Yelemiya 15:7 - Amazwi Yakwe Leza 2013

⁷ Ndayulula nu mutumpulo apa mpongolo zya misumba ya mpanga ii. Nimpoka mwe antu yane ana nu kumulovya, pamulandu wakuti mutatiile imisango inu iipe.

Yelemiya 15:7 ပူးပေါင်းရင်းမြစ်များ

Masamu 1:4

Lelo yakacita ya viipe asi vino yaya awe. Yene yakoline na cungu wino akaululwa nu muza.

Ezaya 41:16

Mulaavwintila imyamba umupela nu muza nao ulaisenda. Icipunga naco cilaisalanganya. Lelo mwemo mulaasansamuka pano nene indi Leza winu. Mulandumbanya ne Leza Wamuzilo wakwe Izlaeli.

Ezaya 9:12

Aina Alamu yayelile lwaku ufumondaka. Aina Filisti nayo yayelile lwaku uwondaka, ala yatiyacenzela calimwi apa kuciola aina Izlaeli. Icipyu cakwe Yawe cicili, pano acili azunzwile ikasa lyakwe apakuyazangola.

Ezaya 9:13

Aina Izlaeli yatacili yazenzuke, yatacili yaweluluke kuli Yawe Wamaka yonsi, nanti angala wene watazile ayapezya.

Yelemiya 18:21

Caleka we Yawe, sungala uleke ana yao yafwe ku cipowe, kayafwe nu ku nkondo. Leka aci yao yafwilwe ana na yaiya. Leka aonsi yafwe ku mpungo, na alumendo leka yafwe ku nkondo.

Yelemiya 5:3

Cumi kwene Yawe akalolekesya pa vyacumi. Wene wamuzanzile, lelo mwemo mutuvwile ukali. Wene wamusyunozile, lelo mwakanyile ukusambililapo cimwi. Mwemo mwakoma imitwe ukuluta iwe nga nupya mwakana nu kuzenzuka.

Yelemiya 51:2

Namatuma ainamasi uku Babiloni ku kwelulula aikazi ya mwenemo, ndi vino umuza ukaelulula cungu mu malezi. Uwanda uo uwa ononesi ndi waca wafika, yalayazanza konsikonsi nu kusya impanga mwanku umwaula nanti cimwi.

Yelemiya 9:21

Imfwa yatitwingilila umu mawindo itu yatiingila nu mu mang'anda itu acindame. Yatikoma ana anono umu miseo na ance mu masokoni.

Ezekelo 24:21

‘Nena ang'anda yakwe Izlaeli uti Yawe Simwandalali uwavwanga wati lola namakowezya incende yane yamuzilo, cilumba ca maka inu, insansa zya manso inu nga ni ciluka ca myenzo inu. Ana inu aonsi na anaci yano mwasya ku cisila yalafwa ku lupanga.

Ezekelo 24:25

Nga alino Yawe wanenyile nupya ati, “We mwana wa muntu, nemo ndayapoka ing'anda yao ikulu yakwe Leza, ino yene yakamekelapo pano yakayuvwa, nupya ikayasansamusya. Yakaitamba nu kuipempula. Nupya ndayapoka ana yao aonsi na anaci.

Ezekelo 36:12

Mwemo mwe ina Izlaeli mwe antu yane, ala nemo ndamuwezezya uku mwinu, pakuti muce mwalyata apa musili winu. Nao ulaya icuma cinu, utalatala nupya uponyezye ana inu inzala foo.

Zakaliya 1:4

Mutakolana ni vikolwe vinu. Uku mpiti yakasema yasemile amalandwe yane kunoyali yati, Yawe Wamaka Onsi wavwanga wati, ‘Zenzukini ku misango inu iipe nga nu ku vicitwa vinu ivyankota. Lelo yene yakanyile ukunguvwa nanti ukunjela.

Mateo 3:12

Akweti ulupe ulwakwelela kuti aele ingano zyakwe zyonsi, azikolonganike nu kuzisezya mu nkoma. Lelo mapumbu alayoca mu moto usyazimiwa.”

Malango 28:18

“Yawe alamutipwila amupeele ana anono sile, ni vyakulya visi vya mpomvu, nga ni ng'ombe ni mbuzi zinono sile.

Malango 28:32

Ainamasi yalasenda mu uzya ana inu aonsi na anaci kwene ale mukulolekesyako sile. Cila wanda mulatumbula sile amanso, pakulola ndi yamawela.

Malango 28:41

Mulavyala ana aonsi na anaci, lelo mulayaponzya, pamulandu wakuti yalayasenda mu uzya.