Yelemiya 2:25 - Amazwi Yakwe Leza 2013

²⁵ Izlaeli, ala wemo tekela pano limwi ungazana ukuti ulwazo lwako ulucisike nanti umukolomilo wako uumalale umukulondelela tuleza utwenyi. Lelo kwene wemo watile, ‘Usi mulandu, nintemwa tuleza kwene tuu, atuno namalondelelanga.’ ”

Yelemiya 2:25 ပူးပေါင်းရင်းမြစ်များ

2 Milandu 28:22

Umu nsita ya ntazi zyakwe, umwene Aazi alunduluka sile ukuntaya uwacumi kuli Yawe.

2 Milandu 28:23

Apela impolelwa kuli tuleza twaku Damasiko, utwamucimvizye. Pasi pano wene welenginye ati, “Pamulandu wakuti tuleza twa ene aku Alamu twatituyazwa, nani namapeela impolelwa kunotuli apakuti tungazwe.” Lelo tuleza tuto utwamuletelile wononesi, ituletelela na ina Izlaeli yonsi.

Ezaya 2:6

Umu cumi, watutazyela antu yako, amu mupanda wakwe Yakobo. Mu mpanga mwatimuzula yasin'ganga yaufi, ukufuma uku ufumondaka, uku mpanga ya ina Filisti. Antu lyene yambukilwa ni misango ya inamasi.

Ezaya 57:10

Nanti angala mukatonta uli apakulondelezya utuluwi, mutange mutale mutonte foo. Mwemo mukalola ukuti utuluwi kwene tuto, tuleza twinu utwipisye tulamupeela amaka, nupya aici nu ukasu kwene mutakwata.

Yelemiya 13:21

Uzye lyene mulalanda uli lino antu kwene yayo yalamufutuka yatandike nu kumuteeka, antu yano mwelenganyanga ukuti ali yacuza inu? Kwene cilamuwaya vivi kwene vino umwanaci akauvwa apakulela.

Yelemiya 13:22

Lino mulaayuzya mweisikulu muti, “Uzye pacani cino icintu cii catuponela?” Ala apamulandu wa maifyo inu aingi ali cino yalepolela insalu apa kumuzula nu kumulema apa maka?

Yelemiya 14:10

Yawe nawe aasuka ati, “Antu yane yatemwisya ku lulumba, yene yasikaanya yakampingu yao. Ali cino ne Yawe nakana ukuyazengela. Nkaiusya ivinzulunzulu vyao, nga ndayavunuka apa kwifya kwao.”

Yelemiya 18:12

Lelo yene yalaasuka yati, ‘Ala ukuicuzya sile! Tumatwalilila ukucita vino tukulonda. Cila wenga uwa munotuli amatwalilila nu kutalama kwa mwenzo wakwe.’ ”

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 22:20

Yangini ku Lebanoni mwe ina Yelusalemu mwe, akuno mukapunde, yangini ku mpanga ya Basyani. Yangini mukalaizye ukufuma mu myamba yaku Moabu, pamulandu wakuti yonsi yano mwalemana nayo yatiyacimviwa.

Yelemiya 22:21

Ne Yawe navwanzile namwe lino mucili nu longo, lelo mwakanyile ukuvwa. Avino mwacitanga ukufuma sile nu kukatalili, mwakananga ukuvwa amazwi yane.

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 44:17

Swemo tumatwalilila ukucita vino twalaya. Tumaocelanga namwene wa mwiyulu ubani. Tumamupongolwelelanga na mawila ya vyakumwa. Vivi kwene sile vino twacitanga sweisikulu, ivikolwe vitu, yamwene itu, intunguluzi zitu, ndi vino antu yacitanga mu misumba yamu Yuda nu mu miseo yamu Yelusalemu. Pano lilyo lyene twakwatanga vyakulya ivivule, twayanga nu longo nupya ni syamo litatuponelanga, awe.

Nyimbo zya ndosya 1:2

Yano yasiile mwenemo yakulosya uwaca nu wila. Aminsozi yakulukuta sile umu vipa nu kutemukila pa matama yao. Apa antu yonsi yano ayatemilwe, pasi nanti wenga wiyo wakuyamyalalika. Yacuza yao yatiyayasangukila yonsi pyu. Lyene ayayo iyaya anisi yao.

Nyimbo zya ndosya 4:4

Yene yakaleka ana yao yafwa ni nzala nu lusala. Utwana tukulenga vyakulya vyakuti tungalya, lelo pasi uwakutupeela nanti cimwi.

Ezekelo 20:32

Mwemo mwapanga mpiti mu myenzo inu ukuya wa antu ya mitundu yuze, mwemo mwapanga ukuya wa antu yauze aikala mu mpanga zyuze, akapepa vimuti, amawe, lelo kuno muli citalatala ciye vivyo foo.”

Oseya 2:3

Ndi cakuti atacisile cico, ale lyene ndamuzula, pakuti aikale tupu ndi vino wali lino wavilwe. Ndaleka aye wa lwanga, nupya alaya wa musili uumalale, nga ndamukoma ku lusala.

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Malaki 3:14

Mwalanda mwati, ‘Icasilesile ukutumikila Leza. Uzye ivyani vino twatumbula pa kucita vino wene akalonda nanti apa kwezya ukulanga Yawe Wamaka yonsi ukuti tuli nu ulanda pa viipe vino twacita?’

Luka 15:22

Lelo isi aama aomvi yakwe ati, ‘Pitisyini, letini zuwa umwingila usuma kuluta pali yonsi mumuzwike. Mumuzwike ni mbalaminwe ku munwe ni ndyatu ku ngazo zyakwe.

Luka 16:24

Lyene alaizya ati, ‘Tata Abulaamu, uye na mizu panondi, untumile Lazalo atimpike insongo ya munwe wakwe mu manzi kuti aiize azusye ululimi lwane. Pano nkucula cuze mu moto uu.’

Loma 8:24

Pano twatuulwa mu upaalilo. Lelo ndi tukulola cino tukupaalila, ale lyene usi upaalilo. Uzye pali umuntu angapaalila cino akulola?

Malango 28:48

Ali cino fwandi lyene mwailetelela, mumaombelanga anisi yano Yawe amatumanga ku kwiza muzanza. Mulauvwa inzala, nu lusala, nga mulapita tupu, nu kuulilwa muli vyonsi. Anisi inu yalamuzunya icikakate mpaka mukononwe.

Malango 32:16

Ukupepa kwao ukwa tuluwi ukwalesile ukuti Yawe asuke akwate uzuwa. Ni vicitwa vyao ivyankota vyalenzile kuti asoke.