Yelemiya 15:3 - Amazwi Yakwe Leza 2013

³ “Mu cumi anene ne Yawe nayapingwilile imikosi ii ini, kuti iyaponele. Yalayakoma na yasimbwa yalatakanya ivyala vyao. Ivyunyi navyo vilayakompola ni nyama zya mpanga zilalya ivilasyalako.

Yelemiya 15:3 ပူးပေါင်းရင်းမြစ်များ

Masamu 68:23

Pakuti namwe muce mwatangana umu wazi wa anisi inu, na yasimbwa inu yace yakampa nu wazi wao pano yatemilwe.”

Ezaya 18:6

Ivyala vya vita vyao vilasyala vilambalile kuti vyunyi ni vinyama vya mpanga vikavilye. Ivyunyi avino vilavilya apa nsita ya cisanya, apa mwela pene ivilyanyi ali vino vilalya.

Yelemiya 12:9

Antu yane asololwe yakoline wa cunyi cino yatiyazanza konsikonsi uku makozi. Lyene yakwama ni nyama zyonsi izya mpanga kuti zize ziilyokezye.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 14:16

Nupya antu yano yakasemelako yalasumbwa umu miseo yamu Yelusalemu. Lilyo ale yatiyafwa ntangali ntangali uku lupanga nu kucipowe nu wakuyaziika aluula. Vintu vii vilacitikila alio na aci yao, ana yao aonsi na anaci kwene. Pano ndalandula uyi apa uyi wao.”

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 7:33

Ni vyala vya antu yayo vilaliwa uku vyunyi vyamu lwelele ni nyama zya mpanga, nga kutalaya uwakuvizinga.

Nyimbo zya ndosya 3:11

Watanzinganya nu kumfumizya ukunzi mu museo, waya wansanyola nga ansya na vivyo kwene pambiliwili.

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 33:27

“Caleka yanene uti, ‘Yawe Simwandalali walapa wati, Awe cumi kasili, antu aikala mu matongwa yalakomwa umu nkondo. Na yano yikala mu mpanga ndaleka yalike ku nyama zyamu mpanga. Na yano yafisama mu macele nu mu myamba nayo yalafwa ku mpungo.

Aina Levi 26:16

ndalenga kuti muvunukwe. Nkaalenga kuti uzanzo upone panomuli ni ndwala zyaula kupoziwa, ni ndwala zyakulenga kuti mupafule nga nu kulenga kuti umi winu ucepe. Mukaalima nu kukomela imbezu zinu. Lelo musizombola nanti cimwi, pamulandu wakuti anisi inu yakaamucimvya nu kulya ivyakulya vinu.

Aina Levi 26:22

Indi nukulenga ivilyanyi vikali kwiza pakasi kinu. Lyene ivilyanyi vivyo vilume ana inu nga vyonone ni viteekwa vinu, nu kumusya impendwa inono sile, cakuti miseo isyale sile.

Aina Levi 26:25

Ndalenga inkondo ukuya panomuli pa kumuvunuka pamulandu wa kutama upangano witu. Nupya ndi mwakongana mu misumba inu ku kuzina, indi nu kulenga indwala izisipoziwa kupona munomuli. Lyene muli nu kupatikiziwa ukucimba ku anisi inu.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.

Malango 28:26

Lino mulafwa, ivyunyi ni nyama zya mpanga iviliza vilye imili inu, nupya kutalaya nanti aumwi uwa kuvizila.

Malango 32:24

Yalafwa ku nzala nu ku mpepo iyanzakaza, yalafwa ku ndwala iziipisye izitamanyika. Ndatuma ivilyanyi vya mpanga vikayazanze, nga ni nzoka izya usungu cuze ziyalumole.

Umbwilo 6:8

Lyene ndola imfwalasi iswepuluke. Wino uwakwezilepo watemilwe izina lyakuti Imfwa, nga ni cifulo ca antu afwe camulondile pipi. Oili yapilwe maka pa ciputulwa ca mu viputulwa vini ivya nsi, kuti yakome antu mukuomvya inkondo, cipowe, ndwala, nga ni vilyanyi vya mpanga.