Yelemiya 2:7 - Amazwi Yakwe Leza 2013

⁷ Insuka muleta umu mpanga ivunde, imusyukila ni viseekwa pamwi ni vintu vyuze visuma ivyaya mwenemo. Lelo lino mwiza mu mpanga yane, mukowezya impanga yane, musangula impanga yaupyanyi wanyawanya.

Yelemiya 2:7 ပူးပေါင်းရင်းမြစ်များ

Neemiya 9:25

Yapokolwile imisumba ya malinga, ni mpanga ivunde, amang'anda ni nkoma zya vyuma. Yapokolwile ni vifula vino yimba calimwi, imiolivi, imiti ya viseekwa, ni vyalo vya matingi. Yene yalyanga yikuta nga lyene pasi pakwina. Yene yailyokezyanga ivintu ivisuma vyonsi vino wayapile.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Ezaya 19:25

Yawe Wamaka yonsi alayapolelela na mazwi yaa akuti, “Namupolelela mwe ina Eguputo, mwe antu yane, na mwe ina Asilya mwemuno naumvile. Namupolelela mwe ina Izlaeli, mwe asololwe yane.”

Yelemiya 16:18

Ndayakalipila liili apa ukakasi wao na pa uyi wao, pano yatiyakowezya impanga yane ku tuluwi twao. Yatiyazuzyamo upyanyi wane ku vintu vya uwelewele ivyaunkolanya sile.”

Yelemiya 3:1

Yawe akuti, “Umuntu ndi wata umuci, nawe waya watwalwa kuze, uzye wene angaca aweluluke kuli wino wamuzinzile? Uzye impanga yonsi ale itati ikowele? Uzye lyene we Izlaeli ukulonda uweluluke kunondi, wemuno wacitanga uzelele nu kutemwa aingi?

Yelemiya 3:2

Tala tumpula amanso apa twamba utusanzuke, ucelecensye wenga. Uzye pali incende imwi pali zizyo zino walola pano utatala wacitilapo uzelele? Mwayateyamilanga umu mbali ya nzila, ungati avino aina Alabya yakateyamila antu mu lwanga. Mu cumi watukowezya impanga ku uzelele nu ukakasi wako.

Yelemiya 3:9

Wene amaangupazya uzelele wakwe, wasuka wakowezya ni mpanga. Wacitanga uzelele ku mawe nu ku miti.

Yelemiya 32:23

Nayo ali vino yingile mwenemo nu kuipoka. Lelo yakana ukuyela amazwi yako nu kulondela amasunde yako. Yatacisile nanti conga pali vino wayanenyile. Caleka walesile ukuti uyi onsi uyaponele.

Yelemiya 32:30

Pano aina Izlaeli na ina Yuda ukutandikila sile ku mpiti yakacita sile vino nsyalonda. Cumi cumi aina Izlaeli yakamvulumwila sile icipyu uku vicitwa vya minwe yao.” Ivyalanda Yawe.

Ezekelo 20:24

Na cino nacitile cico apamulandu wakuti yene yasuuzile vipope vyane, yasuula kumwi ni Sabata lyane lyamuzilo, yafukamila utuluwi kwene tutu twa vikolwe vyao.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 20:6

Apa wanda kwene uo lino nayalavile nu kulundapo ukulapa ukuti ndayafumya mu Eguputo, nu kuyatwala mu mpanga ino nemo nasolwile, ali mpanga ikankala nupya iya muvundo iyaluta impanga zyuze zyonsi ku usuma.

Ezekelo 23:35

Caleka ne Yawe Simwandalali nkukunena vii inti, wemo ulaculilamo pa ukakasi nu uzelele wako, pano wanjililako nu kunsuula wansuulako.”

Ezekelo 36:17

“We mwana wa muntu, pa nsita ino aina Izlaeli ikalanga mu mpanga yao, yacikowizye ku mikalile yao nu ku micitile yao. Kunondi imipitile yao yali iyawinyi, kwati amangu ali ku mpepo.

Oseya 9:3

Mutalikala mu mpanga yakwe Yawe. Mwe aluko lwakwe Efulemu, mulaswilila ku Eguputo, mu mpanga ya Asilya amuno mulalya cakulya icaindwa.

Mika 2:10

Katukini, mwapita! Pano pa cifulo ci patacili umutende. Amaifyo inu yatiyaletelela icifulo cii ku ononesi.

Mpendwa 13:27

Yasimikila Mose yati, “Twaile mu mpanga ino watutumile mwenemo, nga cumi cumi yene iya uzombozi cuze nupya yavunda. Lola, iviseekwa vimwi vya mwenemo aivi.

Malango 21:23

ale lyene mutalinzile kusya umwili uwo pa cimuti. Mulinzile kuzika umwili, pamulandu wakuti umwili uno iyatana pa cimuti ukaleta citipu cakwe Leza pa mpanga. Muziike umwili uwo, pakuti mutakowezya impanga ino Leza akupeela kunomuli.”

Malango 32:9

Pasi pano Yawe wasolwile antu yakwe, amu mutundu wakwe Yakobo ali caupyani cakwe.

Malango 6:18

Mwacita sile ivilungame ni visuma vino Yawe akalonda, nga lyene ivintu vyonsi vilamuzipila. Lyene mulaya na maka akupoka impanga ino Yawe walavile ivikolwe vinu,