Yelemiya 2:5 - Amazwi Yakwe Leza 2013

⁵ Vii avino Yawe akulanda ati, “Uzye ukuluvyanya cii kuno ivikolwe vinu vyazanyile munondi, apakuti vinsangukile? Vyene vyalondelile ukupepa utuluwi twasilesile, nga aisikulu yasanguka yaya asilesile.

Yelemiya 2:5 ပူးပေါင်းရင်းမြစ်များ

2 Yamwene 17:15

Yene yakanyile ukulondela utunguluzi wakwe, yakana nu upangano uno wene wapangine ni vikolwe vyao, nu kusula ukusopwa kwakwe. Yapepanga tuleza twaciwelewele, utuluwi nga lyene aisikulu iyasanguka awelewele. Yene yalondelile imisango ya mitundu iyayazingulwike, yatalamila amasunde yakwe Yawe nu kukana yalondela.

Masamu 115:8

Antu yano yatupanga, nu kutuceceta nayo kwene yalingana mano nato!

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Ezaya 44:9

Yakapanga ya tuluwi yonsi kwene aciwelewele. Ivicitwa vyao vino yakasansamukila mwenemo, vitalayatumbwila cimwi. Antu yano yakapepa utuluwi tuto impafu, nupya iviwelewele. Yene yalemwa ni nsonyi.

Ezaya 46:12

“Munguvwe kuno, mwe antu mwe, mwemuno mwakoma umu kanwa. Mwe muno mukati ukucimvya kulaya sile lyuze lyuze.

Yelemiya 10:8

Yonsi pano yapela atumpe nupya imbulisi. Uzye yangasambilila cani ku tuluwi twa mbao?

Yelemiya 12:2

Wemo wewe kwene ukayalema wa milemo. Nayo ali pakutamba wa misisi, iyakula yasuka yaseeka ni viseekwa. Kuvwanga kwene, awe cumi yakavwanga usaka usaka. Lelo ukuti yakusumbeko amano, awe kwene foo.

Yelemiya 14:22

Uzye kwaya akaluwi nanti konga pali tuleza twa inamasi kano kangatuletela imvula? Iyulu litupu nalyo kwene litangatutumila imvula. Lelo awewe sile wenga we Mwene witu, wemuno twataila Wewe sile wenga mpo ukacita vii.

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:4

Mwe ang'anda yakwe Yakobo, mwe nko zyonsi zya ina Izlaeli, uvwini amazwi yakwe Yawe.

Yelemiya 8:19

Si kutikini! Umu mpanga yonsi kwene, nkuuvwamo sile impooma zya antu yane yakuti, “Yawe asi mwenemo muno mu Zioni? Uzye Mwene wino wateeka muno mu Zioni, asi mwenemo vwile?” Yawe wino wayateeka nawe ali pakwasuka ati, “Uzye pacani cino mwaleka kuti insoke, pamulandu nu tuluwi twinu, na pamulandu wakwe tuleza twinu utwaciwelewele nupya utwa inamasi?”

Ezekelo 11:15

“We mwana wa muntu, anyonko, kuli kuti akazi kako, auzo ali mu uzya, yonsi ang'anda yakwe Izlaeli, ayayo yano antu aikala mu Yelusalemu yakulandapo yati, ‘Antu yonsi yano yasendwa ku uzya yali kutali na Yawe cakuti yatange yamupepe. Acino impanga ii ndakai yatiya iyakwitu.’ ”

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Yona 2:8

Antu akapepa utuluwi tuleza utwasilesile yaponzya icikuku cako.

Mateo 15:8

‘Antu yaa yakancindika sile mu mazwi yao. Lelo melenganyo yao yali kutali kufuma kunondi.

Milimo 14:15

“Uzye pacani mukucita cii mwe antu? Swemo sweswe antunze sile wakwe vino muli! Tuli kuno kuti tukosole Ilandwe Lisuma, kuti mufume ku vintu vyasile sile mutandike kupepa Leza wa umi, uwaumvile iyulu, insi, yemba ni vyayamo.

Loma 1:21

Nanti angala Leza yamumanya, lelo yakana kumulumbanya nanti kumutaizya. Amelenganyo yao yaseleukila ku vya uwelewele ni myenzo yao yazulamo mfinzi.

Malango 32:21

Yandenga ukuya nu uzuwa pamulandu ni vipangwe visi leza, Yaleka nasoka pamulandu na tuno yakwama ukuti a tuleza, tuto tuno umucumi tusi a tuleza. Caleka fwandi nani ndaleka yaye nu uzuwa ku cintu icisi umutundu wa mpomvu. Ndaleka uluko lwa ciwelewele luyasosye.

1 Samueli 12:21

Mutasenukila ku kulondela tuleza tuluwi. Twene tutangamucitila ivisuma, nanti ukumutuula, pamulandu wakuti utwaciwelewele.