Yelemiya 20:2 - Amazwi Yakwe Leza 2013

² wene apeela ilamulo kuti yangume nu kunyepa mu minyololo apipi ni Mpongolo yakwe Benjamini ino yayela lwa papela ya Ng'anda ikulu yakwe Leza.

Yelemiya 20:2 ပူးပေါင်းရင်းမြစ်များ

1 Yamwene 13:4

Lino umwene Yeloboamu uvwa vivyo vino kasema wakwe Yawe akupundilila kavuwa kaku Betele, afumya ikasa lyakwe pa kavuwa nga alikonzolola, nga avwanga ati, “Mulemini!” Lelo papo kwene ikasa lino umwene wasontela umuntu ilyuma, cakuti aposiwa nu kuliwezya.

1 Yamwene 22:27

Uyanene yamusunge mu ng'anda yaminyololo, nga mulinzile mwamupeela cakulya cinono na manzi yanono suka sile ince imbwele umutende.”

2 Milandu 16:10

Cii calenzile kuti umwene Asa asokele kasema cakuti amwika umu ng'anda yaminyololo. Kufuma lilyo kwene umwene Asa atandika kuteeka antu uluku uluku.

2 Milandu 18:23

Kasema Zedekiya, umwana umonsi wakwe Kenaana, pali pakupalamila amuma na kalupi api tama. Alino amuuzya ati, “Uzye mupasi wakwe Yawe wali wapitila pi apa kufuma kunondi, nu kwiza vwanga muli wewe?”

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

Yobo 13:27

Wanyepelela amaulu yane umwi koli nu mu myando. Monsi muno nalyasile walondelezya, nu kupima apali ponsi pano ulwazo lwane lwalyata.

Yobo 33:11

Watanyepa amaulu yane umu minyololo, nu kusopa monsi muno nkupita.’

Yelemiya 1:19

Yene yalakulwisya, lelo yalaposiwa ku kucimvya, pano nemo namayanga nawe apa kukupususya.” Ivyalanda ne Yawe.

Yelemiya 26:10

Walanga intunguluzi zya Ayuda zyuvwa umulandu, zyakalawike ukufuma kwi sano, nu mu ng'anda yakwe Yawe, yaya yikala ku wingililo, apa mpongolo ipya ya Ng'anda ikulu yakwe Yawe.

Yelemiya 26:8

Walanga lino namala kulanda vyonsi vino Yawe wanenyile kunena antu, yasimapepo, yakasema na antu yonsi yandemile nu kunena yati, “Kuufwe!

Yelemiya 29:26

“Yawe wakusolwile wewe ukuya simapepo apa cifulo cakwe Yeoyada apakuti waangalila ing'anda yakwe Yawe, nu kuti unganyepa cipena wensi mu minyololo wiyo uwaituntumba ukuya wakwe kasema.

Yelemiya 36:26

Lelo umwene ali pakunena Yelameeli, umwana wa mwene, Selaya umwana wakwe Azilieli nga na Syelemiya umwana wakwe Abideli kuti yakaleme kalemba Baluki na kasema Yelemiya. Lelo Yawe wayafisile.

Yelemiya 37:13

Lino wafika kweneko ku mpongolo yakwe Benjamini, kalinda uwalindanga impongolo izina lyakwe wali a Iliya, umwana umonsi wakwe Syelemiya, mwizikulu Hananiya, alema kasema Yelemiya nga amunena ati, “Wemo uli ku lusansa lwa ina Babiloni.”

Yelemiya 37:21

Alino lyene umwene Zedekiya apeela ilamulo ilyakuti Yelemiya asungwe umu musolo wakwe yakalinda. Nupya cila wanda yamupeelanga icakulya, cila wanda umukate upuma, ukufuma uku museo wakwe yakapanga ya mikate, suka sile umukate umu musumba wasila. Fwandi avino Yelemiya watenzi umu musolo wakwe yakalinda.

Zakaliya 14:10

Mpanga yonsi ilasenuka iye inyika, ukutandikila ku Geba mpaka nu ku Limoni uwaku Negebu. Yelusalemu alatumpuka ukuluta, nanti angala alasyalila apa ncende yakwe yampiti. Mulikala antu ukufuma ku mpongolo yakwe Benjamini nu kufika ku mpongolo ya kutandikila, kuli kuti ku Mpongolo ya Pitungu, nga nu kutandikila pa Lupungu lwa Hananeli mpaka nu kufika nu mwakufenela waini ukwi sano.

Mateo 21:35

Alimi yalema aomvi yakwe, yuma wenga, yakoma muze, nga wakwe citatu wene yamutama na mawe.

Milimo 4:3

Caleka yayalema yayayalila mu ng'anda yaminyololo kufika katondo, pano cali amanguzi lino ilanzi lyatemba.

Milimo 5:18

Lyene yalema atumwa yayayalila mu ng'anda yaminyololo.

Milimo 5:40

Lyene yaama atumwa kwingila nga, yayuma vikoti, yayapeela ni lamulo kuti yatakezye nupya kuvwanga mwi zina lyakwe Yesu. Alino yaleka yapita.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

Umbwilo 17:6

Naweni ukuti mwanaci wakolike uwazi wa antu yakwe Leza nga nu wazi wakwe yao akomilwe pamulandu wa kuyela Yesu. Lino naweni mwanaci nzunguka cuze.

Umbwilo 2:10

Utuvwa intete pali vino wasya ucule. Uvwa! Muli nu kweziwa na Ciwa lino wene alalenga kuti yamwi amunomuli yayalilwe mu ng'anda yaminyololo. Na macuzi yako yalasila mu manda ikumi. Uye uwakutailwa mpaka ni mfwa, nani ndakupeela cilambu cangala icili umi wape.