Yelemiya 22:6 - Amazwi Yakwe Leza 2013

⁶ Pano vii ali vino Yawe walanda pamulandu wi sano lya mwene waku Yuda ati, “Nanti angala lyene lili wa mpanga ya Gileadi nanti wa myamba yaku Lebanoni, ku kuzipa, lelo ndalicita ulwanga, umusumba umutanga mwikale umuntu.

Yelemiya 22:6 ပူးပေါင်းရင်းမြစ်များ

Utandiko 37:25

Lino yatenzi yakulya, iukila mulongo wa alendo aina Isumeli yakupita ukufuma ku Gileadi, yakuya ku Eguputo. Ngamila zyao zyasenzile iviya vivule nupya ivyamutengo, ivinyamuti vinunkile na mafuta yakupangila milembo, na mafuta yakulesya ukuola, ala yakuvitwala ku Eguputo.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Lwimbo lwakwe Solomoni 4:1

Iyee, vino wayemba we mukundwe wane! Endi, silola vino wayemba! Mu cikuwalo cako wemo ukuzyongola amanso wa cipeele. Inyele zyako zikupungaila wa ufyo wa mbuzi zino zikutantamuka Mwamba wa Gileadi.

Lwimbo lwakwe Solomoni 5:15

Amaulu yakwe yaya wa ncesi izyakuulilwa na mawe yakulumbike, zino zyasimpwa mu vyakusimpamo incesi vyakwe zaabu mutuputupu. Akaloleka umucindame wa Mwamba wa Lebanoni, uno wakwata imiti mikelide icindame.

Ezaya 27:10

Umusumba wa malinga watiusyala sile ivitotela vitupu. Antu yatiyasaama mwenemo, mwatimusyala sile cele ungati umu mutengo. Iviteekwa ali muno vikulya nu kulala. Amuno vikulya amafwa ni vipupa.

Ezaya 37:24

Wemo watutuma aomvi yako uku kwiza uku kunsaalula, nu kuitutumula wemo ukuitutumula, We Senakelibu waya namaceleta yako nyanya. Waya wacimvya imyamba itali sana, ukwikapo na pantonje ya mwamba waku Lebanoni. Watemola imiti imikelide ni miolivi, ilya kwene izipisye.

Ezaya 6:11

Alino nani namuzya nati, “Ale lyene fwandi we Mwene, icintu cii cilapelela pi?” Nga nawe angasuka ati, “Ukufika sile na pano imisumba ilononeka isyale amatongwa. Ukufika sile na pano amang'anda yalononekela yasyale sile ivipompa. Alino nupya ukufika sile na pano impanga ilasyalila amapooli.

Yelemiya 21:11

Nupya Yawe anena kuti nene ang'anda ya wene wakwe Yuda inti, “Uvwini ku mazwi yano ne Yawe nkulanda.

Yelemiya 21:14

Ndamuvunuka kulingana ni vicitwa vinu viipe vino mwacita. Ndasonteka umoto pa masano inu, nga nu moto uloca vyonsi ukuzinguluka mwemwe. Ivyalanda ne Yawe.”

Yelemiya 22:24

Yawe wavwanga uku mwene Yeoyakini, umwana umonsi wakwe Yeoyakimu umwene waku Yuda, wati, “Cumi kwene vino nene indi Leza wa umi, nanti angala Yeoyakimu angaya imbalaminwe ukwi kasa lyane lilungi, nemo ningamuzula.

Yelemiya 26:18

“Umu manda yakwe Hezekiya uwali mwene mu Yuda alino na Mika umwina Molesyeti wasemile nu kunena umutundu wakwe Yuda ati, ‘Yawe Wamaka yonsi wati Zioni alalimwa wa calo, Yelusalemu alasenuka umutumba wa vitalang'anda. Umwamba apaya Ng'anda ikulu yakwe Leza ulaya umutengo wa miti.’

Yelemiya 4:20

Uzanzo walondela apa uzanzo uze. Ni mpanga yonsi yatiyononeka umu kasita sile akanono. Amataalu yane yatiyononeka umu kupumikizya, icifulo cane naco umu kasita kanono.

Yelemiya 4:7

“Wakwe cisama uwatakatuka ukufuma mwi tesi muno afisime, avili vino umononyi wa mitundu watakatuka ukufuma ku cifulo cakwe. Wene akwiza ku konona Yuda. Imisumba yaku Yuda ilononwa isyale wa vitumba. Kusi umwi wino alikala mwenemo.

Yelemiya 50:12

Ala nyoko insonyi zyatizimulema wakwe cimwi. Wino wamuviile watazewana. Awino lyene watacepesya pa mitundu yonsi. Wataya inyika, impanga yaula amanzi nupya ulwanga.

Yelemiya 7:34

Ndamyalalika amu misumba yakwe Yuda nu mu miseo yamu Yelusalemu, impooma zya luzango ni nsansa alino ni zwi lyakwe siwinga na nawinga pano impanga ilasansamuka.”

Yelemiya 8:22

Uzye mu mpanga ya Gileadi umulembo wasila? Uzye mutaya sing'anga nanti wenga sile? Uzye pacani fwandi cino antu yane yatapoziwa?

Yelemiya 9:11

Yawe nawe avwanga ati, “Umusumba wa Yelusalemu namausangula amatongwa. Umaya uwikalo wakwe yankusa. Imisumba yamu Yuda ilaya wa lwanga, incende umusiikala umuntu nanti wenga.”

Mika 3:12

Caleka pamulandu winu, Zioni alalimolwa wa calo, Yelusalemu alaya citalang'anda, nu mwamba apa kuulwa Ng'anda ikulu yakwe Yawe ulaya umutengo.

Zakaliya 11:1

Yula ivisasa vyako, we Lebanoni, umoto woca imiti yako imikelide.

Mpendwa 32:1

Amu mutundu wakwe Lubeni na wakwe Gadi yakweti iviteekwa ivivule cuze, ing'ombe ni mfwele. Lyene ilola ukuti impanga zya ina Yazeli na ina Gileadi iziyalinga ukucemelako iviteekwa ivikalamba.

Malango 3:25

Su ngaleka sile indambe Luzi lwa Yodani, uleke inje nkalole impanga ivunde iyaya ku mbalama yuze, impanga iyembe ya myamba nga ni Myamba ya Lebanoni.’