Yelemiya 2:13 - Amazwi Yakwe Leza 2013

¹³ Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Yelemiya 2:13 ပူးပေါင်းရင်းမြစ်များ

2 Yamwene 22:17

Nemo yansangukila nupya yakupeela ni mpolelwa ku tuluwi. Akuli kuti yene yansosya umwenzo apa vicitwa vyao iviipe. Nasokela aikazi amu Yelusalemu, nupya ntalatala mbwezye umwenzo.

Masamu 36:9

Umucumi intendekelo ya umi yaya kunuli, tukalola nu luswepo ndi cakuti watukozezya.

Kasambilizya 1:14

Nemo pano nalola ivintu ivyacitwa mu nsi ii, nga nkumunena ukuti ala cii icasilesile. Cili wakuzinganya umuza.

Kasambilizya 1:2

Kasambilizya walanda wati, “Vyonsi vitakwata muzano, mutaya muzano. Umi mutaya muzano, vyonsi sile mutaya muzano.”

Kasambilizya 12:8

Icasilesile, icasilesile, ivyavwanzile kasambilizya. Ala cii icasilesile.

Kasambilizya 2:11

Lyene natandike kwelenganya pali vyonsi vino naomvile, alino nu kukailwa iyevu kuno nakailwe lino nkuomba ivintu vii, alino niiluka nga nzana ukuti vyonsi ivyasilesile. Cali kwati ukuzinganya umuza muno mutaya umuzano foo.

Kasambilizya 2:21

Umuntu uombela icintu na mano yako yonsi, na ucinda wako onsi, alino pacisila uwiza usiila umuntu muze wino ataciombile. Cii icauwelewele, nupya cisi cisuma foo!

Kasambilizya 2:26

Leza akapeela amano, ukumanya nga ni nsansa ku antu akamuzanzya. Lelo akalenga kuti yakaifya yaombe nu kulonka icuma pakuti yangapeela icuma cao ku antu akazanzya Leza. Ala cii icasilesile. Cili wa kuzinganya umuza.

Kasambilizya 4:4

Nupya nasambilila nacuze icikalenga ukuti antu yaombesya, apamulandu wakuti yene yakakumbwa ivintu vino ainipamba yao yakwata. Lelo cii naco kwene icasilesile. Cili wa kuzinganya umuza.

Ezaya 1:3

Ing'ombe zyamanya uwaziteeka, ni mfwalasi zyamanya umulangu muno umutesi waziko akazilisizya. Lelo aina Izlaeli yene yatamanya, antu yane yasitezya nanti kamwi awe.”

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Ezaya 12:3

Ndi vino amanzi azuke yakaleta insansa kuli wino ali nu lusala, ali vino antu yakwe Leza yakazanga nga wene wayatuula.

Ezaya 5:13

Uli mulandu kwene uno mwasya musendwe uku uzya. Intunguluzi zinu zilafwa uku vipowe, na antu yauze yalafwa uku nzala.

Ezaya 55:2

Icani cino mungasumbila impiya pali vino visi vilyo, na malipilo inu pa vintu vino visiikusya? Munguvwe, muntezye, nga muce mukakwate ivyakulya visuma nu kuipakizya vyakulya vilyompe.

Ezaya 63:8

Nawe Yawe ali pakuvwanga ati, “Cumi cumi yaa ali antu yakwe nene, ali ana yane yano yatalatala yansangukile foo.” Fwandi ali cino nawe wayapususya kweneko,

Yelemiya 1:16

Ndakalipila antu yane nu kuyapingwila uyi uyi apa kwifya kwao. Yene yatiyansangukila, yakocela tuleza tuze ubani nu kupepa ivicitwa vya minwe yao.

Yelemiya 14:3

Akama yakutuma aomvi yao ku kuyatapila amanzi, nayo akula yaya ku vifula, yazana mu vifula musi amanzi. Lyene nayo ali pakuweluluka kweneko ni nsembo umwaula amanzi. Cintu cii iciyatovola nu kuyavulunganya, cakuti yavimba insalu apa manso.

Yelemiya 15:6

Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 17:13

Mwene, wewe uli upalilo wa ina Izlaeli. Yonsi yano yakutazyela yalazewana, na yano yakusangukila yalatenulwa muno nsi, pamulandu wakuti yatayela Yawe intulo ya manzi ya umi.

Yelemiya 18:14

Uzye kungwi umutikame watala ata kuloleka apa ntonje ya myamba ya Lebanoni? Uzye utunguzi twa manzi azuke twata ukukonkoloka kweneko?

Yelemiya 19:4

Ndacita cico pamulandu wakuti antu yane yantazyela nu kukowezya incende ii pakupeela penepo impolelwa kuli tuleza tuze tuto tuno yene nanti vikolwe vyao nanti yamwene amu Yuda yatamanyilepo nanti cimwi. Yene yazuzya uwazi wa antu akaele umu ncende ii.

Yelemiya 2:11

Uzye kwatala kwaloleka umutundu uno ukakauzya tuleza twakweo utuluwi, nanti angala tusi utwampomvu?

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 2:26

Yawe wavwanga wati, “Vino umwivi akauvwa insonyi, ali vino ang'anda yakwe Izlaeli yalalemwa ni nsonyi. Ukutandikila sile kuli alio kwene, yamwene yao, inkombe zyao, yasimapepo yao kumwi na yakasema yao.

Yelemiya 4:22

Pano kwene antu yane yatumpa, nupya yatamanya, awe. Yene yakolana na ana aula amano. Yene yatamanyile nanti cimwi. Yacenjela sile umu kucita iviipe. Yakaposiwa ukucita ivisuma.”

Yelemiya 5:26

Umu antu yane mwaya antu aipe yano yakateyamila wakwe yakateya ya vyunyi. Yene yakateya inkose, lelo antu ayano yakalemya.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Ezekelo 14:5

Ndacita cii pakuti imbwezye imyenzo ya ina Izlaeli, yayo yonsi yano yamfutatila nu kulondela utuluwi twao.’

Ezekelo 47:1

Nupya umuntu wilya ambwezya ne Ezekelo ku mulyango wa Ng'anda ikulu yakwe Leza, papo apafumanga amanzi pa mulyango wa ng'anda yi pepo, nu kukonkolokela lwa ku ufumondaka kuno Ng'anda ikulu yakwe Leza yalozizye mulyango. Amanzi yakonkolokelanga mu Ng'anda ikulu yakwe Leza mwisika, ku kayeya ki lunji lya kavuwa.

Mika 2:8

Yawe akuti, “Lelo mwemo mukakatukila antu yane wa mwanisi. Antu yakufuma ku nkondo, ala yakwelenganya ukuti kumwao kuli umutende. Lelo mwemo mukayafisamila, imwelenganya ukuyapoka imingila yao ino yazwite.

Mika 6:3

Yawe akuti, “Mwe antu yane, uzye icani cino namucita? Uzye namusakamika uli? Njasukini!

Zakaliya 13:1

Yawe Wamaka yonsi wavwanga wati, “Lino insita iya ilafika, intulo yonga ilapongwela amanzi, yano ana yakwe Davidi na ina Yelusalemu yalafulala ku ukowezi wao.

Yoane 4:10

Yesu nawe amwaasuka ati, “Ndi wamanyile uwila wakwe Leza, na wino akukulenga manzi ya kumwa, nawe wange umulenge, nga wene wange akupeele manzi akapeela umi.”

Yoane 4:11

Umwanaci ati, “Musambazi nga vino wemo utakweti cakusembela, nga ni cifula naco icizike, uzye lyene manzi kwene yayo akapeela umi umayafumya kwi?

Yoane 4:14

Wino wensi alamwa manzi yano nemo ndamupeela wene ataluvwa lusala nupya. Manzi yano ndamupeela yene yalaya wa kafukoka ka manzi munoli, yano akapeela umi wape.”

Yoane 7:37

Pa wanda wa kumalila kuzevya kwa cimulo nupya uli wanda ukulu, Yesu aimilila, asanzika izwi ati, “Wino wensi ali nu lusala alinzile kwiza kunondi kuti amwe manzi!

Malango 31:16

Yawe anena Mose ati, “Wasya ufwe nupya ndi wafwa antu yaa yalansangukila nu kutandika ukupepa tuleza twamu mpanga ino yasya yingile mwenemo.

2 Petulo 2:17

Antu yaa yakoline wa tufukoka twaula manzi, nanti wa makumbi akaululwa ni cipupu. Leza wayasungila ncende mu mfinzi ikulu cuze.

Umbwilo 21:6

Lyene avwanga ati, “Cati cicitwa! Nene Alufa na Omega, kuli kuti uwakutandika nu wakusyalikizya. Wensi ali nu lusala ndamupeela nsambu ya kumwa uwila mu kafukoka ka manzi yano akapeela umi.

Umbwilo 22:1

5Lyene mungeli andanga luzi lwa manzi yano akapeela umi, luyengese wakwe Kulustele, luno lwafuma mu cilimba ca wene cakwe Leza nupya ca Mwana wa Mfwele.

Umbwilo 22:17

Mupasi Wamuzilo pamwi na Nawinga yakuti, “Iza!” Na wino wensi akuuvwa vii alinzile alande ati, “Iza!” Wino wensi ali nu lusala, aiize. Wino wensi akulonda manzi yano yakapela umi, yene yamapelwa kunoli uwila.

Yakapingula 10:13

Lelo mwemo mwamfutatila nu kutumikila tuleza tuze. Acino nani ntalatala imutuule nupya.

1 Samueli 12:10

Lyene iyalilila kuli Yawe kuti ayazwe, iyati, ‘Twatitwifya pa kukufutatila we Yawe nu kutumikila maunkolanya yakwe Baali na yakwe Asyitaloti. Lelo ndakai tutuule ku anisi itu, nga naswe tumakupepa!’