Yelemiya 27:1 - Amazwi Yakwe Leza 2013

¹ Apacisila sile ca kulasika Zedekiya umwana wakwe Yosiya, pa cilimba ca wene waku Yuda, izwi lyakwe Yawe lyafikile Yelemiya lyakuti,

Yelemiya 27:1 ပူးပေါင်းရင်းမြစ်များ

2 Yamwene 24:18

Zedekiya wali ni myaka yakuvyalwa amakumi yaili na onga apa nsita ino watandike ukuteeka mu Yuda, nga wateesile mu Yelusalemu imyaka ikumi na onga. Nyina wali a Hamutali, umwana wakwe Yelemiya. Wene wali uwaku Libina.

2 Milandu 36:11

Zedekiya wali ni myaka yakuvyalwa amakumi yaili na onga apa nsita ino watandike ukuteeka mu Yuda, nga wateesile mu Yelusalemu imyaka ikumi na onga.

Yelemiya 26:1

Apacisila sile cakwe Yeoyakimu umwana wakwe Yosiya ukulasikwa pa cilimba ca wene waku Yuda, izwi lyakwe Yawe lyamfikile ne Yelemiya lyakuti,

Yelemiya 27:12

Na Zedekiya kwene umwene waku Yuda namunenyile icili conga kwene inti, “Ingizini insingo zinu mwi koli lya mwene waku Babiloni kumwi na antu yakwe kwene yano mukacimbila, nga muce mulole ukupususya uumi.

Yelemiya 27:3

Alino lyene utume izwi ku mwene waku Edomu, ku mwene waku Moabu, ku mwene waku Amoni, ku mwene waku Tuli nga nu ku mwene waku Sidoni, ukupitila mu nkombe zyao, izyaya ku Yelusalemu. Nga na kuli Zedekiya umwene waku Yuda.

Yelemiya 28:1

Mu mwaka kwene uo, pakutandikila sile kwa wene wakwe Zedekiya umwene waku Yuda, umu mwezi walenga isano wa mwaka wakwe cini, kasema Hananiya umwana wakwe Azuli umwina Gibyoni, wavwanzile kunondi ne Yelemiya mu ng'anda yakwe Yawe. Cali apa manso yakwe yasimapepo na antu yonsi ati,

Yelemiya 32:1

Izwi lyakwe Yawe lyafikile kasema Yelemiya, umu mwaka walenga ikumi wa kuteeka kwakwe Zedekiya umwene waku Yuda, uno wali umwaka walenga ikumi na cinani uwa wene wakwe Nebukadineza.