Yelemiya 17:6 - Amazwi Yakwe Leza 2013

⁶ Wene wakolana sile ni cipupa camu lwanga, atangalola ulongo lino lukwiza. Wene alikala umu ncende iyumalale, umu ncende ya cicelecele isiikalwamo. Kusi nanti cimwi cisuma icikatala cimucitikila.

Yelemiya 17:6 ပူးပေါင်းရင်းမြစ်များ

2 Yamwene 7:2

Lyene inkombe iyasukilile umwene inena kasema wilya iti, “Cico citange citale cicitike nanti panono, nanti sile Yawe umwisikulu angatuponyezya imvula.” Lelo Elisya aasuka ati, “Wemo ulailolela na manso yako kuno icintu cii cikucitika, lelo utalalya nanti kamwi apa cakulya cico!”

Yobo 20:17

Ala calala casila. Atange nupya aye na maka akulola inguzi izikapongoloka amafuta. Nanti wa tunguzi utukakonkolola iziya nu uci.

Yobo 39:6

Nene, ne Leza, anene naleka ukuti aikala umu lwanga, nu kumupeela impanga yavisyolwe kuti iye iyakwe.

Masamu 1:4

Lelo yakacita ya viipe asi vino yaya awe. Yene yakoline na cungu wino akaululwa nu muza.

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 92:7

icakuti antu aipe nanti yangavula uli wi sote, ni ntalanganyi nazyo nanti zingasyuka uli, awe yene yonsi yalalowelela pyu.

Ezaya 1:30

Mulaumila wa miti ino ikunyaluluka, nanti wa vyalo vino vyata ukutapililwa amanzi.

Yelemiya 29:32

Fwandi lyene namafulula Syemaya umwina Neelamu kumwi na akazi kakwe. Apa antu yakwe Aonsi patalasyala nanti wenga mu mutundu uu, wino alikala umupuma nu kulola isyuko lino ndapeela ku mutundu wane. Pasi pano wene wasambilizya antu vya kutalamila Yawe.’” Ivyalanda Yawe.

Yelemiya 48:6

Simulini mwe, mupususye umi winu umu kukolanya coolwa.

Ezekelo 47:11

Lelo amanzi yamu nyika nu muvilambe yatalaya amanzi asuma. Yalasyala amanzi amusilya.

Zefaniya 2:9

Caleka ne Yawe Wamaka yonsi nkulapa ukuti, ‘Nene ne Leza waumi, uwa ina Izlaeli, nkuti cumi kwene aina Moabu yalononwa wa antu aku Sodoma, aina Amoni yalononwa wa antu aku Gomola. Ncende ilya ilaya wa musonso wa vikona nupya wa viwina vya musilya. Antu yane asyala yalazanza incende iyo. Yayo apusuka amu luko lwane yalapoka impanga yao.’ ”

Malango 29:23

Umu vyalo vinu mutalamela akantu nanti kamwi. Mulaya sile amawe kwati a yamunyela amu malungu. Nupya mulaya umusili uwa cicelecele muno mutangakomelwa nanti cimwi, nanti sile ivikona vitangamela mwenemo. Fwandi impanga inu ilaya wa misumba ya Sodoma na Gomola, Adima na Zeboimu, ino Yawe wononyile lino wasosile icisoke conga.

Yakapingula 9:45

Uwanda ulya onsi ulwi iutwalilila. Abimeleki apokolola umusumba ulya, akoma aikazi ya mwenemo, autamola nu kukanya umusilya mwenemo.