Yelemiya 15:2 - Amazwi Yakwe Leza 2013

² Ndi cakuti yakuuzya kuno yangalungama, uyanene ukuti Yawe wati, ‘Yamwi yali nu kufwa ku ndwala, nga ku ndwala kwene ali kuno yali nu kuya! Yamwi yali nu kufwa ku lupanga, nga ku lupanga kwene akuno yali nu kuya! Yamwi yali nu kufwa ku cipowe, nga ku cipowe kwene ali kuno yali nu kuya! Yamwi yali nu kusendwa ku uzya, nga ku uzya kwene ali kuno yali nu kufwa!’ ”

Yelemiya 15:2 ပူးပေါင်းရင်းမြစ်များ

Ezaya 10:4

Kulasyala sile ukukontamika imitwe mwi umba lya azya. Mulafwila umu nkondo. Na lilyo kwene ala Yawe acili asosile, pano ala acili watazunzula ikasa lyakwe apa kumuvunuka.

Ezaya 24:18

Wino wensi amaezya ukupuuka impungo, amaponela muli polowe. Na wino amapunsumuka mumo, amalemwa uku lukose. Iyulu limafomfomola imvula. Alino ivintu vino vyatungilila insi navyo vimatentanga.

Yelemiya 14:12

Pasi pano nanti yangata ukulya, nemo ntange nuvwe inkuuta zyao. Nupya nanti yangandetela amawila yakoca na mawila ya mbezu, nemo ntalazangila munoyali awe. Lelo ndayakomola ku lupanga, ku cipowe nu ku ndwala.”

Yelemiya 14:16

Nupya antu yano yakasemelako yalasumbwa umu miseo yamu Yelusalemu. Lilyo ale yatiyafwa ntangali ntangali uku lupanga nu kucipowe nu wakuyaziika aluula. Vintu vii vilacitikila alio na aci yao, ana yao aonsi na anaci kwene. Pano ndalandula uyi apa uyi wao.”

Yelemiya 16:4

yalafwa imfwa ya ndwala ziipisye. Kutalaya wakuyalosya nanti ukuyaziika. Yalalala wa muvundo mu musili. Yalalowa ku lupanga nu ku cipowe. Ivyala vyao vilaya ivyakulya vya vyunyi vyamu lwelele ni vilyanyi vyamu mpanga.

Yelemiya 19:7

Mu cifoloma kwene cico ali muno navulunginye amapange ya antu aku Yuda na aku Yelusalemu. Namaleka ukuti anisi yao yayacimvye umu nkondo, nu kuyakoma ali muno yayakomele. Namaleka ukuti ivyunyi ni vinyama vya mpanga ali vino vyalya ivyala vyao.

Yelemiya 43:11

Aliza afulule impanga ya Eguputo cakuti antu yano yasontelelwa ukufwa ku mpungo, yakafwe ku mpungo, yano yasontelelwa ukufwa ku cipowe, yakafwe ku cipowe nga na yano yasontelelwa ukufwa umu nkondo, yakafwile umu nkondo kwene.

Ezekelo 12:11

Uyanene uti, ‘Nene indi cimanyililo kuno muli.’ Ndi vino ncisile, avino cilayacitikila. Yalasendwa ku uzya.

Ezekelo 14:21

“Pano vii ivyalanda Yawe Simwandalali. Cilipisya wakwe cimwi lilyo lino ndapezya Yelusalemu ku vyaupinguzi vyane vii vini vyakoofya: inkondo, icipowe, ivilyanyi nga ni ndwala, kuti vyonone antu kumwi ni nyama.

Ezekelo 33:27

“Caleka yanene uti, ‘Yawe Simwandalali walapa wati, Awe cumi kasili, antu aikala mu matongwa yalakomwa umu nkondo. Na yano yikala mu mpanga ndaleka yalike ku nyama zyamu mpanga. Na yano yafisama mu macele nu mu myamba nayo yalafwa ku mpungo.

Ezekelo 5:12

Antu yonsi yalapaatukana patatu, iumba lyonga lilafwila mu musumba ku mpungo nu ku cipowe. Lyakwe cili nalyo lilafwila kunzi ya musumba ku lupanga. Lyakwe citatu nalyo ndalisalanganyizizya mu muza alino nkalilondele nu lupanga.

Ezekelo 5:2

Lino ukuzanzwa kwa musumba kwaya umukusila, tola akamutumba konga uye ukakocele pakasi ka musumba. Alino utoole akamutumba kakwe ciili, uye ufume ukukacentola nu lupanga lino ukuzinguluka umusumba. Akamutumba kakwe citatu, kene ukakanyunye umu muza, nga nani namafuma nkulondela apacisila nu lupanga.

Danieli 9:12

Wemo watufikilizya vino wavwanzile ukuti ulafikilizya ivyakupezya sweswe kumwi ni ntunguluzi zitu. Wavunwike Yelusalemu icikalale ukuluta umusumba uze uli onsi pano nsi.

Amosi 5:19

Cilaya ndi vino cikaya lino umuntu akuutuka cisama nga lyene akomanya icilyanyi icakolana ni cuuli, nanti vino cikaya ndu muntu wingila mu ng'anda, nga lino wasamila ku lung'umba inzoka imuluma.

Zakaliya 11:9

Alino namanena imfwele inti, “Lyene mwemo nsikumusunganga foo nupya. Mwemuno yali nu kukoma, kayamukome sile. Mwemuno yali nu kulovya, kayamulowe sile. Mwemuno mulasyala penepo, kamuce mwakomana sile mwenga.”

Umbwilo 13:10

Wino wensi ali nu kuya mu uzya, alasendwa mu uzya. Wino wensi akakoma ku lupanga, alinzile akomwe ku lupanga. Ku antu yakwe Leza paa yalinzile kuposya nu kukwata utailo.”