Yelemiya 2:20 - Amazwi Yakwe Leza 2013

²⁰ Yawe wavwanga wati, “We Izlaeli, ampiti sana lino wakanyile amaka yane, wakana nu kunjela nu kumpepa. Alino lyene apa mwamba uli onsi utumpuke, nu mwisika lya muti uli onsi ulembe, walambalalanga mwenemo nu kupepa kaleza ki kwata.

Yelemiya 2:20 ပူးပေါင်းရင်းမြစ်များ

1 Yamwene 12:32

Alino Yeloboamu wateinye uzevyo pa wanda uwalenga ikumi na yasano mu mwezi wakwe cinani, ukulingana nu wanda uno yateinye ku Yuda, nga apeela ni mpolelwa pa kavuwa. Wacisile ivintu vii ku Betele, ala akupeela impolelwa ku twana twa ng'ombe utuluwi twakwe zaabu tuno wapanzile. Nupya ku Betele kuko aikako na yasimapepo akutumikila pa ncende zino yakapepela mwenemo zino wakuula.

1 Yamwene 14:23

Yene yaikuulile utuvuwa, ni vipilala vyamuzilo nga nu unkolanya wakwe Asyela pa ncende zyonsi zino yakapepela mwenemo nu mwisika ya visao vya miti.

Masamu 107:14

Nga nawe wayakulwile uku ucuzi wao. Wayafumizye umu mfinzi nu mu cinzingwa ca mfwa. Nupya waputwile ni minyololo yao.

Masamu 2:3

Yavwanga yati, “Katuituule sweisikulu ku maka yao autesi, tusumbe na makonkoli yao.”

Masamu 78:58

Yamusonsombanga umu vifulo vyao ivyapapela ivyaku pepelapo, yamufisya nu ku mwenzo uku tuluwi twao.

Kufuma 19:8

Lyene antu yonsi yaasuka capamwi yati, “Endi, tumacitanga vyonsi vino Yawe watavwanga.”

Kufuma 24:3

Mose apita, aya anena antu amazwi na malamulo yonsi yano Yawe wamunenyile. Lyene antu yonsi yaasuka yati, “Endi, tumacita vyonsi vino Yawe watavwanga.”

Kufuma 3:8

Caleka natiniza kuti njatuule ukufuma mu makasa ya ina Eguputo nu kuyafumya mu mpanga ilya, nga njatwale ku mpanga ino ili ni ncende ikulu nupya ivunde cuze. Mpanga ilya ya ina Kenani, aina Hiti, aina Amoli, aina Pelizi, aina Hivi, na ina Yebusi.

Ezaya 1:21

Iye mwe vino umusumba wacumi watiusanguka wakwe cizelele! Zioni umusumba umwazile uwololoke, ali muno lyene mwatimuzula yacikoma.

Ezaya 10:27

Umu wanda ulya ndakukulula ku mutitikizya wa ina Asilya, nga ni vikonkoli vyao vilata ukukuvuna insingo.”

Ezaya 14:25

Ndonona aina Asilya umu mpanga yane ya Izlaeli, nu kuyalyatola apa myamba yane. Indakulula antu yane ukwi koli lya ina Asilya, nu ku visendo vino yayatwika apa viye.

Ezaya 9:4

Pano lyene watuputula umunyololo wao uwayacuzyanga. Watuvunola nu mukota uno wayanyambilanga apa viye. Watucimvya ndi vino wacimvizye aina Midyani.

Yelemiya 13:27

Wene wailolela kuno mukucita ivintu vino wapata. Umu myamba nu mu vyalo ali muno mukalondelela utuluwi, tuleza twa inamasi, ndi vino umonsi akacita wino akukumbwa umuci wa muze, ndi vino mfwalasi yakalume ikacita apakukokomela iya kaci. Kalanda kuno muli mwe ina Yelusalemu! Uzye alilaci lino mulakondolwa?

Yelemiya 17:2

Antu inu yakapepa pa tuvuwa na pa maunkolanya yano yakuulila kaleza kanaci ka Asyela, umwisika lyakwe cila cimuti icilembe, apa twamba papela,

Yelemiya 2:31

Mwe luko lwipe mwe! Si mwange muvwe izwi lyakwe Yawe. Uzye kwene nemo indi wa matololo kuno muli, nanti indi wa mpanga ifite umwakoopa? Icani fwandi cino we mutundu wane wewe ukalanda ukuti mungaya kuno muitemilwe nu kukana weluluka kunondi?

Yelemiya 3:13

Cikulu sile umanye uyi uno wacita, apakusangukila Yawe Leza wako, apakucina umwisika lya vimuti ivivumbilikizye, alino na pakukana uvwa izwi lyane.’” Ivyalanda ne Yawe.

Yelemiya 30:8

“Mu wanda ulya, ali vino ne Yawe Wamaka yonsi navwanga, ndakontola ikoli apa nsingo zyao, ndatankola ni minyololo yao, yatalatala nupya yaye azya ku enyi.

Yelemiya 5:5

Acino namaya ku ntunguluzi kuti nkazilandile. Cumi kwene zyene zimanyile inzila zyakwe Yawe, na vino wene akalonda kuti zyacita.’ ”

Ezekelo 16:28

Wemo walongozyanga na ina Asilya, nu kutonta foo. Pano wapunukisye, utatazile uti cafula.

Ezekelo 16:31

Umu miseo monsi, wemo wapanga mwenemo utuvuwa umwa kupepelamo utuluwi, napa masansa ali yonsi. Ukuya kwene usi wa mwanaci cizelele wiyo akalonda ukulipilwa impiya.

Ezekelo 16:41

Yaloca amang'anda yako nu kukupezya apa manso yi umba lyakwe yamangu. Ala mwine, ali lino ndaputula umunyanya wakwe ucizelele wako. Utalatala nupya ukalipile yacizelele yako aonsi.

Ezekelo 20:28

Nemo nayatwazile mu mpanga ino nayalavile kuyapela. Lelo lino yaweni mwenemo utwamba tonsi ututumpuke, ni miti yonsi ilembe, awe nupya kwene yatandika ukupeela impolelwa zyao. Yaleka nu kuti insoke pamulandu ni mpolelwa zino yocelangapo, na pamulandu wa mawila yauze ya vyakulya vino yatwalanga penepo.

Ezekelo 23:5

Lelo Oola, nanti wali uwane, wene wacitanga uzelele nalino acili uwane. Watemwanga yacuza yakwe, ivita vya ina Asilya yano yapalamine nawe.

Oseya 1:2

Lino Yawe watandike ukuvwangila muli Oseya, wene wamunenyile ati, “Pita uye ukasake umwanaci cizelele nga akuvyalile ana yano yatalaya acumi. Pano antu amu mpanga ii yamfutatila nupya yasi acumi.”

Oseya 2:5

Nyina nawe acizelele asi na nsonyi. Wene wayaviile mu kucita vyansonyi. Wavwanzile ati, ‘Ndalondelela akambwe yane yayo akampeela icakulya na manzi, na pamba, ni nsalu itelepelele, na mafuta ya miolivi nga na waini.’ ”

Oseya 3:3

Lyene namunenyile inti, “Ulinzile ukundolela apa manda avule, ukwaula ukuya cizelele nanti ukucita ulenzyo, nga nani ndikala nawe.”

Oseya 4:13

Yene yakapelela impolelwa zyao apa myamba papela, nu kufutumula ubani apa tulundu, umwisika ya miti imioko, imyovu nga ni miti iyaanza imisambo, mumo muno icisao caiko icisuma. “Caleka ana inu anaci yakucita uzelele na yanyokovyala yakucita ulenzyo.

Oseya 9:1

Mwe ina Izlaeli mutazanga! Mutazevya ni nsansa ungati izya antu ya mitundu yuze. Mwemo mwasya Leza winu wa mwanaci akalongozya. Mwemo mwaikazya kuli Baali wakwe yacizelele, kuti mukapelwe imbezu zipule izingi.

Aina Levi 26:13

Nene indi Yawe Leza winu wino wamufumizye mu mpanga ya Eguputo, pakuti nupya mutaya azya. Nalenzile kuti muzule ikoli lino mwazwite nu kuleka kuti mwapita mutongomwile insingo.”

Naumi 1:13

Ndakai namalenga aina Asilya yataya na maka pano muli, nu kuputola iminyololo ino mwanyepelwako.”

Malango 12:2

Muce monone incende zyonsi pyu, zino imitundu ino mwazana mwenemo ikapepelapo tuleza twao. Incende zyonsi izya pa myamba apapeela, izya pa twamba kumwi ni zya mwisika ya vimiti vya matesi ali yonsi.

Malango 15:15

Mwaiusya ukuti mwemo mwali azya mu mpanga ya Eguputo nga Yawe Leza winu wamukulwile nga imuya antungwa. Uli mulandu uno ndakai nkumupeela ilamulo lii.

Malango 26:17

Ilelo mwatimuizumilila mweisikulu ukuti Yawe ali Leza winu. Mwatimulaya ukuti mumamuyelanga, nu kusunga amasunde yakwe yonsi nu kucita vyonsi vino wamupeela ilamulo kuti mucite.

Malango 4:20

Lelo mwemo, Yawe wamutozile amufumya mu mpanga ya Eguputo, muno mwali kwati umwi lungu lya moto. Aliwe wamufumizye pakuti mungaya antu yakwe kololo, wakwe vino muli apilelo.

Malango 4:34

Uzye kwatala kwaya kaleza kamwi kano katala kezya ukufumya antu mu luko luze nu kuyacita antu yakako kololo, wakwe vino Yawe Leza winu wacitile mwemwe ku mpanga ya Eguputo? Mwailolile na manso inu ntontonto vino wene waomvizye amaka yakwe akulu nu ulamba. Wene waponyizye impungo ni nkondo, wacisile ivinjelengwe ni vizungusyo, nu kuleka kuti ivintu ivyakoofya vicitike.

Malango 5:27

Wewe kwene Mose, swilila ukauvwa vyonsi vino Yawe Leza witu akulanda. Alino lyene wize utunene vyonsi vino amakunena. Naswe twiza kuvwa nu kuyela.’

Yoswa 1:16

Lyene iyanena Yoswa yati, “Swemo tulacita vyonsi vino watupeela ilamulo kuti twacita, nupya na konsi kuno ulatutuma tulaya.

Yoswa 24:24

Lyene antu iyanena Yoswa yati, “Swemo tumatumikilanga Yawe Leza witu nu kumuyela.”

Yoswa 24:26

Nga Yoswa alemba ivintu vii mu Lupapulo lwa Masunde lwakwe Leza. Lyene atoola iwe ilikulu, nga alimika papa kwene umwisika ya muti umu oki, uwali lwa mu Ncende Yamuzilo yakwe Yawe.

Umbwilo 17:1

Nupya mungeli wenga pa angeli cinimbali yano akweti ngeso cinimbali aiiza kunondi ati, “Iza kuno, nga nani namakulanga kuvunukwa kwakwe cizelele wino wamanyikwa cuze. Wene uli musumba uno uwakulwa pipi ni nguzi zingi.

Yakapingula 10:6

Nupya kwene aina Izlaeli yiifya kuli Yawe pa kupepa maunkolanya yakwe Baali na yakwe Asyitaloti, nga na tuleza tuze twa ina Alamu, nu twa ina Sidoni, nu twa ina Moabu, nu twa ina Amoni, nu twa ina Filisti.

Yakapingula 2:11

Lyene aina Izlaeli iyacita inkota pa manso yakwe Yawe nu kutumikila tuleza tu Baali.

Yakapingula 2:13

Yene iyatazyela Yawe nu kutumikila maunkolanya yakwe Baali na yakwe Asyitaloti.

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’