Yelemiya 24:9 - Amazwi Yakwe Leza 2013

⁹ Ndayalenga ukuya na kasokonda uku wene uli onsi uwa panonsi. Yene yalaya izewanya lya antu nu musowe, inseko nu lutipu umu ncende zyonsi muno ndayazingila mwenemo.

Yelemiya 24:9 ပူးပေါင်းရင်းမြစ်များ

1 Yamwene 9:7

lyene ndasukula aina Izlaeli mu mpanga ino nayapeela. Ndafuma nu mu Ng'anda ikulu kwene ii ino natimpolelela ukuya iya kumpepelamo. Alino na antu mpanga yonsi yalamusuula mwemwe mwe ina Izlaeli. Yalamulola azewane.

2 Milandu 7:20

ale lyene mucimanye ukuti indamuzinga umu mpanga ino namupeela. Indafuma umu Ng'anda kwene ii ino natinzifya ukuti iye incende yamuzilo, iyakupepela mwenemo. Alino na antu amu mpanga zyonsi yalamusuula mwe ina Izlaeli. Nupya antu yalamulolekesya wa vintu vimwi ivisulwe.

Masamu 69:11

Lino nemo nazwala vyakuzwala vya ndosya, yene ale caya ukuntumfya.

Ezaya 43:28

Yakateeka inu nayo kwene yansaalwile nu kukowezya Ng'anda yane ikulu. Ali cino nani namufulwile mwe ina Izlaeli nu kuleka ukuti mwe antu yane muzewane.”

Ezaya 65:15

Antu yane asololwe yalatoola izina linu, nu kulilumbula wa lutipu lwa kutipwila yauze. Nene kwene ne Yawe, anene ndamukoma. Yano yakantumikila ndayama izina ilipya.

Yelemiya 15:4

Nupya ndalenga ukuti antu yonsi panonsi yaizakazila sile uku ntete apa kulola ivintu vivyo, pamulandu wa vintu viipe vino Manase umwana umonsi wakwe Hezekiya wacisile mu Yelusalemu lino wali umwene waku Yuda.”

Yelemiya 19:8

Nupya namaonona umusumba uo cakuti yonsi yano yamapitanga mwenemo yaoopa nu kuzunguka kuli vyonsi vino vimacitika mwenemo.

Yelemiya 25:18

Yelusalemu ni misumba yaku Yuda, yamwene yao ni vilolo vyao, apakuti ice isanguke ulwanga nu kononeka. Ikawelwe nu kutipwilwa ndi vino caya nu mwilelo kwene.

Yelemiya 26:6

Ndi cakuti mwatwalilila ukukanayuvwila, lyene ndacitila Ng'anda ikulu ndi vino nacisile ku Syilo. Alino imitundu yonsi ya muno nsi yalaomvya izina lya musumba uu uwa ntipu.”

Yelemiya 29:18

Ndayazinganya nu lupanga, ni cipowe nga ni mpungo. Ndayaletela intete ni ngofyo uku wene uli onsi wa pano nsi. Yalaya antu yamwi atipwe, akuwelwa nupya azewane mu mitundu yonsi muno nayasalanganyizizye.

Yelemiya 29:22

Apamulandu wakwe alio kwene azya yonsi ukufuma ku Yuda, yano yali ku Babiloni yalaomvya intipu zi syamo lyao, zyakuti Yawe angala akucitile vino wacitile Zedekiya na Aabu, yano mwene waku Babiloni wasalwile apuma pa moto!

Yelemiya 34:17

Caleka lyene Yawe wavwanga wati, “Mwatimukana ukunguvwa, mwakana nu kupeela untungwa cila muntu uku anyonko nu ku auzo. Icisuma fwandi, nemo namamusunkilizya umu nkondo, uku mpungo nu ku cipowe. Namamuletela na kasokonda uku wene uli onsi uwa pano nsi.

Yelemiya 42:18

“Yawe Wamaka yonsi, Leza wa ina Izlaeli wavwanga wati, ‘Vino ukali wane ni cipyu cane vyaponile akaya aku Yelusalemu, ali vino cipyu cane cilamuponela ndi mwaya ku Eguputo. Mulaya antu yamwi atipwe na asulwe. Mutalatala musyukile incende ii nupya.’ ”

Yelemiya 44:12

Alino lyene ndasenda antu alasyalapo amu Yuda yano yapanzile ukuya ikala ku Eguputo. Ndalola inzila yakuyalovezyamo, muno kwene mu Eguputo. Yalafwa ku nkondo, uku cipowe nu ku mpungo. Antu yalazunguka sile pa kuyalola. Yalayawela nu kuomvya izina lyao apakuyatipwila.

Yelemiya 44:13

Ndiza imvunuke yano yalikala umu Eguputo ndi vino nacitile Yelusalemu, uku nkondo, icipowe ni mpungo.

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.

Ezekelo 23:46

Yawe Simwandalali wavwanga wati, “Lekini yayakolonganike mwi umba lya antu uleke amuno yize yayofye yayasampe ni vyuma vyao.

Ezekelo 25:3

Kayanene pakuti yatezye vino ne Yawe nkuyanena. Nemo nkuyanena inti mwemo mwasansamuka pakulola vino yakowezya incende yane yamuzilo yakumpepelamo, mwatemwa ukulola vino impanga ya Izlaeli yononeka, na pakulola kuno aina Yuda yasendwa uzya.

Ezekelo 26:2

“We mwana wa muntu, antu amu musumba wa Tuli yakalaizya ni nsansa yati, ‘Eya! Umusumba wa Yelusalemu uno tukacimvyanya nao ku vyauculuzi watiuongoloka ni mpongolo zyakweo zisile mwanku. Navino Yelusalemu watacimba, awe lyene swemo tumaya akama!’

Ezekelo 5:8

Caleka ne Yawe Simwandalali nkuti, nemwisikulu nakusangukila, we Yelusalemu, nupya ndakuputwila imilandu pa manso ya antu amitundu yonsi.

Malango 28:25

“Yawe alapeela amaka ku anisi inu akuti yamucimvye. Mulaezya kuyazanza ukutunkila pa ntunga yonga, lelo muluutuka ukufuma kunoyali mulungame ku ntunga zyonsi, cakuti antu yonsi pano nsi yalazakaza ku ntete lino yalalola icacitika kunomuli.

Malango 28:37

Umu nko muno Yawe alamusalanganyizizya, antu yalazunguka pa vintu vino vyati vimuponela. Yalamuwela nu kumutumfya.