Yelemiya 2:30 - Amazwi Yakwe Leza 2013

³⁰ Lino namuvunuka, ala naicuzya sile pano mutapokelile isunde. Impaanga zinu azino zyakomola yakasema yinu, kwati a yacisama aononyi.

Yelemiya 2:30 ပူးပေါင်းရင်းမြစ်များ

1 Yamwene 19:10

Eliya nawe ali pakwasuka ati, “We Yawe, Leza Wamaka yonsi, nemo nkamutumikila amanda yonsi nupya awewe sile mpo wino nkatumikila. Aina Izlaeli yonona upangano uno mwapangine nayo. Yene yatamola utuvuwa twako nu kukomola yakasema yako yonsi. Anene mutupu nemuno nasyala penepo. Alino nani kwene yakundunga akanyama kisi, yakulonda uku nkoma.”

1 Yamwene 19:14

Eliya nawe aasuka ati, “We Yawe, Leza Wamaka yonsi, nemo nkakutumikila amanda yonsi nupya awewe wenga mpo wino nkatumikila. Nga lelo aina Izlaeli yonona upangano wakwe wewe nayo. Yaongolola nu tuvuwa twako, yalunda penepo nu kukoma yakasema yako yonsi sile. Anene sile nasyala nenga. Nani kwene yakulonda kuti yankome.”

2 Milandu 24:21

Antu yalya yapanga kumukoma, nu mwene ayapeela ilamulo, nga nayo yamutama na mawe mu musolo wa Ng'anda ikulu yakwe Yawe mpaka afwa.

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

2 Milandu 36:16

Lelo yene yasulanga yakasema yayo nu kuyaseka. Lyene umukuya manda Yawe wasuka wasoka, icakuti lyene pasi pano yangafyukila.

Neemiya 9:26

Lelo antu yako yene yakusangukile yakana uku kuyela. Yafutatila na masunde yako. Yakomola na yakasema yao ayaceulanga, apakuti yangawezya amano kunuli. Yene yavwanzile amazwi ya miponto kunuli.

Ezaya 1:5

Uzye apacani cino mwala mwakomapo ukumusangukila? Uzye manye mukulonda sile kuti acizye penepo uku mufulula? Pano uku mitwe inu kuziile ivilonda vitupu. Imyenzo inu nayo yatoteka.

Ezaya 59:3

Pano amakasa inu yafitisya pamulandu nu wazi, ni minwe inu nayo yafitisya pamulandu nu ukakasi winu, utunwa twinu tukalanda vyaufi, ni ndimi zinu nazyo zikatotoza vyautalami.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Yelemiya 31:18

“Inuvwa, Efulemu wino akulila ulanda ati, ‘Wankalipila, nakalipilwa wa kana ka ng'ombe kacintuvwa. Sungala umbwezye, uleke mbwele, pano awewe kwene uli Yawe Leza wane.

Yelemiya 46:14

“Umini imbila ku Eguputo, nu ku Migido, mulaizye ku Memfisi nu ku Tapenesi. Muyanene yaiteyanye, pano ulupanga lumakomola monsi monsi luzinguluke.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 7:28

Caleka kayanene uti, ‘Luu luli luko luno lutayela Yawe Leza wao, luno lutazumile ukusundwa pa kuvunukwa kwakwelo. Cumi calowa, cisilandwa nanti ukulandwa.’”

Nyimbo zya ndosya 4:13

Lelo cacitike pamulandu wakuti yakasema yakwe yifizye na yasimapepo yakwe yali nu mulandu. Wakukoma antu akaele.

Ezekelo 22:24

“We mwana wa muntu, nena aina Izlaeli ukuti yaya wa mpanga muno imvula itatala yatonya, muno mumbo nanti atuswelelele tutatazile tuputilizye lino nayakwatile icipyu.

Ezekelo 24:13

We Yelusalemu, ala imisango yako ya ukulukusi yakukowezya. Nanti nemo ningezya uku kuzifya, awe cumi wemo ukasyala mumu kwene muno wakowela. Ulazifiziwa sile lino uluvwa apapela icipyu cane.

Danieli 9:13

Ndi vino calembwa mu Masunde yakwe Mose, uononesi uu onsi watuponela, lelo na ndakai kwene, we Mwene, tutezya ukukuzanzya apa kuzenzuka ku maifyo itu nu kusumbako amano ku cumi cako.

Zefaniya 3:2

Wemo usiyela umuntu nanti wenga, nupya usizumila ukusundwa. Usitaila muli Yawe, nanti ukupalama kuli Leza.

Mateo 23:29

“Kalanda kunomuli mwe yakasambilizya ya Masunde na Afaliseo! Mwe yasomvi mwe! Mwakuulila yakasema malindi nu kuyemvya vipilala vya pa malindi ya antu aololoke.

Milimo 7:52

Uzye kwali kasema umwi wino vikolwe vinu vitazunyizye? Awe! Vyakomile inkombe, izyasowile ukwiza kwa muomvi wakwe mololoke wiya. Ndakai mwamukoopela ku anisi yakwe yamukoma.

1 Tesalonika 2:15

Ayuda ayano yakomile Umwene Yesu na yakasema, nga nu kutuzunya. Leza asyazangila muli vino yakacita, nga antu kwene yaa yapusana na auze onsi!

Umbwilo 16:9

Antu yapya ni cikaililwa cikali cuze, nga yavwanga mazwi ya miponto kuli Leza wino uwakwata maka pa vilumbelo vii. Lelo yatazenzwike ku maifyo yao kuti yalumbanye Leza.