Yelemiya 28:3 - Amazwi Yakwe Leza 2013

³ Pasikupita imyaka iili ale nawezezya iviya ku ncende ii, vyamu ng'anda ikulu ya mapepo vino Nebukadineza umwene waku Babiloni wafumizye mu ng'anda ii nu kutwala ku Babiloni.

Yelemiya 28:3 ပူးပေါင်းရင်းမြစ်များ

Utandiko 47:28

Yakobo aikala mu Eguputo imyaka ikumi lyonga na cinimbali, mpaka akwata ni myaka umwanda onga na makumi yani na cinimbali.

Utandiko 47:9

Yakobo aasuka ati, “Indi ni myaka umwanda onga na makumi yatatu mu umi wa kululumba kwane. Imyaka yane ili inono nupya iya ucuzi, ino itangakolana ni myaka ya kululumba kwa vikolwe vyane.”

2 Yamwene 24:13

Nebukadineza ali pakusenda ni vyuma vyonsi vyakwe zaabu ivyali umu Ng'anda ikulu yakwe Yawe vino Solomoni umwene waku Izlaeli wapanzile, ni vyali mwi sano kwene. Alino avitwala ku Babiloni.

2 Milandu 36:10

Walanga umwaka wasenuka, nawe kwene umwene Nebukadineza amusenda uku Babiloni wa munyepwe. Alunda penepo nu kusenda ivyuma navyuze ivyamu Ng'anda ikulu yakwe Leza, avitwala ukwakwe. Ali pakutoola Zedekiya umwina awino apyanikizya apa cilimba ca wene waku Yuda na Yelusalemu.

2 Milandu 36:7

Nebukadineza wasenzile ivyuma vimwi ivyamu Ng'anda ikulu yakwe Yawe aya aviika nu mwisano lyakwe uku Babiloni.

Masamu 90:10

Imyaka ya umi witu yapelela sile apa myaka amakumi cinimbali. Antu ya maka ayano yakafika uku myaka amakumi cinani. Nga lelo imyaka ya umi witu yonsi pano yapela ikatuletela sile amasakamiko na malanda. Ikapita sile zuwazuwa, naswe kwene ala ali mikukile.

Danieli 1:2

Nawe Yawe wapile Yeoyakimu umwene waku Yuda mu makasa yakwe Nebukadineza, kumwi ni viya vino yafumizye mu Ng'anda ikulu yakwe Leza. Nawe avisenda avitwala ku ng'anda ikulu yakwe kaleza kakwe ku Babilonia nga aviika mu ng'anda ya cipao cakwe leza wakwe.