Yelemiya 12:4 - Amazwi Yakwe Leza 2013

⁴ Uzye ukuumalala kwa mpanga itu kulasila lilaci? Ukuuma kwi sote mu vyalo vitu nako kulasila lilaci? Inyama zikufwa, ivyunyi navyo vikufwila sile pamulandu nu uyi wa antu aikala muno mpanga. Pano yene yakalola kwati wemo usyalola vino yakacita.

Yelemiya 12:4 ပူးပေါင်းရင်းမြစ်များ

Masamu 107:34

Impanga ya vilyo isangula iya cicelecele, apamulandu nu uyi wa antu atenzi mwenemo.

Masamu 50:21

Ee, avino mukacita. Uzye mukulonda ukuti nani nsule sile? Uzye mukuti nani naya wakwe mwemwe? Ee, mwalola! Ilelo namunenelapo, namutotwela tonsi pyu.

Ezaya 24:4

Insi ili nu kukamilwa, nu kuumila. Insi yonsi ili nu kuumila icakuti na maka yakasililikile sile. Insi ni iyulu vili nu kuolela pamwi.

Ezaya 24:6

Asi papo Leza lyene watatipwila insi apakuti iononeke. Antu kwene aikazi yamwenemo, ali yano yatiyailetelela aeneco kwene. Ali mulandu kwene uno lyene insyazi zyakunzi zyatizitandika ukucepela kweneko.

Yelemiya 12:11

Yatiyaisangula wa lwanga, lino nani nkuilolela. Impanga yonsi yatisanguka wa lwanga nu wakuti aisakamale kusi.

Yelemiya 14:2

“Impanga ya Yuda ili mu malanda ni misumba ya iko ikufwa, na ikazi yamwenemo yakwalangana sile ku ucuzi. Mu Yelusalemu namo kwene muli impooma.

Yelemiya 23:10

Mu mpanga muzile sile yacizelele. Apamulandu wa citipu, na pamulandu wa vintu vii, impanga ikulila ulanda nga ni ncende zyakucemelamo zyamu lwanga zyatizyuma. Yakasema yakulondela inzila zya kwifya. Yakuomvya amaka yao umukucita ulufyengo.

Yelemiya 4:25

Nalolekesya, awe cumi kusi umuntu nanti wenga. Ivyunyi vya mpanga vyonsi vyativyutukila kumwi.

Yelemiya 4:28

Calenga ukuti impanga ilalila iyoyomba, nu kwiyulu kulafita fititi, pamulandu wakuti ne Yawe natimvwanga, nupya natimpanga ukucita cico kwaula kufutuka.”

Yelemiya 5:13

Yene yavwanga ukuti yakasema imiza sile nupya yatakweti amazwi yakwe Yawe.

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 7:20

Ali cino Yawe Simwandalali akuti, “Ukali wane ni cipyu cane vilaponela apa ncende ii. Vilaponela umuntu ni nyama kwene, imiti ya mpanga ni viseekwa kwene. Ukali wane ulaya wa moto uno kusi nanti wenga angauzimya.”

Yelemiya 9:10

Alino ne Yelemiya mvwanga inti, “Awe cumi nemo kanaloosya imyamba. Kanalilila umulemvwe umwakucemelamo iviteekwa, pano mu myamba mwatimuma, nu mulemvwe nao watiuma. Musi umuntu nanti wenga akupita mwenemo. Umutinti wa viteekwa usikuuvwika, ivyunyi pamwi ni nyama zya mpanga vyativyutuka.”

Yelemiya 9:9

Uzye kwene nemo ntalayavunuka apa vintu vivyo viipe? Uzye kwene umutundu wa musango ndi uo ntange ndandule? Ne Yawe natindanda.”

Oseya 4:3

Pamulandu wakwe cii mu mpanga mulaya icilala, nga na antu yonsi aikala mwenemo yalacula, kumwi ni nyama zya mpanga kwene, ni vyunyi vyamu lwelele. Ni nswi kwene zyamuli yemba zilafwa.

Yowelo 1:18

Iviteekwa navyo kwene vikulila inzala. Ing'ombe nazyo zikulukulungana pano zitakweti umulemvwe. Ni mfwele kwene zikulukuzewana.

Amosi 1:2

Amosi wavwanzile ati, “Yawe akung'anza ku Zioni, amazwi yakwe yakuuvwika ungati ukupangalansya umu Yelusalemu. Uli mulandu uno amanyika yakwe yakacema yatiyuma, na kansonsi ka mwamba wa Kalimeli kakuuma.”

Habakuku 3:17

Cingaya cemvya nanti umutingi utangaseeka ivizao, nu musamvu utangaya ni luwa nu kuseeka ivizao, ni cazi kwene citangaseeka, lelo umu vyalo vyao mutakatale mufume kamwi. Nga imfwele mu vitata ni ng'ombe zyao kwene mu nduwa zifwe zilukute zyonsi.

Zakaliya 1:12

Lyene umungeli wakwe Yawe avwanga ati, “We Yawe Wamaka yonsi, uzye ukufika lilaci lino utalaya na mizu ku ikazi amu Yelusalemu nu mu misumba yaku Yuda, yayo yano waponyezizye ukali wako pa myaka amakumi cinimbali?”

Loma 8:22

Pano twamanya vino kufika na ndakai uumbo onsi ukuteta nu kuwaika kwa umbuza.