Yelemiya 12:2 - Amazwi Yakwe Leza 2013

² Wemo wewe kwene ukayalema wa milemo. Nayo ali pakutamba wa misisi, iyakula yasuka yaseeka ni viseekwa. Kuvwanga kwene, awe cumi yakavwanga usaka usaka. Lelo ukuti yakusumbeko amano, awe kwene foo.

Yelemiya 12:2 ပူးပေါင်းရင်းမြစ်များ

Yobo 24:12

Umu musumba, unguvwa kuno antu yakung'onta nu kupumbuka. Limwi unguvwa na kuno antu yano yatiyalasa yakuteta. Nupya kusi nanti umwi angasakamala, nu kuyuvwila uluse lino yakumupapata.

Yobo 5:3

Nemwisikulu nalola iciwelewele icikaikala ningo, lelo zuwazuwa ali vino intipu zyaletelile ing'anda yakwe.

Masamu 37:35

Naweni umuntu mwipe uwaitankanga, nu kuitongamika papela kwati umukelide uwaku Lebanoni.

Ezaya 29:13

Icacumi Umwene akuvwanga akuti, “Antu yaa yene yakalanda ukuti yakampepa fwandi yakazaila sile, na mano yao yaya kuze kuze. Amasunde ya antunze ni ntambi zyao, ali vino yakaiusya sile mu mutwe, yene ali mapepo yao.

Yelemiya 11:17

“Anene kwene ne Yawe Wamaka yonsi nalemile Ayuda na ina Izlaeli wa mutingi. Apilelo pene namayazanza. Aeneco kwene yamailetetela pamulandu nu uyi wao, pano alio kwene yalenzile kuti insoke pamulandu wakutuula Baali impolelwa.”

Yelemiya 3:10

Vivyo vyonsi vitalenzile Yuda, kaci wakwe cizelele muze, ukuweluluka kunondi nu mwenzo wakwe onsi. Lelo wene wacitanga cico umwisyente.” Ivyalanda ne Yawe.

Yelemiya 45:4

Yawe nawe wavwanga wati, “Cino nakuuzile namaciongolola, nacino naalemile naco namacitukula. Ala namafulula impanga yonsi pyu.

Ezekelo 33:31

Antu yane yakaiza kunuli iumba likalamba, yiza yikala pa nkolelo yako apa kuvwa amazwi yako, lelo yakana ukuyalondela. Mu tunwa twao mwazula intumpu, nu mu myenzo yao mwaya ulwiswa lwa vyuma vino yakalonkela uku ukakasi.

Oseya 7:14

Yene yasipepa kunondi ukufuma mu myenzo, lelo yakaisumba apa misanzi yao nu kulila. Yakalila impoma wa inamasi apamulandu wa kulonda cakulya ni cakumwa, lelo yene yakamfutatila.

Habakuku 1:13

Amanso yako aziliziwe cakuti yasilonda ukulola iviipe. Utangazumilizya antu aipe yatwalilile ukuyembula insi. Umulandu cii cino ungazumilizya vyamusango uu ku antu aipe? Uzye apacani cino utangatola ulutampulo lwakulesya aipe ukulovya asuma nanti akaele?

Mateo 15:8

‘Antu yaa yakancindika sile mu mazwi yao. Lelo melenganyo yao yali kutali kufuma kunondi.

Mako 7:6

Yesu nawe ayaasuka ati, “Ezaya wali ningo lino wasemile pali mwemwe! Mwe yasomvi, wakwe vino walemvile ati, ‘Leza ati, antu yaa, yakancindika sile mu mazwi yao. Lelo melenganyo yao yali kutali kufuma kunondi.

Tito 1:16

Yene yakati yamanya Leza, lelo vicitwa vyao vikayasinila ukuti mu cumi yatamumanya. Yene yaya nu lupato nupya yasyayela Leza. Yene yasi antu ampomvu angacita cisuma cili consi.