Yelemiya 2:31 - Amazwi Yakwe Leza 2013

³¹ Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 2:31 ပူးပေါင်းရင်းမြစ်များ

1 Yamwene 11:22

Lelo Falao amunena ati, “Uzye icani cino uulizya kuno kumwitu icingalenga kuti uswilile ku mpanga yakumwinu?” Hadadi nawe aasuka umwene ati, “Awe kusi cimwi. Lelo nzumilizya sile mpite!”

2 Milandu 31:10

Azaliya Simapepo Mukulu, uwamu luko lwakwe Zadoki, avwanga ati, “Ukutandika sile pano antu yatandikile ukuleta ivyamusangulo uku Ng'anda ikulu yakwe Yawe, tusiulizya ivyakulya nga kukasyala na vimwi penepo. Cino cayela vivyo, umulandu wakuti Yawe wapolelela antu yakwe.”

Yobo 21:14

“Antu aipe yene ali yano yakanena Leza yati, ‘Swemo ule utute swenga! Tutakasi kuti watupingula nanti ukutunena ivyakucita.

Masamu 10:4

Umuntu umwipe asisakamala pali Yawe. Pano mu mwenzo wakwe akati, “Leza asi cimwi?”

Masamu 12:4

Aputole yayo akavwanga yati, “Amaka itu yaya umu lulimi lwitu, utunwa twitu tulatutaasya. Uzye aweni angatutonsya?”

Mapinda 30:9

ukoopa ukuti ndi nikutisya, limwi ningakutalamila, nu kuvwanga inti, ‘Uzye Yawe aweni?’ Nupya ukoopa ukuti ndi ningaya umupina, ningatandika ukwiya icakuti nifye ni zina lyako, we Leza wane.

Ezaya 45:19

Insikulandila mu umfisolo foo, nanti ukufisa vino nkapanga ukucita. Nsilonda kuti amu mupanda wakwe Yakobo yandonda cilondelonde apasi cimwi. Ne Yawe nkalanda icumi, nkamanyisya antu ivilungame.”

Yelemiya 2:20

Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 2:25

Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Yelemiya 5:6

Ali cino na cisama ukufuma mu mpanga aliza ayakome, nu mumbulu uwamu lwanga uliza uyalepole mu tumpilinsya. Inangu nazyo zilateyamila apipi ni misumba yao kuti zisanyole wiyo wensi alalonda ukufuma. Pasi pano uyi wao watiupitilila, na ucisanguka wao nao pasi pakuvula.

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Oseya 13:6

Lelo lino mwingile umu mpanga ilya isuma, mutuliilwe cimwi nupya mwikwite, nga lyene muya ni cilumba munjilila.

Amosi 1:1

Yaa, amazwi yakwe Amosi, wenga uwamuli yakacema aku Tekoa. Leza wamupile icilolwa ca vintu ivyacitikile aina Izlaeli umu manda yakwe Uziya, umwene waku Yuda, nga nu mu manda yakwe Yeleboamu, umwana wakwe Yeoasyi, umwene waku Izlaeli, lino kwasile imyaka iili kuti icilundumusi ciyeko.

Mika 6:9

Icintu camano ukoopa izina lyakwe Yawe. Wene akulaizya ku ikazi amu Yelusalemu ati, “Uvwini kuno, mwe ikazi amu Yelusalemu mwensi.

1 Kolinto 4:8

Uzye mukweti vyonsi vino mukalonda? Uzye mwati muya akama? Uzye mwati muya yakateeka kwaula sweswe? Nanti swemo tusivivyo? Endi, vino nalondesya kuti muye yakateeka, pakuti naswe kwene tungaya yakateeka pamwi namwe.

Malango 31:20

Lino ndaingizya mu mpanga ii ivunde nupya iyauzombozi cuze, impanga ino nalavile nu mulapo ukuipela ku vikolwe vyao, na lino yalalya nu kwikuta nu kwina, yalasenukila kuli tuleza tuze nu kutupepa. Nemo yalankana nu konona upangano wane.

Malango 32:15

“Yesyuluni, antu yakwe Yawe yaya akama, lelo yene yamusangukila. Nu kwina iina cuze cakuti yataza sile. Yafutatila Leza Kaumba wao nu kukana katuula wao uwamaka.

Malango 32:18

Yilile Yawe Leza wao, katuula wao uwamaka, wino uwayapile umi.