Yelemiya 20:9 - Amazwi Yakwe Leza 2013

⁹ Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 20:9 ပူးပေါင်းရင်းမြစ်များ

Masamu 39:3

Umwenzo wane wapyanga sile umukasi. Nga nelenganya sana, lyene umwenzo iulundulukako ukupya umukasi. Nasuka naposiwa ukuzizimizya, nga mvwanga amazwi akuti,

Yelemiya 23:29

Yawe walanda wati, “Uzye kwene amazwi yane yatakoline wa moto, nanti inondo ino ikatamola iciliwe mu tupimfya?”

Yelemiya 23:9

Apamulandu na yakasema, umwenzo wane wati ulepuka umukasi, na mafupa yane yakuzakaza yonsi. Apamulandu sile wa Mwene, na mazwi yakwe acindamisye, nemo indi wa muntu uwatakoleka, wino waini watatonsya.

Yelemiya 4:19

Owe nafwa mwe! Nemo nkunyunguluka sile pamulandu nu ukali! Umwenzo wane umalepuka! Umwenzo wane uku kulukunta uyi uyi. Naposiwa kumyalala. Pano natinuvwa ukulila kwa ntandala nga nu kupunda kwamu nkondo.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Ezekelo 3:14

Fwandi Umupasi wakwe Leza iunkatusya nu kunsenda, ala umwenzo wane ukunyongotoka wakwe cimwi, nupya nasosile na Yawe ala watampoka amaka.

Ezekelo 3:3

Nupya anena nukuti, “We mwana wa muntu, lya kalata wii uwikute.” Nani ali pa kumulya, auvwika nu kulyompa kwati uuci.

Amosi 3:8

Cisama ndi waluluma, uzye aweni atanguvwa intete? Yawe Simwandalali ndi wavwanga, uzye aweni angalesya ukukosola amazwi yakwe?

Yona 1:2

Amunena ati, “Yanga ku Ninive, umusumba ulya ukulu, ukasoke aikazi yakweneko pamulandu wakuti nalola ukakasi wao.”

Yona 1:3

Lelo Yona autuka ukufuma ukwali Yawe nga alungama ku Tasyisyi. Alino atentemukila ku Yopa, kuno waile azana icombo icali palwendo lwakuya ku Tasyisyi. Lyene akala itikiti nga akwela mu combo cici, alino apita kulungama ku Tasyisyi kuti autuke Yawe.

Luka 9:62

Yesu amwaasuka ati, “Wino wensi uwatandika kulima nga acili akulola icisila ala atalinzile ukuya mu Wene wakwe Leza.”

Milimo 17:16

Paulo walolelanga Sailasi na Timoti mu Atena, cimucuzya mu mwenzo pa kulola vino umusumba wazilemo tuluwi.

Milimo 18:5

Lino Sailasi na Timoti yafisile kufuma ku Makedoniya, Paulo wasumvile nsita yonsi mu kukosola ilandwe lya Mwene, ala akunena Ayuda ukuti Yesu ali Klistu.

Milimo 4:20

Pano swemo tutangata kulanda pali vino twalola nu kuvwa.”