Yelemiya 2:8 - Amazwi Yakwe Leza 2013

⁸ Yasimapepo nayo yakanyile ukuuzya yati, ‘Uzye Yawe ali kwi?’ Yakapingula nayo yatamanyile nene, intunguluzi nazyo zyansangukile. Yakasema nayo yasemile mwi zina lyakwe Baali. Nga yalondela utuluwi utwasilesile.

Yelemiya 2:8 ပူးပေါင်းရင်းမြစ်များ

1 Yamwene 18:22

Lyene Eliya ayanena ati, “Nene nenga sile nsile pali yakasema ya Mwene, lelo Baali akweti yakasema imyanda ini na makumi yasano.

1 Yamwene 18:29

Ali vino yakonkinye ukuzamboka pa nsita ntali ukwaula kuti Baali wiyo ayaasuke. Nanti impwelo zisi zyakuvwika foo.

1 Yamwene 18:40

Eliya pali pakuvwanga ati, “Lemini yakasema yakwe Baali! Mutaleka nanti wenga apuuke! Lino yayalema, Eliya pali pakuyasenda ku Cifoloma ca Kisyoni nga akuno ayakomela.”

Yobo 35:10

Lelo kusi nanti wenga akavwanga ati, ‘Uzye Leza kaumba wane ali kwi, wiyo akaleka ukuti inyimbo zya luzango zyuvwike usiku.

Ezaya 28:7

Na yakasema kwene kumwi na yasimapepo yatiyakoleka cakuti yakupempezyoka sile apa kupita. Yene yatiyamwa wakwe cimwi waini wa matingi, pamwi nu wengwa ukalipisye, cakuti yakuuluunsya sile, caticiyapezya na mano. Yakasema yatiyakolekesya cakuti yakuposiwa nu kwilula ivilolwa vino Leza akuyalanga. Yasimapepo nayo kwene yatiyakoleka cakuti yakuposiwa nu kupingula imilandu ino antu yakuleta kunoyali.

Ezaya 29:10

Pano Yawe wataleka ukuti mwemo mwasipula, mupone nu mutulo twa mfwa. Yakasema ali yano yalaatungulula antu, lelo Leza wene wayazyatika amanso.

Ezaya 30:5

ukuya kwene, Ayuda yamatezanga apa lwa kutaila umutundu wa antu utaya na cisinka, uno usiyatuula ndi yazina kunuli.”

Yelemiya 10:21

Nani ali pakwasuka inti, “Intunguluzi zitu izitumpe. Zyene zisiuzya Mwene vino angazitungulula. Uli mulandu uno zyene zyaposiwa, nga na antu itu yasalangana.

Yelemiya 12:10

Yakateeka aingi amu mpanga zyuze yatiyonona icalo cane ca matingi. Impanga yane ino itaizipila yatiyaisangula wa lwanga.

Yelemiya 16:19

We Yawe, we maka yane, we linga lyane, cakuzinamo cane mu wanda wa ulanda. Imitundu iliza kunuli, ukufuma ku mipaka ya mpanga ilalanda nu kuti, “Yatata yapyanyile ivyaufi utupu tupu, ivyaciwelewele, vyaula amaka.

Yelemiya 18:18

Lyene antu yavwanga yati, “Izini mwe, muleke tuvwane ivyakufulula Yelemiya! Pano lyonsi kwene kumayanga yasimapepo akutusambilizya, na antu yamano akutupandako amano, nga na yakasema akusema ilandwe lyakwe Leza. Izini mwe, muleke tumupele imilandu, tute nu kuuvwa kuli vyonsi vino akulanda.”

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 2:6

Yene yatatazile yelenganya yati, ‘Uzye Yawe ali kwi, wiyo uwatufumizye ku Eguputo nu kututungulula mu lwanga, impanga ya mapoli ni visengafwafwa, impanga iyumalale iya kanda, mumo muno mutatala mwapita mwenemo umulawa, nanti ukwikalamo umuntu?’

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 7:8

Lelo si lolini, vino mwemo mukutaila mu mazwi ausomvi nupya asi yampomvu.

Yelemiya 9:14

Nemo yantalamila nupya yakupepa na tuleza utuluwi twakwe Baali, ndi muno ivikolwe vyao vyayasambilizye ukucita.

Ezekelo 22:26

Yasimapepo yao yakaonona amasunde yane, nupya yasicindika ivyamuzilo vyane. Yasipusanya vyamuzilo ni visi vyamuzilo. Apa kusambizya yasipusanya ivintu ivikakowezya antu ni visikowezya, nupya yasisakamala ni Sabata kwene. Uli mulandu kwene uno aina Izlaeli yasincindikila.

Ezekelo 34:2

“We mwana wa muntu, semela yakacema amu Izlaeli, useme uyanene uti, avino Yawe wavwanga wati, kalanda kuli yakasema amu Izlaeli, yao akaisemela sile aeneco. Uzye yakacema yasi nu kucema ufyo?

Oseya 4:6

Antu yane yakononeka pamulandu wakuntamanya nene. Mwe yasimapepo mwakana ukusambilila vyapali nene, acino nani kwene ndakana ana inu yataya yasimapepo.

Habakuku 2:18

“Uzye umulimo cii uno akaluwi kakwata? Kene kapangwa sile nu muntu, nupya katange kamunene icili consi suka intumpu. Uzye icani cingalenga ukuti kapanga wa kaluwi akataile? Utuluwi tuno wene akapanga tutangavwanga.

Mateo 16:26

Uzye umuntu alakwata muzano cii ndi walonka ivyamu nsi vyonsi, lelo waponzya umi wakwe? Awe kusi cimwi! Uzye kuli cimwi cino umuntu angalipa kuti umi wakwe umuwelele?

Luka 11:52

“Kalanda kunomuli mwe nkonkotela zya Masunde. Mwasunga imfungulo ino ikayula ku kumanya vya pali Leza. Mwemo mweisikulu mwaposiwa ukwingilamo, nga mukalesya yano akwezya ukwingilamo.”

Yoane 16:3

Antu yalacita vintu vii kunomuli pano yatamanya Tata, nanti anene.

Yoane 8:55

Nanti angala mutamumanya mu cumi. Lelo nemo namumanya. Ndi nati ntamumanyile, ale nakolana namwe mwe antumpu. Lelo nemo namumanya nupya nkayela mazwi yakwe.

2 Kolinto 4:2

Swemo tusyacita vintu vya nsonyi vino vikacitwa mu nkama. Caleka tusyacita vya usomvi nanti kupililika Ilandwe lyakwe Leza. Leza ali kambone witu ukuti vino tukulanda vyene ivya cumi. Caleka antu yauze muli yakampingu yao yangasininkizya ukuti sweswe yakutailwa.

Malango 33:10

Yene yakasambilizya antu yako ukuyela amalamulo yako. Yene yalapeela amawila yakoca yonsi pa kavuwa kako.

1 Samueli 12:21

Mutasenukila ku kulondela tuleza tuluwi. Twene tutangamucitila ivisuma, nanti ukumutuula, pamulandu wakuti utwaciwelewele.

1 Samueli 2:12

Ana aonsi yakwe Eli yali antu yaukakasi. Yene yatacindike Yawe.