Yelemiya 2:24 - Amazwi Yakwe Leza 2013

²⁴ Icili conga sile na punda wa kaci wino akutandala mu lwanga, umu kuzumba impuno ukuli uwa kalume. Lino watapamviwa kusi wino angamutonsya, amulesye. Uwa kalume wensi wino akumulonda wene atange acule foo.

Yelemiya 2:24 ပူးပေါင်းရင်းမြစ်များ

Yobo 11:12

Ndi cakuti colwa angavyala umwana umufumaluke, ale lyene tungati ni ciwelewele kwene cingakwata amano yampomvu.

Yobo 39:2

Uzye wemo ukapenda imyezi ino inyama zikakwatilapo iyele, nanti insita ino zikatuulila penepo?

Yelemiya 14:6

Yapunda ya mpanga nayo yaimi apa twamba ala yakwasela sile wakwe yankusa. Yene yatiyafonka nu mu manso pamulandu wakuulilwa vyakulya.”

Yelemiya 2:27

Yano yakanena icimuti iyati, ‘Wewe tata,’ iyanena ni ciliwe iyati, ‘Wewe mayo.’ Apamulandu wakuti yamfutatila, yasilonda nu kundolekesya. Alino lyene umu nsita ya ntazi yene yakampunda iyati, ‘Katuka ututuule!’

Ezekelo 16:33

Cizelele wensi akalipilwa pali ucizelele wakwe. Lelo wemo, awewe ukapeela uwila uku onsi yano akulanzya. Nupya wemo, awewe kwene ukayapa amafukakanwa pakuti yafume umu mpanga zyao nu kwiza umukulongozya nawe.

Oseya 5:15

“Alino lyene ndaswilila ku cifulo cane, mpaka lino antu yane yalazumila ukuti yali nu mulandu, nu kutandika ukundondandonda. Mu ucuzi wao yalezya ukundonda ni myenzo yao yonsi kuti yanzane.”

Oseya 8:9

Pano yene yutukila uku Asilya ungati imfwalasi zyamu mpanga izikululumba zyonga. Aluko lwakwe Efulemu yalipila antu amu nko zyuze kuti yayazwilizya.