Yelemiya 2:34 - Amazwi Yakwe Leza 2013

³⁴ Uku vyakuzwala vyako kwazanwa uwazi wa antu akaele apina, yano utazanikizye yakoomola ing'anda yako. Lelo nanti cili vivyo

Yelemiya 2:34 ပူးပေါင်းရင်းမြစ်များ

2 Yamwene 21:16

Antu aula umulandu, yano Manase wakomile, yali anyanya umwi, icakuti uwazi wao wakonkolokanga umu tumiseo twamu Yelusalemu. Icintu cico calunzile sile pali vino wene walesile kuti aikazi amu Yuda yapepa utuluwi nu kucita ivintu vyawinyi vyuze apa manso yakwe Yawe.

2 Yamwene 24:4

Makamaka apamulandu uwa uno wakomile antu akaele umu Yelusalemu. Apamulandu uo, awe kwene Yawe wene atalondanga nanti panono ukuyakwatila uluse.

Kufuma 22:1

“Muntu ndi wiya masaye nanti imfwele nanti imbuzi, wakoma nanti wakazya, alinzile kulipila yamasaye yasano pali masaye wiyo wenga, nga alinzile kulipila imfwele nanti imbuzi zini pa mfwele nanti imbuzi iyo yonga.

Kufuma 22:2

“Mwivi ndi walemwa usiku akwiya mu ng'anda nga yamukoma, wino uwamukoma atangapeelwa mulandu wa kutala katwe.

Ezaya 57:5

Amwemwe kwene mwemuno mukucita ivya uwelewele umu miti, imitelebinte nu mu miti yonsi ivumbilikizye. Mwemuno mukaoca ana inu impolelwa umu mikonko nu mu mipokapoka ya mawe.

Ezaya 59:3

Pano amakasa inu yafitisya pamulandu nu wazi, ni minwe inu nayo yafitisya pamulandu nu ukakasi winu, utunwa twinu tukalanda vyaufi, ni ndimi zinu nazyo zikatotoza vyautalami.

Ezaya 59:7

Mwemo insita zyonsi sile mukasimwilila uku kucita iviipe. Mukapamviwa ukuzwisya uwazi wakwe yayo akaele. Imyelenganyizizye inu iya lufyengo sile. Inzila zinu izya kutamola nu kukuululula.

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 2:33

Iye mwe vino wamanya ningo imisango yakulondelela icitemwiko, nu kuyelezya ukupita na maifyo!

Yelemiya 6:15

Uzye yene yatange yuvwe insonyi pa vicitwa vyao vyawinyi? Awe, yene yatuvwile insonyi nanti panono. Nupya yatamanyile ni vyakuloleka nsonyi nsonyi. Acino yalapona pamwi na aali nu kupona. Lino ndiza ku kuyavunuka, ilaya ili mpela yao. Ivyalanda ne Yawe.”

Yelemiya 7:31

Nupya yatiyakuula incende umwa kumpepela mwenemo mu Cifoloma ca Beni Hinomu, umwakuti yaocelamo ana yao aonsi na anaci. Icintu cino ntatazile njanena, cino citatazile ciza nu mu mano yane.

Yelemiya 7:6

ndi cakuti mwata ukuzunya ainamasi, ana asyale nanti yamukamfwilwa nu kuta ukukoma antu akaele mu ncende ii, ndi cakuti mwata ukulondela tuleza tuze,

Yelemiya 8:12

Insonyi zilinzile kuyalema apa vicitwa vyao iviipe, ivya lupato. Lelo camupamba yene yasyauvwa insonyi, awe. Icaleka fwandi yalapona pamwi na ali nu kupona. Lelo ndiza njavunuke, yalasumbwa pansi.’ ” Ivyalanda ne Yawe.

Nyimbo zya ndosya 1:9

Ukukowela kwakwe kwalolekanga apaswe. Lelo wene atatailanga ukuti alasyama wakwe vino cili. Ukuwa kwakwe kwali ukwakuzunguka. Kutali nu wakumumyalalika foo. Wene wapapatanga sile kuli Yawe ala akuti, “Sungala ulole ulanda wane, pano anisi yane yatiyancimvya.”

Nyimbo zya ndosya 4:14

Yene yapulupuntanga wa mpafu umu miseo, ala yatiyakandana uwazi cakuti wensi ala akoopa ukuyalemamo.

Ezekelo 20:31

Na pilelo kwene mwemo mucili mukatula amawila ali yamwi kwene, nupya mucili mukuikowezya ku tuluwi tuli tumwi kwene, mukututuula impolelwa zyakoca ana inu? Uzye pacani cino mwemo mwe ina Izlaeli ningamuzumilizya ukwiza mukunguzya vino nkalonda? Nalapa, ne Yawe Simwandalali, nemo ntange ntale muzumilizye kwiza mukunguzya.

Ezekelo 22:25

Intunguluzi zyao zili kwati a yacisama akung'anza pa nsita ino yakutakanya inyama ino yalemile. Intunguluzi zikakoma antu nu kuyapoka impiya, ni vyuma vyao vyonsi, zikalenga ukuti yamangu aingi yasyale yamukamfwilwa.

Ezekelo 23:45

Lelo asuma yalayapingwila ndi vino yakapingwila anaci yacizelele na akazwisya uwazi, pamulandu wakuti yene acizelele ni minwe yao yali yamifitalila pamulandu wa kuzwisya uwazi.”

Ezekelo 24:7

Mwali ukakasi mu musumba. Uwazi utazwanga pa musili apakuti lukungu aluno luuzike, wakonkolokanga pali cilwala, apiwe.

Ezekelo 9:9

Leza nawe anjasuuka ati, “Aina Izlaeli na Ayuda yakwata umulandu, pano yene yaifya wakwe cimwi. Yakomola antu konsi pyu mu mpanga ii, nupya nu mu musumba kwene uu mwazula tupu uyi. Yene yakalukuti, ‘Leza wafumyako amano ku mpanga itu. Yawe asikulola foo.’