Yelemiya 11:9 - Amazwi Yakwe Leza 2013

⁹ Alino lyene Yawe avwanga kunondi ati, “Antu amu Yuda na ikazi amu Yelusalemu yatiyumana akapi yansangukila.

Yelemiya 11:9 ပူးပေါင်းရင်းမြစ်များ

Yelemiya 5:31

Yakasema yakusema vyaufi na yasimapepo nayo yakusambilizya sile vino yatemwa. Lelo antu yane nayo aula ukuyalesya. Uzye lyene mulacita uli lino vii vilasila?”

Yelemiya 6:13

Cila muntu, ukutandikila sile pa munono ukufika napa mukalamba, yonsi kwene yapunuka ku kulondelela ulonsi. Yonsi pyu, ukutandikila kuli kasema mpaka na kuli simapepo, yakacita usomvi umwi uipisye ku antu.

Yelemiya 8:10

Icaleka indapeela aci yao kuli yauze, ni vyalo vyao kuli yakacimvya ya mpanga. Pano yonsi sile, anono na akalamba, ukutandikila kuli yakasema ukufika kuli yasimapepo yacita ucenjezi uwiipisye.

Oseya 6:9

Ndi vino azanzi yakateyamila umuntu umwi, vivyo kwene avino yasimapepo yakacita kuti yakome antu umu museo uwaku Syekemu. Cumi kwene yene yakakoma antu uku mufulo sile.

Mika 3:11

Yakapingula yakweo yakapoka amafukakanwa apakupingula. Yasimapepo yakweo yasisambilizya ukwaula kulifya cimwi. Yakasema yakweo yakasema kuti yalipilwe. Nupya yene yakalanda ukuti Yawe ali na alio. Yakavwanga yati, ‘Kusi cimwi ciipe icingatuponela, awe, pano Yawe ali naswe.’ ”

Mateo 26:15

ayauzya ati, “Uzye ndi namukoopela Yesu, mumampela cani?” Alino nao yamupeela impiya makumi yatatu zyakwe siluva.

Yoane 11:53

Kufuma pa wanda ulya, intunguluzi zya Ciyuda zipangana kukoma Yesu.