Yelemiya 27:9 - Amazwi Yakwe Leza 2013

⁹ Fwandi, mutezya mwauvwa kuli yakasema inu, kuli yakasapoola inu, kuli yakalota yaviloto, kuli yakapendola na kuli yasing'anga inu yano yakamunena ukuti mutakatumikile umwene waku Babiloni.

Yelemiya 27:9 ပူးပေါင်းရင်းမြစ်များ

Kufuma 22:18

“Mwanaci wensi wino akacita vyamalele alinzile akomwe.

Kufuma 7:11

Lyene Falao atuma akuya ama antu yakwe, amamanyamano na amalele. Alino aina Eguputo yalya mu malele yao yeleuzya vino Aaloni wacisile.

Mapinda 19:27

Mwanane, lino ulata sile ukuvwa uku masunde ya mano, lyene ale utalalengela ukusuula navino wamanya mpiti.

Ezaya 8:19

Ndi cakuti antu yakumunena ukuti auzya imilandu kuli yakalola na yakasapoola, yakatotoza na yakatiitiisya. Ala yakuti, “Uzye antu yataya nu kulondelezya nanti ukuuzya imilandu kuli tuleza twao nanti ukuuzya ku antu yao afwe apamulandu wa nsyazi zyao kunzi?”

Yelemiya 14:14

Lyene Yawe aasuka ati, “Ala yakasema yayo yakusema sile vyaufi umwi zina lyane. Asi nene nayatumile, awe. Ntayapiile ilamulo lyakulanda nanti izwi lyonga kunoyali. Ala vilolwa vino yene yamusemela ivyaufi nu kusowela kwao ukwa vintu vyauwelewele sile vino yakalola.

Yelemiya 23:16

Yawe Wamaka yonsi wavwanga ku antu aku Yelusalemu wati, “Mutezya mwauvwa uku mazwi yakwe yakasema yaa. Yene yakamusomba sile ku vilolwa vino yakamulandila. Vikafuma sile uku mano yao aeneco, asi ku kanwa kakwe Yawe foo.

Yelemiya 23:25

Yawe akuti, “Nuvwa mpiti vino yakasema yalya yakalanda, yayo akasemela mwi zina lyane. Cila wenga akati, ‘Nindota iciloto! Nindota iciloto!’

Yelemiya 23:32

Cumi kwene, nemo nkukanya yakasema yano yakalota iviloto vyaufi. Yene yakalotola iviloto ku antu yane nu kuyatungulula kwi lovyo pamulandu wa ufi wao ni vilumba vyao. Ala nemo ntayatumile nanti ukuyanena ukuti yapitana. Nupya yene yatakweti umulimo nanti umwi ku antu yane.” Ivyalanda Yawe.

Yelemiya 29:8

Pano Yawe Wamaka yonsi, Leza wa ina Izlaeli wavwanga wati, “Mutaleka yamusombe kuli yakasema na yakasapoola yano yikala kuno muli, mutakakutika ku viloto vyao.

Ezekelo 21:29

Nena aina Amoni ukuti ivilolwa vino yakalola ivyaufi, nu kuti ivisowelo vino yakasowela, navyo kwene ivyaufi. Aina Amoni antu yaipe nupya iviwelewele vya antu, nu wanda onga wasya uyazanikizye, uli wanda wakuyalyotola. Ulupanga lwatilufika pa nsingo zyao.

Danieli 4:7

Lyene amamanyamano, na yakasapoola, na yao akasambilila vikumile intanda, na yao akauzya ku mipasi yayaleta kunondi, nga nani njanena iciloto cane, lelo yene yaposiwe ukundondolwela muno ciile.

Mika 3:7

Yakasema yalaya ni nsonyi pakuposiwa kwao, nga yakasapoola yalazewana, pamulandu wakuti Leza atalayaasuka.

Zakaliya 10:2

Antu yakauzya vimwi ku tuluwi tuleza twao, lelo vino tuluwi tukayasuka ala vyauwelewele sile, nupya ivyaufi ufite fititi. Yakasapoola nayo aufi sile, yakatumpoka, yakalota sile vyakulota, yakaicuzya sile ukutekezya antu imyenzo. Fwandi uli mulandu kwene uno antu yakalulumba sile wa mfwele ziponge. Antu yakacula pano yatakwata wakuyatungululako.

Malaki 3:5

Yawe Wamaka yonsi wavwanga wati, “Ndiza pakasi kinu ku kupingula, nga lilyo kwene ndasinila antu akacita vyamalele, na yacizelele, na yayo akatumpwila auze, na yayo akasomba aomvi apa kuyalipila, na yayo akakwilila pa mitwe yakwe yamukamfwilwa na ana asyale, na inamasi kwene. Ndasinila yonsi asincindika.

Milimo 8:11

Yasumvile amano pali aliwe pano pa nsita ntali wayazungulanga ku malele yakwe.

Efeso 5:6

Mutaleka umuntu umwi amusombe na mazwi auwelewele, pano pamulandu wa vintu vii ukali wakwe Leza ukwiza pali yao asyamuyela.

Malango 13:2

pakuti amukoope ku kupepa nu kutumikila tuleza tuze tuno mutatazile mupepe. Nanti angala cino walaya ciza cafikiliziwa,

Malango 18:14

Antu amu nko zino mulapoka impanga yakauvwa kuli yao akasapola nu kuuzya ku mipasi. Lelo mwemo Yawe Leza winu atamuzumilizya ukucita vivyo.

Yoswa 13:22

Pali yao yano aina Izlaeli yakomile pali na Balamu umwana wakwe Beoli, wino wasapolanga.

Umbwilo 18:23

Munuli mutalatala muloleke luswepo lwi lampi. Munuli mutalatala muvwike izwi lyakwe siwinga na nawinga. Aculuzi yako ayano yali na maka cuze mu nsi yonsi, nu mu malele yako amuno wasombanga antu yonsi amu nsi!”

Umbwilo 21:8

Lelo antete na yano asi nu utailo, na yakacita ya vintu vyawinyi, ni nkomi, yacizelele, alozi, na yakapepa ya tuluwi, na antu yonsi antumpu, wikalo wao a yemba wa moto muno maluti yakapya. Ii ili mfwa yakwe ciili.”

Umbwilo 22:15

Lelo yao akacita vya winyi na alozi, yacizelele ni nkomi, yakapepa ya tuluwi nga na yao akatumpoka mu mazwi nu mu vicitwa kwene, yaa yonsi yalasyala kunzi ya musumba ukulu.

Umbwilo 9:21

Nupya yene yatazenzwike ku utazi wa katwe, ku ulozi wao, ku ulenzyo nga nu ku wivi.