Yelemiya 13:11 - Amazwi Yakwe Leza 2013

¹¹ Pano ndi vikwene vino insalu zya kuindila zikapapatila ku musana wa muntu, ali vino nani kwene nkalonda ukuti aina Izlaeli yonsi na ina Yuda yandemasye. Apakuti yaye antu yane, yalenga na antu yauze yandumbanya nu kuncindika. Lelo icamupamba cico cene antu yane yasicilonda.”

Yelemiya 13:11 ပူးပေါင်းရင်းမြစ်များ

Masamu 135:4

Pano Yawe waisolwela Yakobo kuti aye uwakwakwe, wacita Izlaeli ukuya icuma cakwe.

Masamu 147:20

Atatala wacita vivyo uku mutundu uli onsi, yene yatamanya amasunde yakwe, awe. Lumbanyini Yawe!

Masamu 81:11

Lelo antu yane yakana ukunguvwa. Aina Izlaeli yakana ukunjela.

Ezaya 43:21

Yaya kwene ali antu yano naipangile, kuti yaimbila inyimbo zyakundumbanya.”

Ezaya 62:12

Yalaama umutundu wamuzilo yati, “Akululwa yakwe Yawe.” Nawe yalakwama yati, “Umulondwe, Umusumba Utalatazyelwa.”

Yelemiya 13:1

Yawe avwanga kunondi ati, “Yanga ukakale umusipi wa nsalu yakuindizya, uizwale nu mu musana. Utakezye kuituwika mu manzi.”

Yelemiya 13:10

Antu ya aipe, nupya yene yakakana nu kuyela amazwi yane. Yene yatalama nupya yakomela sile ukwifya. Yakapepa utuluwi, tuleza tuze tuze sile nupya atuno yakatumikila. Ali cino fwandi nayo kwene yalakolana ni nsalu kwene zizyo, zino antu yatange yazizwale nupya.

Yelemiya 13:12

Yawe walanda wati, “We muntu we Yelemiya, nena aina Izlaeli ukuti yazuzye inkolo zyonsi na waini. Alino ndi yakuuzya yati, ‘Uzye tutamanyile ukuti umu nkolo zyonsi mulinzile mwazula waini?’

Yelemiya 19:15

ukuti Yawe Wamaka yonsi, Leza wa ina Izlaeli, watavwanga ati, “Nemo nasya indetele umusumba uu ni mizi yonsi iyaya umu mbalimbali, uononesi wa misango yonsi, uno nanenyile antu ukuti ndaleta pamulandu wakuti yene yatalama imyenzo nupya yasikulonda ukuvwa vino nkulanda.”

Yelemiya 32:20

Awewe wacisile ivimanyililo ni vipezyamano mu mpanga ya Eguputo nupya avino ukacita ukufika na pali ndakai mu ina Izlaeli nu mu antu yonsi. Wailonkela izina lino ukweti apilelo.

Yelemiya 33:9

Alino kunondi Yelusalemu alaya izina lyaluzango, ilyalulumbi nu ucindami, umu mitundu yonsi iya pano nsi, lino yaluvwa isyuko lino ndayaletela. Nupya ilaopa nu kuzakaza, apamulandu wa usuma onsi ni cituku consi cino ndayapeela.’ ”

Yelemiya 6:17

Namusontelile na yakalinda ukuti yangakutika ku kulila kwa ntandala. Lelo mwemo mwakanyile muti, “Tutakutala tukutike.”

Yelemiya 7:13

Lino mwemo mwacitanga ivintu vii vyonsi, nemo namuvwanzizye lili lili, lelo mutatezizye awe. Namwamile, lelo imukana ukuvwa ulwamo lwane.

Yelemiya 7:23

Lelo nayapile ilamulo lii lyakuti, mwayela amazwi yane, pakuti nje Leza winu nga namwe mulaya antu yane. Nupya mwapita umu nzila zyonsi zino nkumulanga, alino mulaya nu longo.

Yelemiya 7:24

Lelo yakanyile ukunguvwa nanti ukuteya amatwi. Yalondelelanga ulunkumbwa lwamu myenzo yao iipe. Yene yamfutatile yakana nu kumfutatukila.

Yelemiya 7:26

Lelo yene yakanyile uku nguvwa nanti ukusakamala. Mu cifulo cakwe cico, yene yatonkomalike sile insingo zyao, nu kwifya ukuluta na pa vikolwe vyao.

Amosi 3:1

Mwe uvwini amazwi yano Yawe wavwanzile, amazwi akumukalipila mwe ina Izlaeli. Kuli kuti uluko lonsi luno wafumizye mu mpanga ya Eguputo. Wene wavwanzile ati,

Luka 10:11

‘Nu lukungu kwene ulwa mu musumba, ulukambatile ku ngazo zitu, lwakuntilwa kunomuli. Acino iusyini vino Wene wakwe Leza wati upalama kunomuli!’

Malango 26:18

Ilelo Yawe nawe watazumila ukuti mwemwe antu yakwe kololo, wakwe vino wamulavile. Watapeela ilamulo kunomuli kuti mwayela amasunde yakwe yonsi.

Malango 26:19

Mwemo alaleka muye uluko lukulu ukuluta antu amu nko zyuze yano waumba, nga namwe mulamulumbanya nu kumucindika.

Malango 4:7

“Kusi umutundu uze nanti onga, nanti ungakula uli, uno wakwata Leza wao mu pipi wakwe vino Yawe Leza witu waya kunotuli. Wene akatwasuka lyonsi lino twamulaizya.

1 Petulo 2:9

Lelo mwemwe mutundu usololwe, yasimapepo aku wene. Mwemwe luko lwamuzilo, nupya antu yakwe Leza yano asololwa kuti yalande vicitwa vyakwe Leza vyakuzunguka. Leza uwamwama kuti mufume mu mfinzi nga mwize mu luswepo lwakwe ulwakuzunguka.