Yelemiya 15:6 - Amazwi Yakwe Leza 2013

⁶ Mwemo mwankana. Mwemo mwamfutatila. Ali cino natimutambalikila ikasa lyane apa kumonona. Natintoonta nu kwelela.

Yelemiya 15:6 ပူးပေါင်းရင်းမြစ်များ

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Zefaniya 1:4

“Ndakonzolola ikasa lyane kuti mvunuke antu amu Yuda na onsi aikala mu Yelusalemu. Ndonona vyasyala vyonsi vyakwe Baali apa ncende ii. Kusi nanti umwi wino aliusya yasimapepo yano yakamutumikila.

Zakaliya 7:11

“Lelo antu nayo ku mufulo sile yakana ukuuvwa, yene ku kutalama kwao sile, yakana ukwika amano kuli vii vyonsi.

Oseya 11:7

Antu yane yakonkowezya ukumfutatila. Acino yene yalakuuta pamulandu wi koli ilili pano yali nga lelo kusi nanti umwi alayafumizya.

Ezaya 1:4

Mwatipwa sile mwe mutundu wa maifyo mwe! Ala mwemwe antu yononeke uku uyi, mwe antu yaipe mwe! Uyi winu wamukowezya. Mwemo mwasisya na mano inu kuli Yawe, Wamuzilo wakwe Izlaeli mwamufutatila.

Oseya 13:14

“Ntalatuula antu yaa ukufuma kuzimo, nanti ku maka ya mfwa. We mfwa, uzye vilumbelo vyako vili kwi? We lindi, uzye uononesi wako uli kwi? Ntalaya ni nkunkunsi pa antu yaa.

Ezekelo 25:7

acino nani lyene ndakusumba ku antu ya mitundu yuze, uleke yakakusampe vyonsi. Ndamulovya sile mwensi, pakuti umutundu winu ukalowe, mutakaikwatile impanga nupya. Ee, alino lyene mulasininkizya ukuti nene indi Yawe.”

Yelemiya 6:19

Uvwini kuno mwe ikazi ya panonsi! Lola, nkuletela antu yaa uononesi, pamulandu wakuti yene yakana usambilizyo wane nupya yakana ukuyela isunde lyane.

Yelemiya 6:11

Lelo nemo ninkwata icipyu cakwe Yawe. Natonta muno nkalu kuzizimizya.” Lyene Yawe avwanga kunondi ati, Pongolwela ukali wane apa ana yano yali mu misolo napa maumba ya alumendo. Yaiya na aci yalasendwa, nga na akoloci kwene yatalayasya.

Yelemiya 2:17

Uzye asi mwemwe mwenga mwalenga cico, apamulandu wakufutatila Yawe Leza winu, apacisila cakumutungulula umu nzila yampomvu?

Yelemiya 1:16

Ndakalipila antu yane nu kuyapingwila uyi uyi apa kwifya kwao. Yene yatiyansangukila, yakocela tuleza tuze ubani nu kupepa ivicitwa vya minwe yao.

Oseya 4:16

Aina Izlaeli yakoma imyenzo, wa ana ya ng'ombe. Uzye lyene Yawe angayimula uli ndi vino akalisya ana ya mfwele mu nyika?

Ezekelo 14:9

“Ndi cakuti kasema yamulyombeleka kuti aseme vyaufi, ala anene ne Yawe natindyombeleka kasema wiyo. Nga ndaomvya amaka yane nu kumupezya apakumufumya pakasi ka antu yane aina Izlaeli.

Yelemiya 20:9

Lelo limwi ndi navwanga nati, “Awe mwe, nkanilile sile Yawe nkante nu kulanda amazwi yakwe umwi zina lyakwe,” lyene mu mwenzo wane ilandwe lyako iliya wa kulunkuma kwa moto. Nu munteo zyane ala mumila, nani inezya kuyacinyintila apapezile amaka yane, lelo mucumi imposiwa kucita cico.

Yelemiya 8:5

Uzye pacani cino antu yaa yamfutatila? Yene yanyinyinda sile ku vyaufi ukwaula kuweluluka.

Yelemiya 2:19

Uyi winu ulamuletelela na ucisanguka winu ulamuzewanya. Alino lyene mulasambilila, muluvwa nu usungu icakuti nu kumucuzya cilamucuzya apakulola vino ukusuula Yawe Leza winu, nu kukana moopa kwaya. Ivyalanda ne Yawe Leza Wamaka yonsi.

Yelemiya 2:13

Antu yane yatala imilandu iili: yene yamfutatila, nemuno naya akafukoka ka manzi ya umi, yafukwila ni vifula vya manzi ivituloke ivisisunga amanzi.”

Ezaya 28:13

Icaleka fwandi Yawe umweneco amamusunda mu kuwatawata sile, mu kumusunda izwi ni zwi, musilwa nu musilwa, ni sambililo ni sambililo. Alino lyene mumacitanga cila lutampulo luno mwatampula ala mukupempezyoka. Mumaicisolanga nu kusendwa uzya lili lili.

Ezaya 31:3

Aina Eguputo yasi yaleza foo, lelo antu sile. Imfwalasi zyao isi mipasi foo, lelo inyama sile. Lino Yawe alacitapo cimwi, ale umutundu wa antu yamaka wapelelwa. Na antu ya mitundu yonsi yoili ale yalowa.

Yelemiya 6:12

“Amang'anda yao yalapokwa ku antu yauze, kumwi ni vyalo vyao na aci yao. Pano ndazunzula ikasa lyane pa kuvunuka aikazi ya mpanga iyo.

Yelemiya 7:16

Yawe avwanga kunondi ati, “We Yelemiya utezya ukupepela antu yaa nanti ukwezya ukuyalengela cimwi. Utezya kuyapapatila, pano ntaluvwa kunuli.

Yelemiya 8:9

Antu inu aamano insonyi zilayalema. Yalazewana nu kulemwa mu lukose. Na yayo akasuula Yawe, ale lyene amano yao ivyani vino yakayatumbwila?

Ezekelo 35:3

Antu aikala kweneko uyanene ukuti Yawe Simwandalali akuti, Nene mwanisi wako, we Mwamba wa Seili, nupya ndakufulula uye wa citalang'anda.

Yelemiya 13:14

Lyene ndatola yaisi na ana yao nkayapumanye wa nkolo. Nemo ntalayuvwila nu luse foo. Ntaluvwa ulanda nanti sile uluse. Ndayalovya pyu.’ ”

Yelemiya 44:22

Asi papo, ukufika napilelo impanga inu yononeka mutacili nanti umwi uwakwikala mwenemo. Antu yauze yakazunguka sile, apakulola vino cili, ni zina linu, ali lino yakaomvya apakutipwila. Pasi pano Yawe wasusile waposiwa ukuzizimizya apa miyele inu ni misango inu iipisye.