Izlaeli. Yalaapitila pamwi ukufuma ku kayeya, ukwiza ikala apali pamwi umu mpanga ino napiile ivikolwe vyao ukuya impanga yao ya upyanyi.”

Yelemiya 3:22

Si angala mule muwele mwe ana ya ntalanganyi mwe, nize mpozye utalami winu!” Namwe muvwanga muti, “Endi, tumawela kunuli, pano wewe Yawe Leza witu.

Yelemiya 3:5

Uzye ungatukwatila icipyu lyonsi pee na pee? Uzye umatwalilila ukusoka umuyayaya? Vivyo ali vino mukavwanga, lelo ukwifya kwene apapa kwene.”

Yelemiya 3:7

Nemo ne Yawe nelenginye ukuti apacisila cakucita vivyo vyonsi wene alaweluluka kunondi, lelo atacita cico. Na Yuda kwene kaci wakwe, cizelele muze waciweni cico.

Yelemiya 30:11

Pano indi nawe apakukupususya. Ndalovya imitundu yonsi muno nakusalanganyizizye. Lelo wemo ntalakulovya foo, ndakukalipila sile kulingana ni nsambu pano limwi ungasyala vivyo kwene ukwaula ku kukalipila.”

Yelemiya 31:20

“Uzye Efulemu ali mwanane umukundwe? Uzye wii ali mwanane wino natemwa? Pasi pano kwene nkamwiusya lyonsi sile, nkamukalipila. Ali cino lyonsi nkamuluuka mu mwenzo wane nu kumuyela uluse.” Ivyalanda ne Yawe.

Yelemiya 31:21

Simpa ivipampa ivyakulangilila inzila, uike nu lukomelo. Iusya ningo inzila muno wapisile. Siwela we mukazyana nacisungu, we Izlaeli. Welulukila ku misumba yako, ii.

Yelemiya 31:8

Silola, ndayawezya ukufuma ku kayeya, ndayakolonganika kufuma ku mpela zya pano nsi. Yonsi pyu impafu ni vilema, umwanaci anyomelile na wino ali pakulela, yonsi yalaweluluka kuno wi umba lino litaikulila.

Yelemiya 33:26

ale lyene nange nsumbe yamwana Davidi, umuomvi wane. Lyene ngano nata mpiti nu kusolola amu luko lwakwe, uwakuteeka aluko lwakwe Abulaamu, Isaki na Yakobo. Pasi pano ndayawezezya isyuko lyao ilya ku katalili nu kuyayela uluse.”

Yelemiya 4:1

Yawe wavwanga wati, “Mwe antu amu Izlaeli, ndi mukasi ukwaluluka, lyene mwalukile sile kunondi. Sumbini utuluwi twinu utwa winyi tuno napata wakwe cimwi, nupya mutapumboka umu nzila.

Nyimbo zya ndosya 3:22

Ulukundo lwakwe Yawe lusisila. Amizu yakwe amuntaputuka.

Ezekelo 11:17

“Caleka uyanene vino, ne Yawe Simwandalali, nkulanda. Nemo ndayakolonganika ukufuma mu mpanga muno nayasalanganyizizye, nu kuyawezezya impanga ya Izlaeli.

Ezekelo 33:11

Yanene ukuti kasili nalapa ne Yawe umumi, ala nemo cisinzanzya apakulola kuno umuntu umwipe akufwa. Nemo natemwa ukulola kuno umuntu mwipe wazenzuka, apakuti aikala uwa umi. Caleka mwemo mwe ina Izlaeli tiini imisango inu iipe, muitelele. Kuno icani cino mungalondela ukufwa?

Ezekelo 39:25

“Yawe Simwandalali wavwanga wati, ‘Fwandi lyene namawezezya amu mupanda wakwe Yakobo, aina Izlaeli, namasakamala ang'anda yakwe Izlaeli yonsi, namasakamala ni zina lyane lyamuzilo.

Oseya 6:1

Antu yakuvwanga yati, “Tuini, tuwelele kuli Yawe. Wene watatulepola mu tupimfya, lelo amatupozya. Wene watatucisa, lelo amatunyepela ivilonda.

Aina Levi 26:40

“Lelo amu mupanda winu yalailongwela maifyo yao na maifyo ya vikolwe vyao vino vyankanyile nu kunsangukila,

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Malango 30:2

Ndi cakuti mwemwe pamwi na amu mupanda winu mulaweluluka kuli Yawe nu kuyela ni myenzo inu yonsi nu umi winu onsi amalamulo yano nkumupeela ilelo,