Yelemiya 14:2 - Amazwi Yakwe Leza 2013

² “Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Yelemiya 14:2 ပူးပေါင်းရင်းမြစ်များ

Yobo 34:28

Apa mulandu wakuti yapatikizye alanda ukupunda, kuli Leza, nawe fwandi ali pakuvwa ukulaizya kwao, nu kuyaasuka wayaasuka.

Masamu 144:14

Iviteekwa vitu kaviine nu kusandana ukwaula uku pulumula nanti ukuponga. Mutezya muvwike impoma nanti imwi umu miseo itu.

Kufuma 2:24

Leza auvwa kuteta kwao, nga atilile upangano wakwe uno wacisile na Abulaamu, na Isaki, na Yakobo.

Ezaya 15:5

Awe icumi umwenzo wane ukulilila aina Moabu! Antu yatiyasaamila ku musumba wa Zoali, ukufika nu ku Egilati Syelisyiya. Yamwi yatiyatumbela umuseo wa Luiti, ala yafumile yakulila muno yaile. Yamwi yatiyutukila uku Holonaimu, ala yakupongomoka wakwe cimwi!

Ezaya 24:11

Antu yakuinong'onya umu miseo apakuulilwa waini. Insansa zyatizisililikila sile, nu kusansamuka kwati kusila umu nsi.

Ezaya 24:4

Insi ili nu kukamilwa, nu kuumila. Insi yonsi ili nu kuumila icakuti na maka yakasililikile sile. Insi ni iyulu vili nu kuolela pamwi.

Ezaya 24:7

Amatingi nayo kwene lyene yakunyaluluka nu kufoota. Waini watatala apakumulola. Yonsi yano yuvwanga uluzango, lyene yatiyakungumala.

Ezaya 3:26

Impongolo zyako zilalila akalanda, nu kutulula impooma. Alino nawe we Zioni, ulikala pansi ale ukungumile.

Ezaya 33:9

Impanga ikulosya nu kucululuka. Lebanoni watalemwa ni nsonyi, watafoota. Cifoloma civunde caku Syaloni cili wa lwanga. Umu Basyani nu mu Kalimeli amafwa yatiyapululuka.

Ezaya 5:7

Aina Izlaeli ali calo ca matingi cakwe Yawe Wamaka yonsi, nga Ayuda nayo ali matingi kwene yano wene walima. Wene walolelanga kuti alole ndi cakuti yamacita ivilungame. Lelo yene yatandika ukukomola antu! Walolelanga kuti alole kuno yamacita ivilungame. Lelo wene uvwanga sile impoma zya antu yauze yano yafyengelekezyanga!

Yelemiya 11:11

Caleka lyene ne Yawe nkuyasoka ukuti namayaletela uononyi, nupya yene yatalutuka awe. Yamatangi ndi yalaizya tutulwe, nemo nsikwikangako amano.

Yelemiya 12:11

Yatiyaisangula wa lwanga, lino nani nkuilolela. Impanga yonsi yatisanguka wa lwanga nu wakuti aisakamale kusi.

Yelemiya 12:4

Uzye ukuumalala kwa mpanga itu kulasila lilaci? Ukuuma kwi sote mu vyalo vitu nako kulasila lilaci? Inyama zikufwa, ivyunyi navyo vikufwila sile pamulandu nu uyi wa antu aikala muno mpanga. Pano yene yakalola kwati wemo usyalola vino yakacita.

Yelemiya 18:22

Tumini iumba likasampe vyamu mang'anda yao mu kupumikizya. Uleke lyene mwauvwika impooma. Pano nemo yatiyanjimbila polowe umwakuti nize mponele mwenemo. Yatiyanteya ni vyakuti yize yandemeleko.

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 46:12

Mitundu yatiyuvwa pa lwakuzewana kwako. Impooma zyakukutezela zyatizilimba impanga. Icita conga cati cipempezyokela ku cuze nga na vyoili kwene vyativiponela pansi.”

Yelemiya 8:21

Lyene nemo ne Yelemiya ala cikumbaya wakwe cimwi ku mwenzo pamulandu wakuti antu yane yaculisya. Nemo nkulosya, caticimputula nu musana.

Nyimbo zya ndosya 2:8

Icacumi ampiti sana lino Umwene walavile ukuongolola amalinga yakwe Zioni. Wene wavungulwile umwando aya apima nu kupima, apakusininkizya ukuti yonsi yaongololwa. Impungu na malinga lyene avino vituntumile sile imitumba.

Nyimbo zya ndosya 2:9

Impongolo zyati zyononeka. Imifikilo nayo yakontoka kumwi ni mikolongelo. Umwene wamuno mpanga kumwi na makombe yakwe yasendwa uzya ku inamasi. Kusi nanti umwi uwakusambilizya amazwi yakwe Leza. Nanti sile a yakasema yakwe kwene yatiyata ukulola ivilolwa ukufuma ku Mwene.

Nyimbo zya ndosya 5:10

Inkanda itu ikaye see, ungati umoto wakwiziko, pamulandu nu kuwaya kwa nzala.

Oseya 4:3

Pamulandu wakwe cii mu mpanga mulaya icilala, nga na antu yonsi aikala mwenemo yalacula, kumwi ni nyama zya mpanga kwene, ni vyunyi vyamu lwelele. Ni nswi kwene zyamuli yemba zilafwa.

Yowelo 1:10

Ivyalo vyalala, umusili ukulosya pasi pano musi ingano, imitingi yonsi yatiuma. Imiolivi nayo kwene yatiuma.

Yowelo 1:11

Acino sokini mwe yalimi, lilini nu kulosya mwe yalimi ya matingi. Pano ingano ni mbezu zyakwe baale, na vyonsi vyamu calo vyativyononeka.

Yowelo 1:14

Nenini antu kuti yafunge ukulya. Nenini antu kuti yakongane umu mucinzi. Ama aikolo pamwi na yonsi aikala umu mpanga ii kuti yize yakongane mu Ng'anda ikulu yakwe Yawe Leza winu, nga mulile kunoli.

Yowelo 2:6

Antu ya mitundu yuze pasi pa ntete ndi yalola imiyele yao. Nga ni vinso vyao ivikwatisya intete ivyazakaza.

Hagai 1:11

Acino naponya icilala panonsi ponsi, pa vyalo vinu vyonsi vya ngano, ni vyalo vya matingi ni miti ya miolivi nga alino na pavimelwa vyonsi vyapano nsi pa musili, nivya vilimwa vyonsi nga na pa antu yonsi ni nyama kwene.”

Zakaliya 7:13

Yawe Pali pakuvwanga ukuti antu yakwe ndi yasikuvwa vino akulanda, awe cumi nawe atalauvwa vino yalamupapata.

1 Samueli 5:12

Na yao apuswike ku kukanafwa yalwile ivipute, nga na antu yakuta kuli yaleza yao kuti yayatuule.

1 Samueli 9:16

“Mutondo pa kasita kwene ndi kaka kwene ndakutumila umuntu umwi uwamu mpanga yakwe Benjamini. Ali wino wemo ukasonte ukuya umwene wa antu yane aina Izlaeli. Wene alakulula antu yane ku makasa ya ina Filisti. Nemo natindola ukucula kwa antu yane, pano nuvwa mpiti inkuta yao.”