Yelemiya 2:22 - Amazwi Yakwe Leza 2013

²² Nanti ungafulala uli na sopo umununkile, ukulutila kwa uyi wako mpaka kuloleke kunondi.

Yelemiya 2:22 ပူးပေါင်းရင်းမြစ်များ

2 Samueli 11:12

Alino Davidi amunena ati, “Fwandi ulinde kuno uwanda nauze onga, nga mutondo indakutuma uswilile.” Acino Uliya walinzile mu Yelusalemu uwanda ulya nu wanda uwalondelilepo.

Yobo 14:17

Alino lyene ulanjelela kuli vyonsi vino nakwifizye. Alino nu kuvisula ulavisula vyonsi pyu vino naluvinye.

Masamu 130:3

We Yawe, ndi cakuti wasunzile ivyalembwa apa maifyo itu, we Mwene uzye lyene aweni angapusuka?

Masamu 90:8

Inkota zitu zyaya apa lwalala kunuli, na maifyo itu amu umfisolo nayo kwene ukayaleta apaswe.

Yelemiya 16:17

Amanso yane yakaceceta vyonsi vino yakacita. Kusi nanti conga cino cafisama kunondi. Amaifyo yao yatange yutuke ku mulola wane.

Yelemiya 17:1

Yawe Leza akuti, “Mwe antu amu Yuda, ala iifyo linu lyalembwa ku cilembelo ca cela. Lyene lyakololwa ku nsongo yi we lyakwe daimondi apa myenzo inu na pa mpembe zya tuvuwa twinu.

Yelemiya 4:14

“We Yelusalemu, si wange ufulale uyi wa mwenzo wako pakuti lyene upusuke. Uzye umatwalilila ukwelenganya iviipe ukufika lilaci?

Ezekelo 24:6

Vii ivyalanda Yawe Simwandalali, “Kalanda ku musumba wa vipondo! Umusumba uli wa mupika wa ngalawa uno utalatala ukuzwe. Yakungula inyama zyonsi, ukwaula ukusyamo nanti yonga.

Oseya 13:12

Iifyo nu mulandu wa ina Izlaeli vyalembwa mu lupapulo, nga ulupapulo lulo lwasungwa ningo.

Amosi 8:7

Yawe, Leza wa ina Izlaeli, watalapa ati, “Endi, Nemo ntalatala nilile ivicitwa vyao iviipe.

Malango 32:34

“Yawe akaiusya vino anisi yao yacita, nu kuvisunga mukulolela insita isuma iya kuyavunuka.